તમન્ના ભાટિયા સાથે રિલેશન જાહેર કર્યા બાદ પાપારાઝીથી અકળાયેલા વિજય વર્માએ કહ્યું, તેમનું મગજ…

અભિનેતા વિજય વર્મા અને અભિનેત્રી તમન્ના ભાટિયાએ તેમના રિલેશનશિપને જાહેર કર્યું ત્યાર બાદ તેઓ ખાસા ચર્ચામાં રહે છે. વિજય વર્મા અને તમન્ના ભાટિયાએ તેમના સંબંધને ઓફિશિયલ કર્યો ત્યારથી તેમની દરેક એક્ટિવિટી પર પાપારાઝીઓની નજર રહે છે. એટલું જ નહીં તમન્ના ભાટિયા અને વિજય વર્મા બહાર નીકળે તે સાથે જ પાપારાઝી તેમને ઘેરી લેતા હોય છે. […]

Last Updated : 07 October 2023, 08:07 AM IST

અભિનેતા વિજય વર્મા અને અભિનેત્રી તમન્ના ભાટિયાએ તેમના રિલેશનશિપને જાહેર કર્યું ત્યાર બાદ તેઓ ખાસા ચર્ચામાં રહે છે. વિજય વર્મા અને તમન્ના ભાટિયાએ તેમના સંબંધને ઓફિશિયલ કર્યો ત્યારથી તેમની દરેક એક્ટિવિટી પર પાપારાઝીઓની નજર રહે છે. એટલું જ નહીં તમન્ના ભાટિયા અને વિજય વર્મા બહાર નીકળે તે સાથે જ પાપારાઝી તેમને ઘેરી લેતા હોય છે.

જોકે તમન્ના ભાટિયા સાથેનો સંબંધ જાહેર કર્યા બાદ વિજય વર્માએ પાપારાઝીઓથી પરેશાન થઈને પૈપ કલ્ચર અંગે ખૂબ ચોંકાવનારી વાત કરી હતી. વિજય વર્માએ જણાવ્યું કે, તેઓ પોતાના દમ પર ઘણું સારૂ કામ કરી જ રહ્યા હતા પરંતુ તેમણે તમન્ના ભાટિયા સાથે બહાર નીકળવાનું શરૂ કર્યું એટલે પાપારાઝીઓની ખલેલ વધી ગઈ.

પાપારાઝીથી નારાજ વિજય વર્મા

વિજય વર્માએ જણાવ્યું હતું કે, તેઓ તમન્ના ભાટિયા સાથે બહાર નીકળે એટલે પાપારાઝીઓ તેમની પાછળ પડી જાય છે. વિજય વર્માએ આ પાપારાઝી કલ્ચર અંગે નારાજગી વ્યક્ત કરતા કહ્યું હતું કે, તેઓ જ્યારે તમન્ના ભાટિયાને ડેટ નહોતા કરી રહ્યા તે સમયે તેઓ પાપારાઝીઓને સારી રીતે હેન્ડલ કરી લેતા હતા પણ આ રિલેશનશિપ બાદ બધું બગડી ગયું અને પાપારાઝીઓનું મગજ ખરાબ થઈ ગયું છે.

વિજય વર્માના કહેવા પ્રમાણે તમન્ના ભાટિયા સાથેના સંબંધ બાદ પાપારાઝીઓનું મગજ ખરાબ થઈ ગયું છે. પહેલા તેમની બિલ્ડિંગની બહાર કોઈ ન આવતું પણ હવે પાપારાઝી સીધા તેમના દરવાજે આવી જાય છે. પાપારાઝીથી બચવા માટે તે અંધેરીના અલગ-અલગ વિસ્તારોમાં રહેવા લાગ્યા છે જેથી કોઈને ખબર ન પડે અને સૌ પાપારાઝી તેમના ઘર બહાર ઉમટી ન પડે.

તમન્ના ભાટિયાના કારણે મળી રહ્યું છે વધારે અટેન્શન

તમન્ના ભાટિયા અને વિજય વર્માએ પોતાના એન્થોલોજી પ્રોજેક્ટ ‘લસ્ટ સ્ટોરીઝ 2’ના પ્રચાર દરમિયાન પોતાના સંબંધની જાહેરાત કરી હતી. પાછલા એક ઈન્ટરવ્યુ દરમિયાન વિજય વર્માએ પોતાના તમન્ના ભાટિયા સાથેના સંબંધ અંગે પણ ખુલીને વાતો કરી હતી. વિજય વર્માના કહેવા પ્રમાણે પહેલા તેમને એકલા ફરવાની આદત હતી પરંતુ હવે તેઓ તમન્ના ભાટિયા સાથે બહાર નીકળે એટલે તેમને ખૂબ વધારે અટેન્શન મળે છે. વિજય વર્માના કહેવા પ્રમાણે તે આ વાતથી સહજતા નથી અનુભવતા પણ તેની આદત કેળવવા પ્રયત્ન કરી રહ્યા છે.

વિજય વર્માનું વર્ક ફ્રન્ટ

વર્ક ફ્રન્ટની વાત કરીએ તો વિજય વર્મા હાલ નેટફ્લિક્સ થ્રિલર ‘જાને જાં’માં જોવા મળી રહ્યા છે. સુજોય ઘોષ દ્વારા નિર્દેશિત આ ફિલ્મમાં કરીના કપૂર, જયદીપ અહલાવત અને પંકજ સચદેવા પણ છે. આ રહસ્ય થ્રિલર ફિલ્મની વાર્તા જાપાની નવલકથા ‘ધ ડિવોશન ઓફ ધ સસ્પેક્ટ એક્સ’ પર આધારીત છે. વિજય વર્મા પાસે હોમી અદજાનિયાની ‘મર્ડર મુબારક’ પણ છે.

Tags :