ઈશિતા દત્તા અને વત્સલ શેઠ પેરેન્ટ્સ બન્યા, પુત્રનો જન્મ થયો

એક્ટ્રેસ ઈશિતા દત્તાના ઘરે શુક્રવારે પારણુ બંધાયું છે. ઈશિતા દત્તા એ શુક્રવારે પુત્રને જન્મ આપ્યો છે. બાળક અને માતા બંને સ્વસ્થ હોવાનું જાણવા મળે છે. આ સમાચાર એક મીડિયા પોર્ટલ દ્વારા શેર કરવામાં આવ્યા હતા અને તરત જ કપલના ચાહકો અને મિત્રોએ બાળકના આગમન પર તેમને અભિનંદન આપવાનું શરૂ કર્યું હતું. ઈશિતાને શુક્રવારના રોજ હોસ્પિટલમાંથી […]

Last Updated : 20 July 2023, 12:51 PM IST

એક્ટ્રેસ ઈશિતા દત્તાના ઘરે શુક્રવારે પારણુ બંધાયું છે. ઈશિતા દત્તા એ શુક્રવારે પુત્રને જન્મ આપ્યો છે. બાળક અને માતા બંને સ્વસ્થ હોવાનું જાણવા મળે છે. આ સમાચાર એક મીડિયા પોર્ટલ દ્વારા શેર કરવામાં આવ્યા હતા અને તરત જ કપલના ચાહકો અને મિત્રોએ બાળકના આગમન પર તેમને અભિનંદન આપવાનું શરૂ કર્યું હતું. ઈશિતાને શુક્રવારના રોજ હોસ્પિટલમાંથી રજા આપવામાં આવશે.

ઈશિતા દત્તા અને વત્સલ શેઠ પ્રેગ્નન્સી દરમિયાન નિયમિત રીતે સાથે જોવા મળતા હતા. ઈશિતા અને વત્સલ શેઠે 28 નવેમ્બર, 2017 ના રોજ લગ્ન કર્યા પછી તેઓ એક ટીવી શો રિશ્તોં કા સૌદાગર – બાઝીગરના શૂટિંગ દરમિયાન પ્રેમમાં પડ્યાં હતા. તેઓએ 31 માર્ચે ગર્ભાવસ્થાની જાહેરાત કરી હતી. તેઓએ કલર-કોઓર્ડિનેટેડ પોશાક પહેરેલો ફોટો શેર કર્યો હતો. ફોટામાં વત્સલ ઈશિતાના બેબી બમ્પને પ્રેમ કરતો જોવા મળ્યો હતો.

સૂત્રોના જણાવ્યા અનુસાર, “બાળક અને માતા બને સ્વસ્થ છે. તેને શુક્રવારે રજા આપવામાં આવશે. પરિવાર અત્યારે સૌથી ખુશ છે.”

બાળકના આગમન પહેલા, આ કપલ ક્યારેક-ક્યારેક પ્રેગ્નન્સી ફોટોશૂટની તસવીરો શેર કરતું હતું. મે મહિનામાં, આ દંપતી તેમના નવા ઘરમાં રહેવા ગયા જ્યાં ઈશિતાએ ઉદ્ઘાટનની વિધિમાં ભાગ લીધો હતો. તેમના નવા ઘરમાં જવાના દિવસો પહેલા, ઈશિતાએ પરંપરાગત શ્રીમંતનો સમારોહ પણ કર્યો હતો. જેમાં કાજોલ તેમજ ઈશિતાની બહેન તનુશ્રી દત્તા પણ હાજર રહી હતી.

ઈશિતા હંમેશા તેની પ્રેગ્નન્સી દરમિયાન તેના ફેન્સ અને ફોલોઅર્સને તેના સ્વાસ્થ્ય વિશે અપડેટ કરતી હતી. તેણીએ તેના બેબી બમ્પને ફ્લોન્ટ કર્યો અને તેના પતિ વત્સલ સાથે તેની સેલ્ફી શેર કરી. મંગળવારે, અભિનેત્રીએ એક સેલ્ફી શેર કરી અને લખ્યું હતું કે , “તે ઠીક છે પણ છેલ્લો મહિનો ચોક્કસપણે સરળ નથી.”

ઈશિતા દત્તાનું બેબી શાવર

ઈશિતા દત્તાની માતાએ થોડા દિવસો પહેલા અભિનેત્રી માટે બેબી શાવરનું આયોજન કર્યું હતું. અભિનેત્રીએ તેના બંગાળી બેબી શાવર સેરેમનીનો એક વીડિયો શેર કર્યો જેને સોશિયલ મીડિયા પર ઘણો પ્રેમ મળ્યો. સમારંભમાં ઈશિતાએ ગુલાબી રંગની બનારસી સાડી પહેરી હતી અને તે એકદમ સુંદર લાગી રહી હતી.

વીડિયો શેર કરતાં અભિનેત્રીએ લખ્યું, “બેબી શાવર સમારોહ, સમારંભની કેટલીક ક્ષણો. હાર્દિક શુભેચ્છાઓ અને આશીર્વાદ માટે આપ સૌનો આભાર.” ઈશિતા છેલ્લીવાર દ્રશ્યમ 2 માં જોવા મળી હતી અને તે ગયા વર્ષે રિલીઝ થઈ હતી. આ ફિલ્મે બોક્સ ઓફિસ પર સારું પર્ફોર્મન્સ આપ્યું હતું.

ચાહકોએ દંપતી પર ખુબ જ પ્રેમ વરસાવ્યો અને સુંદર શબ્દો લખીને ટિપ્પણી કરી. એકે લખ્યું, “સૌથી સુંદર, એવો બેબી શાવર મેં લાંબા સમય પછી જોયો છે. તમને અમારી ભારતીય રીત કરતા જોઈને આનંદ થયો.” બીજાએ ટિપ્પણી કરી, “આવી સુંદર ક્ષણો.” ત્રીજા ચાહકે લખ્યું, “તમે આમાં ખૂબ સુંદર દેખાઓ છો .આગળ આવનારી દરેક સુંદર વસ્તુ માટે ઘણો પ્રેમ અને શુભેચ્છાઓ,”

Tags :