Anushka Sharma: બીજી વખત પ્રેગનેન્ટ હોવાની અફવાઓ વચ્ચે શેર કર્યો બેબી બમ્પ ફોટો

Anushka Sharma: બોલિવુડ અભિનેત્રી અનુષ્કા શર્મા (Anushka Sharma)એ તે ફરી વખત પ્રેગનેન્ટ હોવાની અફવાઓ વચ્ચે બેબી બમ્પ દર્શાવતી તસવીર શેર કરી છે. અનુષ્કા શર્મા અને ક્રિકેટર વિરાટ કોહલી (Virat Kohli) બીજા સંતાનની અપેક્ષા રાખી રહ્યા હોવાનું જણાઈ રહ્યું છે. Anushka Sharmaએ શેર કરી તસવીર અભિનેત્રી અનુષ્કા શર્માએ પોતાની ગર્ભાવસ્થા અને તે અંગેની અફવાઓ અંગે મૌન […]

Last Updated : 27 October 2023, 05:41 AM IST

Anushka Sharma: બોલિવુડ અભિનેત્રી અનુષ્કા શર્મા (Anushka Sharma)એ તે ફરી વખત પ્રેગનેન્ટ હોવાની અફવાઓ વચ્ચે બેબી બમ્પ દર્શાવતી તસવીર શેર કરી છે. અનુષ્કા શર્મા અને ક્રિકેટર વિરાટ કોહલી (Virat Kohli) બીજા સંતાનની અપેક્ષા રાખી રહ્યા હોવાનું જણાઈ રહ્યું છે.

Anushka Sharmaએ શેર કરી તસવીર

અભિનેત્રી અનુષ્કા શર્માએ પોતાની ગર્ભાવસ્થા અને તે અંગેની અફવાઓ અંગે મૌન રહેવાનું પસંદ કર્યું છે. જોકે ગુરૂવારના રોજ તેણે ઈન્સ્ટાગ્રામ પર પોતાની પ્રથમ પ્રેગ્નેન્સી વખતની એક તસવીર શેર કરી હતી. તેમાં અનુષ્કાએ વામિકા જ્યારે તેના પેટમાં હતી તે સમયની એક તસવીર શેર કરીને ફોન બ્રાન્ડને પ્રમોટ કરી હતી.

ચકદા એક્સપ્રેસની અભિનેત્રી અનુષ્કા શર્મા (Anushka Sharma)એ પોતે ફોન અપગ્રેડ કરી રહી હોવાનું જાહેર કરવા માટે પ્રથમ પ્રેગ્નેન્સી વખતના ફોટોને શેર કરવાની સાથે જ ગાર્ડનમાં કોફી ટેબલ સામે બેસીને ફોન સાથેના પોઝને રીક્રિએટ કર્યો હતો. આ ઉપરાંત તેણે કેપ્શનમાં લખ્યું હતું કે, “સમય ઉડી રહ્યો છે…અને આ ખૂબ જ જરૂરી અપગ્રેડનો સમય છે, જો તમે #OnePlusOpen સાથે અપગ્રેડ કરી શકો છો સેટલ કેમ થવું..” આ સાથે જ તેણે વનપ્લસ ઈન્ડિયા પરિવારનો ભાગ હોવા બદલ આનંદ વ્યક્ત કર્યો હતો.

વધુ વાંચો: Ranbir Kapoor: આલિયા ભટ્ટના લિપસ્ટિકના નિવેદન પર રણબીર કપૂરે મૌન તોડયું

બેબી બમ્પ ફ્લોન્ટ કરતાં પ્રેગ્નન્સીની ચર્ચા

અનુષ્કા શર્માએ શેર કરેલા ફોટોમાં એકમાં તે બ્લેક ડ્રેસમાં હાથમાં ફોન સાથે બેબી બમ્પ ફ્લોન્ટ કરતી જોવા મળે છે. સાથે જ અનુષ્કાએ તાજેતરનો એક ફોટો પણ અટેચ કર્યો છે જેમાં તે ગાર્ડન એરિયામાં સેઈમ બ્રાન્ડના 2 ફોન પ્રમોટ કરતી જોવા મળી રહી છે. જોકે આ વાત માત્ર ફોન પૂરતી સીમિત ન હોવાનું જણાઈ રહ્યું છે કારણ કે, અનુષ્કાએ ગાર્ડન એરિયામાં પહેલાની માફક આંખો બંધ રાખી ખુશનુમા પોઝ આપ્યો છે અને હાથમાં એકના બદલે બે ફોન રાખ્યા છે જે તે ફરી બીજા સંતાનની માતા બનવાની હોવા તરફ ઈશારો કરે છે.

વધુ વાંચો: પતિની ધરપકડ બાદ દેશ છોડવા તૈયાર હતી અભિનેત્રી Shilpa Shetty

પ્રેગ્નેન્સીની અફવા અંગે ચૂપ્પી

તાજેતરની પોસ્ટમાં પણ અનુષ્કાએ પ્રેગ્નેન્સીની અફવાઓ અંગે ચૂપ રહેવાનું જ પસંદ કર્યું છે પરંતુ ચાહકોએ ભારત-પાકિસ્તાન વચ્ચેની વર્લ્ડ કપ મેચ બાદ તેના બેબી બમ્પને નોટિસ કર્યો હતો. એક અહેવાલ પ્રમાણે વિરાટ કોહલી (Virat Kohli) અને અનુષ્કા પ્રથમ વખતની જેમ આ વખતે પણ છેલ્લી ઘડીએ ચાહકો સાથે આ સમાચાર શેર કરશે.

નોંધનીય છે કે, વિરાટ કોહલી અને અનુષ્કા શર્માને પાપારાઝીએ થોડા સમય પહેલા મુંબઈના એક મેટરનિટી ક્લિનિક બહાર ઝડપી લીધા હતા. જોકે તેમણે ફોટોગ્રાફ્સ ક્લિક અને શેર ન કરવા વિનંતી કરીને તેઓ ટૂંક સમયમાં જ આ અંગે જાહેરાત કરશે તેવું વચન આપ્યું હતું.

Tags :