Diwali 2023: મનીષ મલ્હોત્રાની પાર્ટીમાં એક છત નીચે જોવા મળ્યા સલમાન અને ઐશ્વર્યા

Diwali 2023: ફેમસ ડિઝાઈનર મનીષ મલ્હોત્રાએ દર વર્ષની જેમ આ દિવાળી (Diwali 2023) માટે પણ પોતાના ઘરે પાર્ટીનું આયોજન કર્યું હતું જેમાં બોલિવુડના કલાકારોએ હાજરી આપી હતી. મનીષ મલ્હોત્રાએ યોજેલી દિવાળી પાર્ટીમાં ઐશ્વર્યા રાય બચ્ચન, સોનમ કપૂર, સિદ્ધાર્થ મલ્હોત્રા, કિયારા આડવાણી, માધુરી દીક્ષિત, ગૌરી ખાન, સુહાના ખાન, જાહ્નવી કપૂર સહિતના કલાકારોએ હાજરી આપી હતી. Diwali […]

Last Updated : 06 November 2023, 10:47 AM IST

Diwali 2023: ફેમસ ડિઝાઈનર મનીષ મલ્હોત્રાએ દર વર્ષની જેમ આ દિવાળી (Diwali 2023) માટે પણ પોતાના ઘરે પાર્ટીનું આયોજન કર્યું હતું જેમાં બોલિવુડના કલાકારોએ હાજરી આપી હતી. મનીષ મલ્હોત્રાએ યોજેલી દિવાળી પાર્ટીમાં ઐશ્વર્યા રાય બચ્ચન, સોનમ કપૂર, સિદ્ધાર્થ મલ્હોત્રા, કિયારા આડવાણી, માધુરી દીક્ષિત, ગૌરી ખાન, સુહાના ખાન, જાહ્નવી કપૂર સહિતના કલાકારોએ હાજરી આપી હતી.

Diwali 2023ની પાર્ટીમાં નીતા અંબાણીનો જલવો

પાર્ટી દરમિયાન બોલિવુડના અનેક કલાકારોએ હાજરી આપી હતી પરંતુ દેશના દિગ્ગજ ઉદ્યોગપતિ મુકેશ અંબાણીના પત્ની નીતા અંબાણીની હાજરીએ સૌ કોઈનું ધ્યાન આકર્ષિત કર્યું હતું. નીતા અંબાણી ભાવિ પુત્રવધૂ રાધિકા મર્ચન્ટ સાથે મનીષ મલ્હોત્રાની પાર્ટીમાં એન્ટ્રી કરીને લાઈમલાઈટમાં આવી ગયા હતા.

વધુ વાંચો: Urfi Javedએ હાર્ટ બ્રેક ડિઝાઈનવાળું બેકલેસ ટોપ પહેર્યું, તો પોલીસ ઉપાડી ગઈ!

એક જ છત નીચે ઐશ્વર્યા અને સલમાન

બોલિવુડની એક સમયની સુપરહિટ જોડી સલમાન ખાન અને ઐશ્વર્યા તેમના રિલેશનના કારણે પણ ખૂબ ચર્ચામાં રહી ચુક્યા છે. ત્યારે મનીષ મલ્હોત્રાની પાર્ટીમાં સલમાન અને ઐશ્વર્યા એક જ છત નીચે સાથે જોવા મળ્યા હતા.

ઐશ્વર્યાએ મનીષ મલ્હોત્રાની દિવાળી (Diwali 2023) પાર્ટી માટે લાલ રંગનો ફુલ સ્લીવનો કુર્તા અને શરારાનો સેટ પહેર્યો હતો અને સાઈડમાં દુપટ્ટો રાખીને પોતાનો લુક કમ્પ્લીટ કર્યો હતો. તેણે ઓપન કર્લ્સ હેર સ્ટાઈલ, સિલ્વર બિંદી, રેડ લિપસ્ટિક અને મોટી ટ્રેડિશનલ ઈયરરિંગ્સ સાથે કમ્પલીટ દિવાળી વાઈબ્સ મેચ કર્યા હતા.

#AishwaryaRaiBachchan
at @ManishMalhotra Diwali Bash pic.twitter.com/QoduUYZRK9
— Groovy (@BibaswanM) November 5, 2023

સલમાન ખાને પણ મનીષ મલ્હોત્રાની પાર્ટી માટે પોતાના બિઝી શિડ્યુલમાંથી ખાસ સમય ફાળવ્યો હતો અને હાજરી આપી હતી. દિવાળી પર રીલિઝ થનારી ફિલ્મ ટાઈગર-3ના કારણે વ્યસ્ત સલમાન ખાન પાર્ટીમાં થોડો મોડો પડ્યો હતો અને તેણે સાદી ગ્રે ટીશર્ટ અને બ્લેક કાર્ગો પહેર્યા હતા.

વધુ વાંચો: Kangana Ranautએ લોકસભા ચૂંટણી લડવાના આપ્યા સંકેત

ફરાહ ખાનનો શિમરી લુક

ડાયરેક્ટર ફરાહ ખાન પણ આ પાર્ટીમાં સામેલ થયા હતા અને તેમણે પિંક કલરના શિમરી કોડ સેટ પર પોતાની પસંદગી ઉતારી હતી. જ્યારે મનીષના મિત્ર અને ડાયરેક્ટર કરણ જોહર આ પાર્ટીમાં બ્લેક એન્ડ ગોલ્ડન આઉટફિટમાં જોવા મળ્યા હતા.

શાહરૂખની લાડલી બની ચર્ચાનો વિષય

શાહરૂખ ખાનની દીકરી સુહાના ખાન હંમેશા ચર્ચામાં રહેતી હોય છે અને ડેબ્યુ પહેલા જ તે પોતાના ચાહકોની સંખ્યા વધારી રહી છે. હાલ તે મહાનાયક અમિતાભ બચ્ચનના ભાણેજ અગસ્ત્ય નંદા સાથેની ઘનિષ્ઠતાના કારણે ચર્ચામાં છે. તે બંનેનો એક વીડિયો વાયરલ થયા બાદ બંને વચ્ચે કશું રંધાઈ રહ્યું હોવાની અફવા તેજ બની છે.

મનીષ મલ્હોત્રાની હાઉસ પાર્ટીમાં સુહાના રેડ હેવી લહેંગા અને ગોલ્ડન ચોલીમાં સુંદર દેખાઈ રહી હતી અને તેણે બિંદી, ઝુમકા સાથે પોતાના લુકને કમ્પ્લીટ કર્યો હતો. વાયરલ વીડિયોમાં અગસ્ત્ય સુહાનાને પાર્ટી બાદ બહાર કાર સુધી ડ્રોપ કરવા જઈને જ્યાં સુધી તે ગાડીમાં બેસતી નથી ત્યાં સુધી ત્યાં ઉભો રહેલો જોવા મળે છે.

Tags :