દીપિકા પાદુકોણે ફિલ્મ જવાનની સફળતા બાદ શાહરૂખ ખાન સાથેના સંબંધો અંગે કરી ખુલીને વાત

અભિનેત્રી દીપિકા પાદુકોણ છેલ્લે બોલિવુડના કિંગ ખાન ગણાતા શાહરૂખ ખાનની ફિલ્મ જવાનમાં એક નાનકડી ભૂમિકામાં જોવા મળી હતી. ફિલ્મ જવાનને મળી રહેલા અદભૂત પ્રતિસાદ બાદ એક ઈન્ટરવ્યુ દરમિયાન દીપિકા પાદુકોણે પોતાના શાહરૂખ ખાન સાથેના સંબંધોને લઈને ખુલીને વાત કરી હતી. દીપિકા પાદુકોણના કહેવા પ્રમાણે તેના અને શાહરૂખ ખાનના જે સંબંધો છે તે માત્ર પ્રોફેશનલ જ […]

Last Updated : 16 September 2023, 05:59 AM IST

અભિનેત્રી દીપિકા પાદુકોણ છેલ્લે બોલિવુડના કિંગ ખાન ગણાતા શાહરૂખ ખાનની ફિલ્મ જવાનમાં એક નાનકડી ભૂમિકામાં જોવા મળી હતી. ફિલ્મ જવાનને મળી રહેલા અદભૂત પ્રતિસાદ બાદ એક ઈન્ટરવ્યુ દરમિયાન દીપિકા પાદુકોણે પોતાના શાહરૂખ ખાન સાથેના સંબંધોને લઈને ખુલીને વાત કરી હતી. દીપિકા પાદુકોણના કહેવા પ્રમાણે તેના અને શાહરૂખ ખાનના જે સંબંધો છે તે માત્ર પ્રોફેશનલ જ નથી પરંતુ તેનાથી પણ કશું આગળ છે અને તેઓ બંને એકબીજાને પોતાના ‘લકી ચાર્મ’ માને છે.

દીપિકા પાદુકોણે જણાવ્યું હતું કે તેના અને શાહરૂખ ખાન વચ્ચે એકબીજા માટે જે વિશ્વાસ અને સન્માનની લાગણી છે તે તેમને બંનેને એકબીજા માટે વધારે લાગણીશીલ બનાવે છે.

“મારા સહિત ખૂબ ઓછા લોકો માટે શાહરૂખ ખાનને લાગણી છે”

દીપિકા પાદુકોણે પોતાના શાહરૂખ ખાન અંગેના સંબંધ અંગે ખુલીને વાત કરતા કહ્યું હતું કે, “અમે એકબીજાના લકી ચાર્મ છીએ પરંતુ પ્રામાણિક રીતે કહેવામાં આવે તો અમે બંને નસીબથી પણ આગળ કશું માનીએ છીએ. અમે બંને એકબીજા પર આધિપત્ય જમાવી શકીએ છીએ.. હું એવા ઘણાં ઓછા લોકો પૈકીની એક છું જેના માટે શાહરૂખ ખાનને લાગણી છે. અમારા વચ્ચે ખૂબ જ વિશ્વાસ અને આદર છે તથા કદાચ લક એ માત્ર ચેરી ઓન ધ ટોપ જ છે.”

દીપિકા પાદુકોણ અને શાહરુખ એકબીજાના લકી ચાર્મ

નોંધનીય છે કે, થોડા સમય પહેલા દીપિકા પાદુકોણ અભિનેતા શાહરૂખ ખાનની ફિલ્મ પઠાણમાં પણ જોવા મળી હતી અને હવે તેને શાહરૂખ ખાનની ફિલ્મ જવાનના તેના કેમિયો માટે પ્રશંસા મળી રહી છે. આ દીપિકા પાદુકોણનું શાહરૂખ ખાન સાથેનું 5મું કોલાબ્રેશન છે. દીપિકા પાદુકોણે 2007માં શાહરૂખ ખાન સાથેની ફિલ્મ ‘ઓમ શાંતિ ઓમ’ દ્વારા બોલિવુડમાં ડેબ્યુ કર્યું હતું. તેમણે બંનેએ ‘હેપ્પી ન્યૂ યર’ અને ‘ચેન્નાઈ એક્સપ્રેસ’ ફિલ્મમાં એકબીજા સાથે કામ કરેલું છે. શાહરૂખ ખાન અને દીપિકા પાદુકોણે સાથે કામ કર્યું હોય તેવી ફિલ્મોએ બોક્સ ઓફિસ પર પણ ખૂબ સારો દેખાવ કર્યો છે.

બોક્સ ઓફિસ કમાણી અંગે દીપિકા પાદુકોણનો મત

દીપિકા પાદુકોણની બોલિવુડના બાદશાહ શાહરૂખ ખાન સાથેની ફિલ્મ બોક્સ ઓફિસ પર પણ ખૂબ સારી કમાણી કરી રહી છે. દીપિકા પાદુકોણે તે અંગે કહ્યું હતું કે, “હું કદી નંબરોથી આકર્ષાઈ નથી. પછી ભલે તે શાળા દરમિયાન ગણિત વિષય હોય કે પછી પઠાણના નંબર. મને ફક્ત સિનેમાઘરો ફરી ધબકતા થયા તેનો આનંદ છે, લોકો ફરી જીવંત થયા તેનો આનંદ છે. હું તેના માટે ખૂબ જ આભારી છું.”

Tags :