Hero No 1: સારા અલી ખાનને રિપ્લેસ કરીને Ex બોયફ્રેન્ડ સાથે રોમાન્સ કરતી જોવા મળશે દિશા પટણી

Hero No 1: ટાઈગર શ્રોફ અને દિશા પટણી (Disha Patani)ની જોડી ફરી એક વખત સિલ્વર સ્ક્રીન પર ધમાલ મચાવવા માટે તૈયાર છે. તેઓ બંને રિલેશનશિપમાં હોવાની અફવાએ જોર પકડ્યું હતું અને ત્યાર બાદ તેમના બ્રેકઅપના સમાચારથી સૌ કોઈને આશ્ચર્ય થયું હતું. ત્યારે હવે તેઓ બંને મિશન મંગલ ફેમ ફિલ્મમેકર જગન શક્તિની આગામી ફિલ્મ હીરો નંબર-1 […]

Last Updated : 29 October 2023, 08:36 AM IST

Hero No 1: ટાઈગર શ્રોફ અને દિશા પટણી (Disha Patani)ની જોડી ફરી એક વખત સિલ્વર સ્ક્રીન પર ધમાલ મચાવવા માટે તૈયાર છે. તેઓ બંને રિલેશનશિપમાં હોવાની અફવાએ જોર પકડ્યું હતું અને ત્યાર બાદ તેમના બ્રેકઅપના સમાચારથી સૌ કોઈને આશ્ચર્ય થયું હતું. ત્યારે હવે તેઓ બંને મિશન મંગલ ફેમ ફિલ્મમેકર જગન શક્તિની આગામી ફિલ્મ હીરો નંબર-1 (Hero No 1)માં એકસાથે જોવા મળશે.

Tiger Promoting His Rumoured Girlfriend Disha Patni? #TigerShroff @Tiger https://t.co/CFeGzmU2gI pic.twitter.com/uLSFtUIxvY
— newsonline (@newsonlineltd) January 7, 2017

Hero No 1 માટે પહેલી પસંદ હતી સારા અલી ખાન

દિશા પટણી અને ટાઈગર શ્રોફના ચાહકો માટે તેઓ બંને સ્ક્રીન પર સાથે જોવા મળે તે વાત એક ટ્રીટ સમાન હશે. હીરો નંબર-1 માટે પહેલા સારા અલી ખાનને સાઈન કરવામાં આવી હતી. જોકે તાજેતરની અપડેટ પ્રમાણે જગન શક્તિએ પોતે જ આગામી ફિલ્મ માટે દિશા પટણીને સાઈન કરવામાં આવી હોવાનો ખુલાસો કર્યો છે.

દિશા પટણી (Disha Patani) અને ટાઈગર શ્રોફ અગાઉ અહમદ ખાનની ‘બાગી 2’માં સાથે જોવા મળ્યા હતા. ત્યારે હવે તેમને ફરી સાથે જોવા માટે ચાહકો ખૂબ જ ઉત્સુક છે. હીરો નંબર-1 માટે પહેલા સારા અલી ખાનને લીડ એક્ટ્રેસ તરીકે સાઈન કરવામાં આવી હતી પણ હવે તે આ પ્રોજેક્ટથી દૂર ખસી ગઈ છે.

નિર્માતા જગન શક્તિએ સારાની જગ્યાએ દિશાને લેવામાં આવી તે અંગે વાત કરતા કહ્યું હતું કે, “એક્શન સીન માટે દિશા સૌથી બેસ્ટ છે અને ફિઝિકલી ફિટ પણ છે. શરૂઆતમાં અમે સારાના નામ માટે વાતચીત કરી હતી પરંતુ અફસોસની વાત છે કે અમે અમારા શિડ્યુલને તેમની ડેટ્સ પ્રમાણે મેચ ન કરાવી શક્યા.”

વધુ વાંચો… Tiger 3: ટ્રેલર અને ટીઝરમાં ફિલ્મના કન્ટેન્ટનું 1% પણ નથી બતાવ્યું, બિગ સ્ક્રીન ધમાકા માટે રહો તૈયાર

ફિલ્મમાં જોવા મળશે 2 હીરોઈન

ફિલ્મ હીરો નંબર-1 (Hero No 1)માં બે અભિનેત્રીઓ જોવા મળશે. દિશા પટણીની સાથે રિતિક રોશનની કઝિન પશ્મીના રોશન ટાઈગરની લવરના રોલમાં જોવા મળશે. આ ફિલ્મ 1997માં આવેલી ગોવિંદા સ્ટારર ફિલ્મની રીમેક કે સીક્વલ નથી જેને ડેવિડ ધવને ડાયરેક્ટ કરી હતી.

ફિલ્મનું શૂટિંગ જાન્યુઆરી 2024માં લંડનમાં શરૂ કરવામાં આવશે. ટાઈગરે પહેલેથી જ આ ફિલ્મ માટેના એક્શન સીક્વન્સ શૂટ કરી લીધા છે. દિશા પટણી (Disha Patani) સૂર્યાની એક્શન-ડ્રામા કાંગુવા દ્વારા પોતાના તમિલ ડેબ્યુ માટે તૈયાર છે. તે સિવાય તે નાગ અશ્વિનની ‘કલ્કિ 2898 એડી’માં પણ મહત્વના રોલમાં જોવા મળશે. તેમાં પ્રભાસ, દીપિકા પાદુકોણ, અમિતાભ બચ્ચન, કમલ હાસન અને અન્ય કલાકારો પણ હશે.

ટાઈગર શ્રોફ તાજેતરમાં એક્શન ડ્રામા ફિલ્મ ગણપતના પાર્ટ-1માં જોવા મળ્યો હતો. તે સિવાય ટૂંક સમયમાં જ તે બડે મિયાં છોટે મિયાંમાં પણ જોવા મળશે.

Tags :