Farah Khanએ દિવાળી પર પહેરવા આઉટફિટ માંગ્યો, કરણ જોહરે કરી આ રીતે મદદ

Farah Khan: ફિલ્મ નિર્માતા અને કોરિયોગ્રાફર ફરાહ ખાન મુંબઈમાં દિવાળીની પાર્ટીઓ માટે તૈયારી કરી રહી છે. તાજેતરમાં ફરાહ ખાને (Farah Khan) ઈન્સ્ટાગ્રામ પર એક વિડીયો શેર કર્યો છે. જેમાં તે કહેતી જોવા મળી રહી છે કે તેની પાસે દિવાળી પર પહેરવા માટે કંઈ જ નહોતું અને તેણે આ વાત કરણ જોહરને કહી હતી, જેના પછી […]

Last Updated : 04 November 2023, 12:47 PM IST

Farah Khan: ફિલ્મ નિર્માતા અને કોરિયોગ્રાફર ફરાહ ખાન મુંબઈમાં દિવાળીની પાર્ટીઓ માટે તૈયારી કરી રહી છે. તાજેતરમાં ફરાહ ખાને (Farah Khan) ઈન્સ્ટાગ્રામ પર એક વિડીયો શેર કર્યો છે. જેમાં તે કહેતી જોવા મળી રહી છે કે તેની પાસે દિવાળી પર પહેરવા માટે કંઈ જ નહોતું અને તેણે આ વાત કરણ જોહરને કહી હતી, જેના પછી કરણ જોહરે તેને કપડાંથી ભરેલો આખો વોર્ડરોબ મોકલ્યો.

વીડિયોમાં, ફરાહ ખાને (Farah Khan) સ્ટાઈલિશની એક ટીમ બતાવી, જેનું નેતૃત્વ કરણ જોહરની સ્ટાઈલિશ ઈકા લાખાની કરી રહી હતી. ઈકા લાખાની બધા પોશાક તૈયાર કરી રહી હતી. કેમેરાની પાછળ રહેલી ફરાહ ખાને કહ્યું, “મેં કરણ જોહરને કહ્યું કે મારી પાસે દિવાળી માટે પહેરવા માટે કંઈ નથી અને તેથી તેણે સ્ટાઈલિશ ઈકા લાખાનીને મારા ઘરે આ કપડાં સાથે મોકલી.”

વધુ વાંચો: Kangana Ranautએ લોકસભા ચૂંટણી લડવાના આપ્યા સંકેત

ફરાહ ખાને (Farah Khan) વીડિયોમાં આગળ કહ્યું, “હું આ ક્રૂ સાથે આખી ફિલ્મ શૂટ કરી શકી હોત. આ પછી ફરાહ ખાન ઈકા લાખાનીને કહે છે કે તેને મનીષ મલ્હોત્રાની પાર્ટીમાં જવા માટે માત્ર એક આઉટફિટની જરૂર હતી. તો ઈકા લાખાનીએ તેને જવાબ આપ્યો કે તમારું વજન ઘણું ઓછું થઈ ગયું છે અને તમે અદ્ભુત દેખાઈ રહ્યા છો. મને લાગે છે કે તમારે આ પોશાક પહેરવા જોઈએ.”

Farah Khanએ કહ્યું- મિત્ર હોય તો આવો!

વીડિયો શેર કરતા ઓમ શાંતિ ઓમના ડિરેક્ટર ફરાહ ખાને કેપ્શનમાં લખ્યું, “મિત્ર હોય તો આવો! કરણ જોહર મને સંપૂર્ણપણે બગાડી રહ્યો છે. ઈકા લાખાની આટલી મુશ્કેલી લેવા બદલ તમારો આભાર. કરણ જોહર હવે તમે તું મારા કપડાની મજાક કેવી રીતે ઉડાવશો?”

ફરાહ ખાન (Farah Khan)ની આ પોસ્ટ પર ઘણા યુઝર્સે કમેન્ટ સેક્શનમાં કરણ જોહરની પ્રશંશા કરી છે. જયારે ઘણા યુઝર્સ તો કરણ જોહર પાસેથી ગિફ્ટ માંગવા લાગ્યા. એક યુઝરે લખ્યું, “આવા સાચા મિત્રો કયા મળે છે?” બીજા યુઝરે લખ્યું, “કરણ જોહર, મારી પાસે પણ દિવાળીમાં પહેરવા માટે કંઈ નથી.” અન્ય એક યુઝરે લખ્યું, “કરણ જોહર નસીબદાર છે કે તારા અને શાહરૂખ ખાન જેવા સારા મિત્રો મળ્યા છે.”

વધુ વાંચો: Angelina Jolieએ ગાઝામાં યુદ્ધવિરામને નકારી કાઢવા માટે વૈશ્વિક નેતાઓની ટીકા કરી

ફરાહ ખાને ‘ઓમ શાંતિ ઓમ’, ‘મૈં હું ના’, ‘તીસ માર ખાન’ અને બીજી ઘણી ફિલ્મોથી દર્શકોનું મનોરંજન કર્યું છે. જયારે કરણ જોહર વિશે વાત કરીએ તો, તેની ફિલ્મ ‘રોકી ઔર રાની કી પ્રેમ કહાની’ ની સફળતા પછી, નિર્માતા ફરી એકવાર તેના લોકપ્રિય શો ‘કોફી વિથ કરણ 8’ દ્વારા સ્ક્રીન પર દર્શકોનું મનોરંજન કરી રહ્યા છે.

Tags :