ભારત પરત ફર્યા બાદ નુસરત ભરુચાએ પોતાનો અનુભવ શેર કર્યો

તાજેતરમાં બોલિવૂડ અભિનેત્રી નુસરત ભરુચા ઈઝરાયલ યુદ્ધની વચ્ચે ફસાઈ ગઈ હતી. નુસરત ભરુચાએ સુરક્ષિત રીતે ભારત પરત ફર્યા બાદ ઈઝરાયલમાં સંઘર્ષ દરમિયાન પોતાનો અનુભવ શેર કર્યો છે. તેણે તેના અનુભવને “અવિસ્મરણીય અને ભયાવહ” ગણાવ્યું હતું. તે તેની નવી ફિલ્મ અકેલીના સ્ક્રીનીંગ માટે ઈઝરાયલ ગઈ હતી. આ દરમિયાન, ઈઝરાયલ અને પેલેસ્ટાઈન વચ્ચે યુદ્ધ શરૂ થયું હતું. […]

Last Updated : 11 October 2023, 12:09 PM IST

તાજેતરમાં બોલિવૂડ અભિનેત્રી નુસરત ભરુચા ઈઝરાયલ યુદ્ધની વચ્ચે ફસાઈ ગઈ હતી. નુસરત ભરુચાએ સુરક્ષિત રીતે ભારત પરત ફર્યા બાદ ઈઝરાયલમાં સંઘર્ષ દરમિયાન પોતાનો અનુભવ શેર કર્યો છે. તેણે તેના અનુભવને “અવિસ્મરણીય અને ભયાવહ” ગણાવ્યું હતું. તે તેની નવી ફિલ્મ અકેલીના સ્ક્રીનીંગ માટે ઈઝરાયલ ગઈ હતી. આ દરમિયાન, ઈઝરાયલ અને પેલેસ્ટાઈન વચ્ચે યુદ્ધ શરૂ થયું હતું.

નુસરત ભરૂચાએ શું કહ્યું?

નુસરત ભરૂચાએ તેના ઈન્સ્ટાગ્રામ હેન્ડલ પર એક વિડિયો શેર કર્યો હતો જેમાં તેણે તેના ચાહકોને ખાતરી આપી હતી કે તે ઘરે પરત ફરી છે અને સુરક્ષિત છે. તેણે કહ્યું, “બે દિવસ પહેલા, હું તેલ અવીવમાં મારા હોટલના રૂમમાં બોમ્બ વિસ્ફોટો અને સાયરનના અવાજોથી જાગી ગઈ હતી. અમને આશ્રય વિસ્તારના ભોંયરામાં નીચે લઈ જવામાં આવ્યા. હું પહેલા ક્યારેય આવી પરિસ્થિતિમાં રહી નથી.”

નુસરત ભરૂચાએ એમ પણ કહ્યું કે તે એક એવા દેશમાં પાછા આવીને આભારી છે જે શાંતિની ઉજવણી કરે છે. આજે જ્યારે હું જાગી ત્યારે આવા કોઈ અવાજો નહોતા. ત્યારે મને સમજાયું કે આપણે કેટલા નસીબદાર છીએ કે આપણે આ દેશમાં છીએ અને સુરક્ષિત છીએ. હું ભારત સરકારનો આભાર માનું છું. આ સાથે હું આ મુશ્કેલ સમયમાં મને માર્ગદર્શન આપવા માટે ઈઝરાયલ સરકારનો પણ આભાર માનું છું.

ઈઝરાયલમાં શાંતિ પ્રવર્તે તે માટે પ્રાર્થના કરી

ત્યારબાદ નુસરત ભરૂચાએ ભારત સરકાર, ભારતીય અને ઈઝરાયલના દૂતાવાસો અને તેની સલામતી માટે પ્રાર્થના કરનારા તમામ લોકોનો આભાર માન્યો. તેણે ઈઝરાયલમાં જલ્દી શાંતિ પુનઃસ્થાપિત થાય તેવી શુભેચ્છા પણ પાઠવી હતી.

આ ઉપરાંત, નુસરત ભરૂચાએ એક લાંબી પોસ્ટ પણ શેર કરી છે. આ પોસ્ટમાં તેણે જણાવ્યું કે કેવી રીતે તેણે આ મુશ્કેલ સમયમાં ભારત સરકારનો સંપર્ક કર્યો અને ઈઝરાયલ સરકારની મદદથી ભારત પરત આવી. આ પોસ્ટમાં નુસરત ભરૂચાએ જણાવ્યું કે ભારતીય દૂતાવાસ અમારી હોટલથી માત્ર 2 કિલોમીટર દૂર છે પરંતુ ત્યાં પહોંચવું સરળ નહોતું કારણ કે ત્યાં સતત વિસ્ફોટના અવાજ આવી રહ્યા હતા.

આ પછી અમને ખબર પડી કે હમાસના આતંકવાદીઓ લોકોને ઘરની બહાર ફેંકીને મારી રહ્યા છે. ત્યાંની સ્થિતિ ખૂબ જ ભયાનક અને ખતરનાક હતી. ફોનમાં વધારે બેટરી પણ ન હતી. ત્યારપછી ઈઝરાયલના સહ-અભિનેતાઓ તરફથી કોલ આવ્યા અને ભારતીય અને ઈઝરાયલ દૂતાવાસોએ માર્ગદર્શન આપ્યું અને સંપૂર્ણ સમર્થન આપ્યું હતું.

નુસરત ભરૂચાની ફિલ્મ ‘અકેલી’ એક છોકરીની વાર્તા છે. જે યુદ્ધમાં ફસાઈ જાય છે. આ વાર્તાને ઈઝરાયલના ફિલ્મ ફેસ્ટિવલમાં પસંદ કરવામાં આવી હતી. આ સ્ટોરીમાં અભિનેત્રી નુસરત ભરૂચાની રિયલ લાઈફ પણ ફિલ્મની જેમ બદલાઈ ગઈ હતી.

Tags :