Deepika Padukone: વ્યક્તિના મોઢામાં બંદૂક મુકતી શક્તિ શેટ્ટીના ફર્સ્ટ લુકથી મચી સનસની

Deepika Padukone: નવરાત્રીના પ્રથમ દિવસે અભિનેત્રી દીપિકા પાદુકોણ (Deepika Padukone) દ્વારા પોતાની અપકમિંગ ફિલ્મનો ફર્સ્ટ લુક શેર કરવામાં આવ્યો હતો. રોહિત શેટ્ટીની ફિલ્મ સિંઘમ અગેઈન (Singham Again)માં દીપિકા પાદુકોણના પોલીસ તરીકેના લુકનું રવિવારના રોજ અનાવરણ કરવામાં આવ્યું હતું. દીપિકા પાદુકોણે પોતાના સોશિયલ મીડિયા એકાઉન્ટ દ્વારા સિંઘમ અગેઈનના ફર્સ્ટ લુકને જાહેર કર્યો હતો. દીપિકા પાદુકોણે પોતાના […]

Last Updated : 16 October 2023, 05:59 AM IST

Deepika Padukone: નવરાત્રીના પ્રથમ દિવસે અભિનેત્રી દીપિકા પાદુકોણ (Deepika Padukone) દ્વારા પોતાની અપકમિંગ ફિલ્મનો ફર્સ્ટ લુક શેર કરવામાં આવ્યો હતો. રોહિત શેટ્ટીની ફિલ્મ સિંઘમ અગેઈન (Singham Again)માં દીપિકા પાદુકોણના પોલીસ તરીકેના લુકનું રવિવારના રોજ અનાવરણ કરવામાં આવ્યું હતું. દીપિકા પાદુકોણે પોતાના સોશિયલ મીડિયા એકાઉન્ટ દ્વારા સિંઘમ અગેઈનના ફર્સ્ટ લુકને જાહેર કર્યો હતો.

દીપિકા પાદુકોણે પોતાના ઈન્સ્ટાગ્રામ એકાઉન્ટ પર યુનિફોર્મ પહેરી બંદૂક ચલાવતા 2 ફોટો શેર કરીને કેપ્શનમાં “ઈન્ટ્રોડ્યુસિંગ.. શક્તિ શેટ્ટી! સિંઘમ અગેઈન” એવું લખ્યું હતું. ત્યારે દીપિકા પાદુકોણના આ પોલીસના લુક (Cop Look) પર બોલિવુડ ઈન્ડસ્ટ્રીના અનેક કલાકારોની પ્રતિક્રિયા પણ સામે આવી છે.

વધુ વાંચો: સુશાંત સિંહ રાજપૂતની બહેન રિયા ચક્રવર્તી પર ભડકી

Deepika Padukoneની પોસ્ટમાં પતિનું રિએક્શન

દીપિકા પાદુકોણે પોતાની અપકમિંગ ફિલ્મ સિંઘમ અગેઈનના ફર્સ્ટ લુકને શેર કરીને રોહિત શેટ્ટી (Rohit Shetty)ને પણ ટેગ કર્યા હતા. આ પોસ્ટમાં દીપિકાના પતિ રણવીર સિંહે ‘આગ લગાવી દીધી’ એવી કોમેન્ટ કરીને ઘણાં બધા ફાયર ઈમોજી શેર કર્યા હતા. રણવીર સિંહે દીપિકા પાદુકોણને ‘લેડી સિંઘમ’ કહીને તેના આ લુકની પ્રશંસા કરી હતી.

કેવો છે Singham Againનો ફર્સ્ટ લુક

સિંઘમ અગેઈનના ફર્સ્ટ લુકમાં લોહીલુહાણ હાલતમાં દીપિકા પાદુકોણ એક માણસના મોઢામાં બંદૂકનું નાળચુ ખોસીને હસી રહેલી દેખાય છે. આ ઉપરાંત તેણે પોતાના હાથ વડે તે માણસના માથાના વાળ ખેંચીને તેને પકડી રાખેલો છે. તેમની પાછળ એક ઈમારત સળગી રહી છે અને આજુબાજુમાં અનેક લોકો અને લાશોના ઢેર અને કચ્ચરઘાણ વળેલી ગાડીઓ પડેલી છે. અન્ય એક ફોટોમાં દીપિકા પાદુકોણ પોતાના મોઢાને અડાડીને પિસ્તોલ પકડી કેમેરા સામે હસતી દેખાય છે.

દીપિકા પાદુકોણ (Deepika Padukone)ના સિંઘમ અગેઈનમાં શક્તિ શેટ્ટી તરીકેના ફર્સ્ટ લુક પર અનેક સેલિબ્રિટી પણ પોતાની પ્રતિક્રિયા આપી રહ્યા છે. અભિનેત્રી આલિયા ભટ્ટે પણ તે પોસ્ટના કોમેન્ટ સેક્શનમાં અનેક ફાયર ઈમોજીસનો ઢગલો ખડકી દીધો હતો.

વધુ વાંચો: શાહરૂખ ખાનને ધમકી મળ્યા બાદ Y+ કેટેગરીની સુરક્ષા આપવામાં આવી

રણવીર સિંહે કરી પોસ્ટ

રણવીર સિંહે પોતાની ઈન્સ્ટાગ્રામ પ્રોફાઈલ પર દીપિકા પાદુકોણના સિંઘમ અગેઈન (Singham Again)ના પોસ્ટરને શેર કરીને કેપ્શનમાં “આલી રે આલી… લેડી સિંઘમ આલી!!! (ફાયર ઈમોજીસ) શક્તિ શેટ્ટી કોપ વર્સમાં આવી!!!” લખ્યું હતું.

નોંધનીય છે કે, ઓગષ્ટ મહિનાની શરૂઆતમાં દીપિકા પાદુકોણ આ ફિલ્મમાં મહત્વની ભૂમિકામાં જોવા મળશે તેવી વાત બહાર આવી હતી. રોહિત શેટ્ટી યુનિવર્સમાં દીપિકા પાદુકોણ પ્રથમ ફિમેલ કોપ તરીકે જોવા મળશે જેને લઈ અભિનેત્રી ખૂબ જ ઉત્સાહિત છે. લેડી સિંઘમ ઉપરાંત ફિલ્મમાં અજય દેવગણની બહેન તરીકે તેનો રોલ ખૂબ મહત્વનો છે. આ ફિલ્મ માટે દીપિકા પાદુકોણ 35-40 દિવસ શૂટ કરવાની છે. આમ તેનું પાત્ર કેમિયોથી વિશેષ હશે.

Tags :