Hrithik Roshan: જન્મ દિવસ પર Ex વાઈફ સુજૈનનો બોયફ્રેન્ડ સાથેનો રોમાન્સ જોઈ કરી કોમેન્ટ

Hrithik Roshan: બોલિવુડ અભિનેતા રિતિક રોશન (Hrithik Roshan)ની પ્રથમ પત્ની, ઈન્ટીરિયર અને ફેશન ડિઝાઈનર સુજૈન ખાને (Sussanne Khan) 26મી ઓક્ટોબરના રોજ પોતાનો 48મો જન્મદિવસ ઉજવ્યો હતો. આ ખાસ પ્રસંગે સુજૈન ખાનના બોયફ્રેન્ડ અર્સલાન ગોનીએ સોશિયલ મીડિયામાં એક પ્રેમસભર પોસ્ટ કરી હતી. નવાઈની વાત એ છે કે, આ પોસ્ટ પર રિતિક રોશને પણ રિએક્ટ કર્યું છે. […]

Last Updated : 26 October 2023, 10:32 AM IST

Hrithik Roshan: બોલિવુડ અભિનેતા રિતિક રોશન (Hrithik Roshan)ની પ્રથમ પત્ની, ઈન્ટીરિયર અને ફેશન ડિઝાઈનર સુજૈન ખાને (Sussanne Khan) 26મી ઓક્ટોબરના રોજ પોતાનો 48મો જન્મદિવસ ઉજવ્યો હતો. આ ખાસ પ્રસંગે સુજૈન ખાનના બોયફ્રેન્ડ અર્સલાન ગોનીએ સોશિયલ મીડિયામાં એક પ્રેમસભર પોસ્ટ કરી હતી. નવાઈની વાત એ છે કે, આ પોસ્ટ પર રિતિક રોશને પણ રિએક્ટ કર્યું છે.

Hrithik Roshanના છૂટાછેડા

રિતિક રોશને 2000ની સાલમાં સુજૈન ખાન સાથે લવ મેરેજ કર્યા હતા અને તેમને બંનેને 2 દીકરા પણ છે. જો કે લગ્નના 14 વર્ષ બાદ બંનેના સંબંધમાં ખટાશ આવી હતી અને તેઓ છૂટા પડી ગયા હતા. ત્યાર બાદ રોશન અને સુજૈન ખાન પોતપોતાની જિંદગીમાં આગળ વધી ગયા છે.

હાલ રિતિક રોશન (Hrithik Roshan) પોતાનાથી લગભગ 12 વર્ષ નાની સબા આઝાદને ડેટ કરી રહ્યો છે અને તેઓ બંને ઘણી વખત સાથે જોવા મળે છે. તેઓ સોશિયલ મીડિયા પોસ્ટ દ્વારા એકબીજા પ્રત્યેનો પ્રેમ વ્યક્ત કરતા પણ જોવા મળે છે. જ્યારે સુજૈન ખાનની જિંદગીમાં હાલ અર્સલાન ગોની છે.

વધુ વાંચો: આલિયા ભટ્ટના લિપસ્ટિકના નિવેદન પર રણબીર કપૂરે મૌન તોડયું

અર્સલાન ગોનીની પોસ્ટ પર રિએક્શન

અર્સલાન ગોનીએ સુજૈનના જન્મદિવસ પર એક ખાસ વીડિયો પોસ્ટ કર્યો છે જેમાં તેમણે એકસાથે જેટલો સમય વિતાવ્યો છે તેની એક ઝલક દર્શાવી છે. સાથે જ કેપ્શનમાં પ્રેમનો સમુદ્ર વહાવ્યો છે. આ પોસ્ટની કોમેન્ટમાં સુજૈન ખાને લખ્યું હતું કે, “માઈ લવ, માય જાન. તમે મારા બધું જ છો. હું આ પ્લેનેટની સૌથી નસીબદાર મહિલા છું જેને યુનિવર્સે આટલી બેસ્ટ ગિફ્ટ આપી છે.”

અર્સલાને લખ્યું હતું કે, “હેપ્પી બર્થડે લવ! સૌથી પહેલા તો હું તારી માફી માગું છું કારણ કે, આજે હું તારા સાથે નથી, પણ આ જોઈને મને આનંદ થઈ રહ્યો છે. આપણે કશું ગુમાવી શકીએ પણ સારી યાદો ચોક્કસથી બનાવી જ શકીએ. હું તને પ્રેમ કરૂં છું અને તારા માટે વિશ્વની તમામ ખુશીઓની કામના કરૂં છું. જે રીતે વચન આપેલું કે આપણે આ સિઝનમાં જ્યારે પણ મળીશું (જે ખૂબ ઓછું બનશે) ઉજવણી કરીશું.”

આ પોસ્ટ પર સુજૈન ખાન (Sussanne Khan)ના એક્સ પતિ રિતિક રોશને પણ કોમેન્ટ કરી છે. રિતિકે તે બંનેના પ્રેમની ‘સ્વીટ’ લખીને પ્રશંસા કરી હતી અને સાથે જ રેડ હાર્ટ ઈમોજી શેર કરીને જન્મદિવસની શુભેચ્છા પાઠવી હતી.

વધુ વાંચો: ઈઝરાયલના રાજદૂત નાઓર ગિલોન સાથે કંગના રનૌતે મુલાકાત કરી

ફાઈટરમાં દીપિકા સાથે જોવા મળશે રિતિક

વર્કફ્રન્ટની વાત કરીએ તો રિતિક રોશન દીપિકા પાદુકોણ સાથે ફિલ્મ ‘ફાઈટર’માં જોવા મળશે. આ એક્શન મૂવીને સિદ્ધાર્થ આનંદ ડાયરેક્ટ કરશે અને તે ફિલ્મમાં અનિલ કપૂર પણ હશે.

Tags :