Dunki: શાહરૂખ ખાને જન્મ દિવસ પર આપી ચાહકોને ભેટ, આગામી ફિલ્મનું ટીઝર રીલિઝ

Dunki: ગુરૂવારના રોજ બોલિવુડના કિંગ ખાન શાહરૂખ ખાન (Shah Rukh Khan)ના 58મા જન્મ દિવસ પર તેની વર્ષની ત્રીજી ફિલ્મ ડંકી (Dunki)નું ટીઝર રીલિઝ કરવામાં આવ્યું હતું. પઠાણ અને જવાન બ્લોકબસ્ટર સાબિત થયા બાદ આ ફિલ્મને લઈ ચાહકોની આતુરતા વધી ગઈ છે. શાહરૂખ ખાન આ ફિલ્મ દ્વારા પ્રથમ વખત રાજકુમાર હિરાણી સાથે કામ કરી રહ્યો છે […]

Last Updated : 02 November 2023, 12:16 PM IST

Dunki: ગુરૂવારના રોજ બોલિવુડના કિંગ ખાન શાહરૂખ ખાન (Shah Rukh Khan)ના 58મા જન્મ દિવસ પર તેની વર્ષની ત્રીજી ફિલ્મ ડંકી (Dunki)નું ટીઝર રીલિઝ કરવામાં આવ્યું હતું. પઠાણ અને જવાન બ્લોકબસ્ટર સાબિત થયા બાદ આ ફિલ્મને લઈ ચાહકોની આતુરતા વધી ગઈ છે. શાહરૂખ ખાન આ ફિલ્મ દ્વારા પ્રથમ વખત રાજકુમાર હિરાણી સાથે કામ કરી રહ્યો છે અને ફિલ્મમાં તાપસી પન્નુ, વિક્કી કૌશલ પણ મુખ્ય ભૂમિકામાં જોવા મળશે.

શું છે Dunkiના ટીઝરમાં?

ડંકીના ટીઝરની શરૂઆતમાં કાળા રંગના કપડાં પહેરેલા સ્ત્રીઓ અને પુરૂષોનું એક ટોળું રણ પાર કરતું દેખાય છે અને તેમની પીઠ પર એક શાર્પ શૂટર નિશાન તાકીને ઉભેલો દેખાય છે. તે ગોળી ચલાવે છે તે સાથે જ ફિલ્મ ફ્લેશબેકમાં જાય છે જ્યાં આ બધાની શરૂઆત કઈ રીતે થઈ તે દર્શાવાય છે.

જેમાં શાહરૂખ ખાન, તાપસી પન્નુ, વિક્કી કૌશલ અને અન્ય 2 પંજાબી મિત્રોનું ટોળું લંડનમાં કામ કરવાનું અને રહેવાનું સપનું જોવે છે. ફિલ્મમાં શાહરૂખ ખાન (Shah Rukh Khan) હાર્ડીનું પાત્ર ભજવે છે જે પોતાના મિત્રોને લંડન પહોંચવા માટે તમામ જરૂરી મદદ કરવાનું વચન આપે છે.

વધુ વાંચો: Hrithik Roshanએ લેડી લવ સબા સાથેનો ફોટો શેર કરીને ખાસ અંદાજમાં પાઠવી જન્મ દિવસની શુભેચ્છા

22 ડિસેમ્બરે થશે રીલિઝ

શાહરૂખ ખાનની ડંકી આગામી 22 ડિસેમ્બરના રોજ ભારતીય સિનેમાઘરોમાં રીલિઝ થશે અને તે પ્રશાંત નીલની સાલાર સાથે ટકરાશે. ડંકીને રેડ ચિલીઝ એન્ટરટેઈનમેન્ટ, રાજકુમાર હિરાણી ફિલ્મ્સ અને જિયો સ્ટુડિયોનું સમર્થન મળ્યું છે. ડિસેમ્બર 2022માં સાઉદી અરેબિયા ખાતે રેડ સી ઈન્ટરનેશનલ ફિલ્મ ફેસ્ટિવલ દરમિયાન શાહરૂખ ખાને પોતાની આગામી ફિલ્મ ડંકી (Dunki)ના શીર્ષક વિશે વાત કરી હતી અને તેનો સાચો અર્થ ગધેડો, ગદર્ભ એવો થાય છે તેમ જણાવ્યું હતું.

શાહરૂખ ખાને જણાવ્યું હતું કે, ફિલ્મનો ઉચ્ચાર અંગ્રેજીમાં ડોન્કી એવો જ થાય છે પરંતુ ભારતના અમુક હિસ્સાઓમાં તેને ડંકી કહીને બોલાવવામાં આવે છે. પંજાબીઓ તેને ડંકી કહે છે. આ સાથે જ શાહરૂખે આ ફિલ્મ અભિજાત જોશીની કલમે લખાઈ છે અને તે ઘરે પાછા ફરવા માગતા કેટલાક લોકોની વાર્તા રજૂ કરે છે તેમ પણ જણાવ્યું હતું.

વધુ વાંચો: Tiger 3 ફિલ્મની એડવાન્સ બુકિંગ ડેટ જાણો

શાહરૂખ ખાન જવાનની પ્રચંડ સફળતા બાદ હવે આગામી ફિલ્મ ડંકીને લઈ સતત ચર્ચામાં છે. જવાનની રિલીઝને 50 દિવસ થઈ ગયા છે તેમ છતાં હજુ પણ તે સિનેમાઘરોમાંથી ઉતરી નથી. જવાન પહેલા શાહરૂખ ખાનની અને 2023ની પહેલી બ્લોક બસ્ટર ફિલ્મ પઠાણ રિલીઝ થઈ હતી.

શાહરૂખ ખાનની ડંકી ફિલ્મનું નિર્દેશન 3 ઈડિયટ્સ, પીકે, મુન્નાભાઈ MBBS ફિલ્મના ડિરેક્ટર રાજકુમાર હિરાણી કરી રહ્યા છે. ત્યારે ચાહકોને આ ફિલ્મ પણ પઠાણ અને જવાનની જેમ બ્લોકબસ્ટર સાબિત થશે તેવી આશા છે.

Tags :