અનુપમ ખેર માટે ઢોંસા બનાવતા જોવા મળ્યા અનુરાગ બાસુ

બોલિવુડના પ્રખ્યાત એક્ટર અનુપમ ખેર આવનાર સમયમાં અનુરાગ બાસુની ફિલ્મ ‘મેટ્રો ઈન દિનો’માં જોવા મળવાના છે. આ વચ્ચે ફિલ્મના શૂટિંગ દરમિયાન સેટ પરથી એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે લોકોને ખૂબ જ પસંદ આવી રહ્યો છે અને ફેન્સ ખુબ વખાણ કરી રહ્યા છે. વાયરલ થઈ રહેલા વિડીયોમાં જોઈ શકાય […]

Last Updated : 12 July 2023, 07:39 AM IST

બોલિવુડના પ્રખ્યાત એક્ટર અનુપમ ખેર આવનાર સમયમાં અનુરાગ બાસુની ફિલ્મ ‘મેટ્રો ઈન દિનો’માં જોવા મળવાના છે. આ વચ્ચે ફિલ્મના શૂટિંગ દરમિયાન સેટ પરથી એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે લોકોને ખૂબ જ પસંદ આવી રહ્યો છે અને ફેન્સ ખુબ વખાણ કરી રહ્યા છે. વાયરલ થઈ રહેલા વિડીયોમાં જોઈ શકાય છે કે અનુરાગ બાસુ, એક્ટર અનુપમ ખેર માટે અંડા ઢોંસા બનાવી રહ્યા છે. જે જોવામાં ખૂબ જ સારો લાગી રહ્યો છે. વિડીયોમાં અનુરાગ બાસુ હોટ પ્લેટમાં વાનગી તૈયાર કરી રહ્યા છે જ્યારે અનુપમ ખેર તેની બાજુમાં ઉભા છે અને કેમેરા સાથે વાત કરી રહ્યો છે.

જ્યારે અનુરાગ ઢોંસા તૈયાર કરી રહ્યા હતા, ત્યારે અનુપમે તેને અન્ય વસ્તુઓ ઉમેરતી વખતે તેલ ઉમેરવા વિનંતી કરી હતી. અનુપમે સીલબંધ બોટલમાંથી તેલ રેડવાની કોશિશ પણ કરી પરંતુ અનેક પ્રયત્નો કરવા છતાં તેલ નીકળ્યું ન હતું અને છેલ્લે અનુરાગે ઉકેલ તરીકે, તેના બદલે ઢોંસામાં માખણ ઉમેર્યું હતું.

અંડા ઢોંસા તૈયાર કર્યા પછી અનુરાગ બાસુએ, અનુપમને સરસ ઢોંસા પીરસ્યા હતા. અનુપમે તમામ લોકોને તાળીઓ પાડવા કહ્યું અને બંનેએ હાથ મિલાવ્યા. અનુપમ ખેરે, અનુરાગ સાથે મજાક કરતા કહ્યું કે “તારી દરેક ફિલ્મમાં હવેથી મને કાસ્ટ કરજે”, જેનાથી અનુરાગ બાસુ હસી પડ્યા હતા. અનુરાગે જવાબ આપ્યો કે અનુપમ દરેક ફિલ્મમાં તેમના દ્વારા તૈયાર કરાયેલી વાનગી ખાશે, અને અનુપમ “100 ટકા” કહીને સંમત થયા. અનુપમે વાનગીનો સ્વાદ માણ્યો અને તેની પ્રશંસા પણ કરી.

સોશિયલ મીડિયા પર વીડિયો શેર કરતા અનુપમ ખેરે કેપ્શનમાં લખ્યું, “આજના બ્રેકિંગ ન્યૂઝ, #MetroInDino ના સેટ પર અનુરાગ બાસુ, અનુપમ ખેર માટે ઈંડાનો ઢોંસા બનાવે છે જુઓ…. જાણો….. ખાઓ… અને મજા કરો!! ઈંડાના ઢોંસા ખાધા બાદ અનુપમે અનુરાગના વખાણ કર્યા હતા. તેણે ફિલ્મમાં સારો રોલ આપ્યો અને થાળીમાં ઢોંસા પણ લાજવાબ હતા. હાહાહાહા! કંઈ પણ થઇ શકે છે. હે અનુરાગ બાબુ!!

અત્રે ઉલ્લેખનીય છે કે “મેટ્રો ઇન દિનો” નામની આગામી ફિલ્મ આ વર્ષે 8 ડિસેમ્બરે રિલીઝ થવાની છે. આ એક એન્થોલોજી ફિલ્મ છે જેમાં આદિત્ય રોય કપૂર, અનુપમ ખેર, સારા અલી ખાન, કોંકણા સેનશર્મા, નીના ગુપ્તા, પંકજ ત્રિપાઠી અને ફાતિમા સના શેખ છે.

Tags :