“મારા જીવનની શ્રેષ્ઠ 45 મિનિટ”: ઉન્ની મુકુંદન

મલયાલમ ફિલ્મ અભિનેતા ઉન્ની મુકુંદન કોચીમાં પીએમ નરેન્દ્ર મોદીને મળ્યા ત્યારથી અભિભૂત થઈ ગયા છે. તેમનું કહેવું છેકે પીએમ મોદી સાથેની 45 મિનિટની મુલાકાત મારા જીવનની શ્રેષ્ઠ 45 મિનિટ છે. મહત્વનું છે કે, PM મોદીના કેરળ પ્રવાસ દરમિયાન મુકુંદન વડાપ્રધાન નરેન્દ્ર મોદીને મળ્યા હતા. ફિલ્મ ‘મલીકપ્પુરમ’માં અભિનય કરનાર મુકુન્દને કહ્યું કે તે ટીનેજર હતો ત્યારથી […]

Last Updated : 14 July 2023, 08:19 AM IST

મલયાલમ ફિલ્મ અભિનેતા ઉન્ની મુકુંદન કોચીમાં પીએમ નરેન્દ્ર મોદીને મળ્યા ત્યારથી અભિભૂત થઈ ગયા છે. તેમનું કહેવું છેકે પીએમ મોદી સાથેની 45 મિનિટની મુલાકાત મારા જીવનની શ્રેષ્ઠ 45 મિનિટ છે. મહત્વનું છે કે, PM મોદીના કેરળ પ્રવાસ દરમિયાન મુકુંદન વડાપ્રધાન નરેન્દ્ર મોદીને મળ્યા હતા. ફિલ્મ ‘મલીકપ્પુરમ’માં અભિનય કરનાર મુકુન્દને કહ્યું કે તે ટીનેજર હતો ત્યારથી તે મોદીને મળવા અને તેમની સાથે ગુજરાતીમાં વાત કરવા માંગતો હતો. તમને જણાવી દઈએ કે મુકુંદને ગુજરાતમાં 20 વર્ષથી વધુ સમય વિતાવ્યો છે.

35 વર્ષીય અભિનેતાએ સોશિયલ મીડિયા પર વડાપ્રધાન મોદી સાથેની કેટલીક તસવીરો શેર કરી અને તેને તેમની “શ્રેષ્ઠ પોસ્ટ” ગણાવી. તેણે લખ્યું, “આભાર સર 14 વર્ષની ઉંમરે તમને દૂરથી જોયા અને હવે આખરે તમને મળીને હું ખૂબ ખુશ છું.

નોંધનીય છેકે, મુકુંદને સ્ટેજ પર વડાપ્રધાનને ‘કેમ છો ભાઈલા’ કહીને સંબોધ્યા પછી તે પોતાનો ઉત્સાહ છુપાવી શક્યો નહ્તો. તમારું મને ‘કેમ છો ભાઈલા’ બોલવું એ મને ઉત્સાહથી ભરી દીધો. તમને મળવાનું અને ગુજરાતીમાં વાત કરવાનું મારું સપનું હતું. આ સ્વપ્ન સાકાર થયું છે. તમારી મુલાકાતની 45 મિનિટ મારા જીવનની શ્રેષ્ઠ 45 મિનિટ છે. તેણે કહ્યું, “હું તમારો એક પણ શબ્દ ક્યારેય ભૂલીશ નહીં… હું દરેક સલાહનું પાલન કરીશ. આવતા રેજો સર. જયશ્રી કૃષ્ણ”

મુકુન્દન ખૂબ પ્રખ્યાત છે

મલયાલમ ફિલ્મ એક્ટર ઉન્ની મુકુંદન સોશિયલ મીડિયા પર ખૂબ જ એક્ટિવ રહે છે. ઉન્નીએ ઘણી ફિલ્મોમાં કામ કર્યું છે અને તેની મજબૂત ફેન ફોલોઈંગ છે. ફિલ્મ ‘મલીકપ્પુરમ’ ફેમ ઉન્ની મુકુંદન ઈન્સ્ટાગ્રામ પર ખૂબ જ એક્ટિવ રહે છે. 2 મિલિયન લોકો અભિનેતાને ફોલો કરે છે. તેની પોસ્ટ પર યુઝર્સ વિવિધ કોમેન્ટ કરી રહ્યા છે.

ઉન્ની મુકુંદનનું સપનું સાકાર થયું

અભિનેતાએ કેપ્શનમાં લખ્યું, આ એકાઉન્ટ પર આ સૌથી રોમાંચક પોસ્ટ છે. આભાર સર તમને 14 વર્ષની ઉંમરે સ્ટેજ પર દૂરથી જોયા હતા અને હવે તમને મળ્યા છે. મારી ખુશીનું કોઈ સ્થાન નથી. તમે સ્ટેજ પર કેમ છો ભાઈલા બોલ્યા, જેણે મને હચમચાવી નાખ્યો. મારે તમને મળવાનું અને ગુજરાતીમાં વાત કરવાનું એક મોટું સપનું હતું, જે હવે પૂરું થયું છે.

ઉન્ની મુકુંદન મૂવીઝ

ઉન્ની મુકુન્દનના વર્કફ્રન્ટની વાત કરીએ તો તેની ઘણી ફિલ્મો વર્ષ 2022માં રિલીઝ થઈ હતી. તાજેતરમાં તેણે લોકપ્રિય અભિનેત્રી સામંથા રૂથ પ્રભુ સાથે ફિલ્મ યશોદામાં કામ કર્યું હતું. જોકે આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. મલયાલમ સિનેમા ઉપરાંત, ઉન્ની મુકુન્દને ઘણી તમિલ ફિલ્મોમાં પણ પોતાની અભિનય કુશળતા ફેલાવી છે.

Tags :