Kangana Ranaut: ઈઝરાયલના રાજદૂત નાઓર ગિલોન સાથે કંગના રનૌતે મુલાકાત કરી

Kangana Ranaut: બોલીવુડ અભિનેત્રી કંગના રનૌત તેની આગામી ફિલ્મ તેજસનું પ્રમોશન કરી રહી છે. તેણે તાજેતરમાં દિલ્હીમાં ઈઝરાયલના રાજદૂત નાઓર ગિલોન (Naor Gilon) સાથે મુલાકાત કરી હતી અને ઈઝરાયલ અને હમાસ વચ્ચે ચાલી રહેલા યુદ્ધ વિશે વાત કરી હતી. ઈઝરાયલને સમર્થન આપતાં, કંગના રનૌતે તેમની વાતચીતની એક ઝલક શેર કરી જ્યાં તેણે તેની આગામી ફિલ્મ […]

Last Updated : 26 October 2023, 07:31 AM IST

Kangana Ranaut: બોલીવુડ અભિનેત્રી કંગના રનૌત તેની આગામી ફિલ્મ તેજસનું પ્રમોશન કરી રહી છે. તેણે તાજેતરમાં દિલ્હીમાં ઈઝરાયલના રાજદૂત નાઓર ગિલોન (Naor Gilon) સાથે મુલાકાત કરી હતી અને ઈઝરાયલ અને હમાસ વચ્ચે ચાલી રહેલા યુદ્ધ વિશે વાત કરી હતી. ઈઝરાયલને સમર્થન આપતાં, કંગના રનૌતે તેમની વાતચીતની એક ઝલક શેર કરી જ્યાં તેણે તેની આગામી ફિલ્મ તેજસનો પણ ઉલ્લેખ કર્યો. તેની પોસ્ટ શેર કરતા, અભિનેત્રીએ હમાસની તુલના રાવણ સાથે કરી હતી.

વધુ વાંચો: તેજસ ફિલ્મના પ્રમોશન વચ્ચે કંગના રનૌતે NSA અજીત ડોભાલ સાથે મુલાકાત કરી!

કંગના રનૌતે ઈઝરાયલનું સમર્થન કર્યું

અભિનેત્રી કંગના રનૌતે (Kangana Ranaut) દશેરાના દિવસે દિલ્હીના લવ કુશ રામલીલામાં રાવણ દહન કાર્યક્રમમાં ભાગ લીધો હતો. કંગના રનૌત 50 વર્ષના ઈતિહાસમાં રાવણ દહન કરનારી પ્રથમ મહિલા બની છે. આ કાર્યક્રમ બાદ અભિનેત્રીએ ઈઝરાયલી રાજદૂત નાઓર ગિલોન (Naor Gilon) સાથે મુલાકાત કરીને તેની સાથેની તસવીર સોશિયલ મીડિયા પર શેર કરી હતી. કંગના રનૌતે કેપ્શનમાં લખ્યું, “આજે સમગ્ર વિશ્વ, ખાસ કરીને ઈઝરાયલ અને ભારત આતંકવાદ સામે લડી રહ્યા છે. ગઈ કાલે રાવણ દહન કરવા દિલ્હી પહોંચી ત્યારે મને લાગ્યું કે, ઈઝરાયલ એમ્બેસી જઈને લોકો સાથે મુલાકાત કરવી જોઈએ, જેઓ આજના આધુનિક રાવણ હમાસ જેવા આતંકવાદીઓને હરાવી રહ્યા છે.”

કંગના રનૌતે (Kangana Ranaut) વધુમાં કહ્યું કે નાના બાળકો અને મહિલાઓને જે રીતે ટાર્ગેટ કરવામાં આવે છે તે હ્રદયસ્પર્શી છે. મને પૂરી આશા છે કે આતંકવાદ વિરુદ્ધના આ યુદ્ધમાં ઈઝરાયલનો વિજય થશે. તેમની સાથે મેં મારી આગામી ફિલ્મ તેજસ અને ભારતના સ્વનિર્ભર ફાઈટર એરક્રાફ્ટ તેજસ વિશે ચર્ચા કરી.

વધુ વાંચો: સંરક્ષણ મંત્રી સહિતના સૈન્ય અધિકારીઓ માટે તેજસના સ્પેશિયલ સ્ક્રીનિંગનું આયોજન

થોડા દિવસો પહેલા પણ કંગના રનૌતે (Kangana Ranaut) ઈઝરાયલના સમર્થનમાં અવાજ ઉઠાવ્યો હતો. અભિનેત્રીએ હમાસના લોકોને આતંકવાદી ગણાવ્યા હતા. કંગના રનૌતે એક પોસ્ટમાં લખ્યું હતું, “સોશિયલ મીડિયા પર ઈઝરાયલની મહિલાઓના ફોટોઝ જોઈને હૃદય કંપી ના ઉઠે અને ડર ના લાગે, તેવું શક્ય જ નથી. આતંકવાદીઓ તેમના મૃતદેહો પર બળાત્કાર પણ કરી રહ્યા છે. ઈઝરાયલની મહિલા સૈનિકના શરીરને નગ્ન અવસ્થામાં કરવામાં આવી રહી છે. આ જોઈને મને ખૂબ જ દુ:ખ થઈ રહ્યું છે, તમામ શહીદ સમ્માનજનક મોત માટે હકદાર છે.”

કંગના રનૌત (Kangana Ranaut)ની આગામી ફિલ્મ તેજસ એક એક્શન થ્રિલર ફિલ્મ છે. તેનું નિર્દેશન સર્વેશ મેવાડાએ કર્યું છે. આ ફિલ્મમાં કંગના રનૌત મુખ્ય ભૂમિકામાં છે. તે ભારતીય વાયુસેના અધિકારી તેજસ ગિલની ભૂમિકા ભજવી રહી છે. આ ફિલ્મમાં આશિષ વિદ્યાર્થી, અંશુલ ચૌહાણ, વરુણ મિત્રા પણ મહત્વની ભૂમિકામાં જોવા મળશે. કંગના રનૌતની આ ફિલ્મ 27 ઓક્ટોબર 2023ના રોજ રીલિઝ થશે.

Tags :