ફિલ્મ બ્રહ્માસ્ત્રનો બીજો અને ત્રીજો ભાગ રિલીઝ થશે જઃ કરણ જોહર અને અયાન મુખર્જીનું નિવેદન

ફિલ્મ નિર્માતા અયાન મુખર્જીએ બ્રહ્માસ્ત્ર ભાગ 2 અને 3 ની પુષ્ટિ કરી હતી તેમજ કહ્યું હતું કે બ્રહ્માસ્ત્ર ફિલ્મના બીજા અને ત્રીજા ભાગ પર કામ ચાલુ છે. ફિલ્મની પ્રથમ વર્ષગાંઠ પર દિગ્દર્શક અયાન મુખર્જી અને નિર્માતા કરણ જોહરે તેની ઉજવણી કરી હતી તેમજ તેમણે બ્રહ્માસ્ત્રના ભાગ 2 અને 3 સ્થગિત કરવાની અફવાઓને ફગાવી દીધી હતી. […]

Last Updated : 10 September 2023, 11:02 AM IST

ફિલ્મ નિર્માતા અયાન મુખર્જીએ બ્રહ્માસ્ત્ર ભાગ 2 અને 3 ની પુષ્ટિ કરી હતી તેમજ કહ્યું હતું કે બ્રહ્માસ્ત્ર ફિલ્મના બીજા અને ત્રીજા ભાગ પર કામ ચાલુ છે. ફિલ્મની પ્રથમ વર્ષગાંઠ પર દિગ્દર્શક અયાન મુખર્જી અને નિર્માતા કરણ જોહરે તેની ઉજવણી કરી હતી તેમજ તેમણે બ્રહ્માસ્ત્રના ભાગ 2 અને 3 સ્થગિત કરવાની અફવાઓને ફગાવી દીધી હતી.

અયાન મુખર્જીએ બ્રહ્માસ્ત્રના ભાગ 2 અને 3ની પુષ્ટિ કરી

શનિવારે ઈન્સ્ટાગ્રામ પર અયાન મુખર્જીએ બ્રહ્માસ્ત્રના દ્રશ્યો સાથેનો એક વિડિયો મોન્ટેજ પોસ્ટ કર્યો હતો. વિડિયોમાં લખ્યું હતું કે, “9મી સપ્ટેમ્બર 2022ના રોજ અમે તમને અસ્ત્રોની દુનિયા સાથે પરિચય કરાવ્યો હતો. બ્રહ્માસ્ત્રને 1 વર્ષ પૂર્ણ થયું. બ્રહ્માસ્ત્ર ભાગ બે અને ત્રણ પર કામ ચાલુ છે.”

અયાન મુખર્જીની પોસ્ટ પર ચાહકોની પ્રતિક્રિયા

અયાન મુખર્જીની પોસ્ટ પર પ્રતિક્રિયા આપતા, એક ચાહકે લખ્યું, “બ્રહ્માસ્ત્રના ભાગ 2 અને 3 માટે રાહ જોઈ શકતો નથી અયાન સર! તમને અને ટીમની મહેનત અને સમર્પણને અભિનંદન.” એક ચાહકે કમેન્ટમાં લખ્યું હતું કે, “ભયાનક વાર્તા અને સંવાદો હોવા છતાં, હું હજી પણ બ્રહ્માસ્ત્રના ભાગ 2 અને 3 માટે આશાવાદી છું.” એક ઈન્સ્ટાગ્રામ યુઝરે લખ્યું, “દેવ ફક્ત રણબીર કપૂર જ હોવો જોઈએ!! પિતા-પુત્રનો અભિનય એક જ અભિનેતા કરે.”

બ્રહ્માસ્ત્ર પર કરણ જોહરની પોસ્ટ

ફિલ્મમેકર કરણ જોહરે પણ ઈન્સ્ટાગ્રામ પર એક ક્લિપ પોસ્ટ કરી હતી. તેમણે લખ્યું, “આજે આપણે બ્રહ્માસ્ત્રને એક વર્ષ પૂર્ણ થયાની ઉજવણી કરીએ છીએ. ખરેખર, એક અનુભવ, એક યાત્રા, એક વાર્તા જે હૃદય અને આત્માથી કહેવામાં આવે છે.”

બ્રહ્માસ્ત્ર વિશેની માહિતી

અયાન મુખર્જીની 2022ની બ્લોકબસ્ટર બ્રહ્માસ્ત્રમાં રણબીર કપૂર અને આલિયા ભટ્ટે અભિનય કર્યો હતો. આ ફિલ્મે મોટા બજેટની કાલ્પનિક સાહસિક ફ્રેન્ચાઈઝીની શરૂઆત કરી. બ્રહ્માસ્ત્ર ભાગ એક: શિવા (રણબીર) ની વાર્તા છે છે, જે ઈશા (આલિયા) સાથે તેની વિશેષ શક્તિઓને શોધવા માટે યાત્રા પર નીકળે છે, જે પહેલી નજરમાં જ તેના પ્રેમમાં પડી જાય છે.

સ્ટાર સ્ટુડિયો અને કરણ જોહરના ધર્મા પ્રોડક્શન દ્વારા નિર્મિત આ ફિલ્મમાં અમિતાભ બચ્ચન અને મોની રોય પણ છે. ફિલ્મમાં શાહરૂખ ખાન અને નાગાર્જુન ખાસ ભૂમિકામાં છે.

વિશ્વવ્યાપી બોક્સ ઓફિસ પર ₹ 400 કરોડથી વધુની કમાણી કરનાર આ ફિલ્મ, હિન્દી ફિલ્મ ઈન્ડસ્ટ્રીની મુખ્ય વ્યાવસાયિક સફળતાઓમાંની એક હતી.

બ્રહ્માસ્ત્રના ભાગ 2 અને 3 વિશેની માહતી

આ વર્ષે એપ્રિલમાં અયાન મુખર્જીએ જાહેરાત કરી હતી કે બ્રહ્માસ્ત્રના ભાગ 2 અને 3 તેના ભાગ એક કરતાં મોટી અને વધુ મહત્વાકાંક્ષી હશે. તેણે એમ પણ જણાવ્યું હતું કે તે એક સાથે તેનું શૂટિંગ કરશે.

Tags :