‘કિસી કા ભાઈ કિસી કી જાન’નું નવું ગીત ‘યંતમ્મા’ રિલીઝ,

બોલીવુડ સુપરસ્ટાર સલમાન ખાન પોતાની નવી ફિલ્મ ‘કિસી કા ભાઈ કિસી કી જાન’ અંગે ચર્ચામાં છે. આ ફિલ્મ ટૂંક સમયમાં થિયેટરમાં જોવા મળશે. સોમવારે, સલમાન ખાને તેની આગામી ફિલ્મ, કિસી કા ભાઈ કિસી કી જાન માટે તેના સોશિયલ મીડિયા પર ફિલ્મના નવા ગીતનું ટીઝર રિલીઝ કરીને ફિલ્મની પ્રેક્ષકોમાં અપેક્ષાને ખુબજ વધારી દિધી છે. ટૂંકા ટીઝર […]

Last Updated : 11 July 2023, 08:55 AM IST

બોલીવુડ સુપરસ્ટાર સલમાન ખાન પોતાની નવી ફિલ્મ ‘કિસી કા ભાઈ કિસી કી જાન’ અંગે ચર્ચામાં છે. આ ફિલ્મ ટૂંક સમયમાં થિયેટરમાં જોવા મળશે. સોમવારે, સલમાન ખાને તેની આગામી ફિલ્મ, કિસી કા ભાઈ કિસી કી જાન માટે તેના સોશિયલ મીડિયા પર ફિલ્મના નવા ગીતનું ટીઝર રિલીઝ કરીને ફિલ્મની પ્રેક્ષકોમાં અપેક્ષાને ખુબજ વધારી દિધી છે. ટૂંકા ટીઝર પરથી, ગીત, યેન્ટમ્મા એક સેલિબ્રેટરી ડાન્સ નંબર સોંગ જેવું લાગે છે, જે સ્ટાઈલ, સ્વેગ અને ફૂટ-ટેપીંગ બીટ્સથી ભરપૂર છે.કિસી કા ભાઈ કિસી કી જાન ટીઝરમાં, સલમાન ખાન બ્લેક ચશ્માં સાથે લુંગી અને કુર્તાના દક્ષિણ-ભારતીય પોશાકમાં સ્ટાઇલિશ લાગે છે. આ ગીતમાં સલમાન ખાન અને સાઉથ સ્ટાર વેંકટેશ દગ્ગુબાતીની જબરદસ્ત ટ્વિનિંગ જોવા મળી રહી છે. આ ઉપરાંત આ ગીતમાં RRR ફિલ્મના સ્ટાર રામ ચરણ પણ સલમાન ખાન સાથે જોરદાર ડાન્સ કરતા જોવા મળે છે. સલમાને તેના ઇન્સ્ટાગ્રામ પર ગીતનું ટીઝર શેર કર્યું અને લખ્યું, “#યંતમ્મા ગીત આવતી કાલે આવી રહ્યું છે.”

બથુકમ્મા તેલંગાણાનો એક ફેસ્ટિવલ છે. જેમાં મહિલાઓ ફૂલોથી દેવી સતીની પૂજા કરે છે. ગીતમાં આની ઝલક જોવા મળી રહી છે. આ ગીતને સંતોષ વેંકી, આયરા ઉડુપી, હરિની ઇવાતુરી, સુચેથા બસરુર અને વિજયલક્ષ્મી મેટ્ટીનાહોલેએ મળીને ગાયુ છે. રવિ બસરુરે ગીતને કમ્પોઝ કર્યુ છે. તેના લિરિક્સ કિનલ રાજ અને હરિની ઇવાતુરીએ લખ્યા છે. અભિનેતાએ વિડિઓ શેર કરતા જ, ઘણા નેટીઝન્સે સંપૂર્ણ ગીત માટે તેમના વિચારો શેર કર્યા. સલમાનના બોડીગાર્ડ શેરાએ પોસ્ટ પર ફાયર ઇમોજી મૂક્યું હતું. અબ્દુ રોજિકે ટિપ્પણી કરી “મને તે ગમે છે. ચાલક ગીત”. અન્ય નેટીઝને લખ્યું, “ભાઈજાન કા સ્વગ માશાલ્લાહ.” એક યુઝરે લખ્યું, “ઉઠા કર કે લુંગી.” અન્ય યુઝરે લખ્યું, “ભાઈ + વેંકટેશ + રામ = બ્લોકબસ્ટર.” એવું પણ કહેવાય છે કે રામ ચરણ ગીતનો એક ભાગ છે, અને કેટલાક નેટીઝન્સે દાવો કર્યો હતો કે જે રહસ્યમય સલમાન અને વેંકટેશ તરફ ચાલતો જોવા મળે છે તે બીજું કોઈ નહીં પણ રામ ચરણ છે.

અગાઉ કિસી કા ભાઈ કિસી કી જાનના 3 સોન્ગ રિલીઝ થઈ ચૂક્યા છે. જેમાં ‘નઈયો લગદા’, ‘બિલી બિલી’ અને ‘જી રહે થે હમ’ સામેલ છે. સલમાન ખાનની ફિલ્મ કિસી કા ભાઈ કિસી કી જાનને ફરહાદ સામજીએ ડાયરેક્ટ કર્યુ છે. જેમાં જગપતિ બાબૂ, વિજેન્દ્ર સિંહ, અભિમન્યૂ સિંહ, જસ્સી ગિલ અને વિનાલી ભટનાગર જેવા સ્ટાર પણ જોવા મળશે. કિસી કા ભાઈ કિસી કી જાન અજિત કુમારની વીરમ પર આધારિત છે. ફરહાદ સામજી દિગ્દર્શિત આ ફિલ્મમાં પૂજા હેગડે, શહેનાઝ ગિલ, સિદ્ધાર્થ નિગમ અને જસ્સી ગિલ પણ પ્રાથમિક ભૂમિકામાં છે. આ ફિલ્મ ઈદના અવસરે 21 એપ્રિલ 2023એ થિયેટરમાં જોવા મળશે.

Tags :