શાર્ક ટેન્ક ઈન્ડિયાના જજ અશનીર ગ્રોવરે મૌની રોયને કરી અનફોલો!

સોની ટીવીના શો ‘શાર્ક ટેન્ક ઈન્ડિયા’ સીઝન 1 ના જજ અશનીર ગ્રોવર એક અથવા બીજા કારણોસર ચર્ચામાં આવે છે. ચાહકો ખરેખર બિઝનેસ શોની બીજી સિઝનમાં તેની ગેરહાજરીને લોકો ખૂબ યાદ કરી રહ્યા છે. શાર્ક ટેન્ક ઈન્ડિયાએ ભારત પેના સહ-સ્થાપક અશનીર ગ્રોવરને ઘણી ઓળખ અપાવી. તે ભલે બીજી સીઝનનો ભાગ ન હોય, પરંતુ સોશિયલ મીડિયા પર […]

Last Updated : 14 July 2023, 08:26 AM IST

સોની ટીવીના શો ‘શાર્ક ટેન્ક ઈન્ડિયા’ સીઝન 1 ના જજ અશનીર ગ્રોવર એક અથવા બીજા કારણોસર ચર્ચામાં આવે છે. ચાહકો ખરેખર બિઝનેસ શોની બીજી સિઝનમાં તેની ગેરહાજરીને લોકો ખૂબ યાદ કરી રહ્યા છે. શાર્ક ટેન્ક ઈન્ડિયાએ ભારત પેના સહ-સ્થાપક અશનીર ગ્રોવરને ઘણી ઓળખ અપાવી. તે ભલે બીજી સીઝનનો ભાગ ન હોય, પરંતુ સોશિયલ મીડિયા પર સતત એક્ટિવ રહે છે. ગત વર્ષે પોતાની આત્મકથા ‘દોગલાપન’ લખ્યા બાદ તે નિરંતર તેના વિશે વિવિધ માધ્યમ થકી લાઈમલાઇટમાં રહે છે.

તાજેતરમાં તેના એક ઇન્ટરવ્યુમાં અશનીર ગ્રોવરે ખુલાસો કર્યો હતો કે મૌની રોયના બિકીની ફોટોને પસંદ કરવો તેના માટે એક મોટી સમસ્યા બની ગઈ છે. જેના કારણે તેણે તેના ઈન્સ્ટાગ્રામ પરથી મૌનીની સાથે અન્ય ઘણી અભિનેત્રીઓને અનફોલો કરી દીધી હતી. અશનીર ગ્રોવર અને તેની પત્ની માધુરી જૈન ગ્રોવર તાજેતરમાં અમૃતા રાવ અને આરજે અનમોલના યુટ્યુબ શો પર તેમના જીવનની રસપ્રદ વાતો શેર કરતા જોવા મળ્યા હતા. આ વાતચીતમાં અશનીર ગ્રોવર અને તેની પત્ની સાથેની લવ લાઈફ વિશે વાત થઈ કરી. જેમાં જાણવા મળ્યું કે બંન્ને લોકો પહેલી વખત દિલ્હીના એક કોચિંગ સ્ટેન્ટરમાં મળ્યા હતા.

તેની સાથેની આ વાતચીતમાં અશનીર ગ્રોવરે જણાવ્યું કે તે તેની પત્નીથી ખૂબ ડરે છે. એક ઘટનાને યાદ કરતાં અશનીર ગ્રોવરે કહ્યું, ‘હું ખૂબ જ ડરી ગયો છું, એક દિવસ મને મૌની રોયની તસવીર ગમી ગઈ. હું માત્ર Instagram પર લગભગ 60 લોકોને ફોલો કરું છું. મૌની રોય પણ તેમાંથી એક હતી. મૌનીએ એક દિવસ બિકીની ફોટો મૂક્યો અને મને તે ગમ્યો અને મે તેને લાઈક કર્યો’, ‘જ્યારે હું ઘરે આવ્યો ત્યારે તે (માધુરી) ગુસ્સામાં બેઠી હતી. મને/ ખબર ન હતી કે મેં શું કર્યું છે. ઘણું મનાવ્યા બાદ તેની પત્નીએ કહ્યું કે, તમને તેનો બિકીની ફોટો કેમ ગમ્યો’.

આ ઘટનાને યાદ કરતાં અશનીર ગ્રોવરે કહ્યું કે તે પછી તેણે મૌની રોયને ઈન્સ્ટાગ્રામ પરથી અનફોલો કરી દીધો, એ સાથે તેણે સોનમ બાજવા અને દિશા પટની સહિત 15 થી 20 વધુ લોકોને પણ ઈન્સ્ટાગ્રામ પરથી અનફોલો કર્યા છે.

જણાવી દઈએ કે અશનીર ગ્રોવર શાર્ક ટેન્ક ઈન્ડિયા સીઝન 1 માં જોવા મળ્યો હતો. શાર્ક ટેન્ક ઈન્ડિયા સીઝન 2માં તેની જગ્યાએ અમિત જૈને લીધો છે. જેના પર અશનીરના ફેન્સે સોશિયલ મીડિયા પર વિરોધ કર્યો હતો. બાદમાં આ મામલે અનુપમ મિત્તલે સોશિયલ મીડિયા યુઝર્સ પર આકરા વગ લગાવ્યા હતા.

Tags :