પરિણીતી ચોપરા અને રાઘવ ચઢ્ઢાના પ્રિ-વેડિંગ ફંક્શન દિલ્હીમાં શરૂ, પરિવાર થયો ભાવુક

અભિનેત્રી પરિણીતી ચોપરા અને રાજકારણી મંગેતર રાઘવ ચઢ્ઢાના લગ્ન રાજસ્થાનના ઉદયપુરમાં 24 સપ્ટેમ્બરે યોજવાના છે. લગ્નની તમામ વિધિઓ લીલા પેલેસ અને તાજ પેલેસ હોટેલમાં કરવામાં આવશે. પરિણીતી ચોપરા અને રાઘવ ચઢ્ઢાના પ્રિ-વેડિંગ ફંક્શન દિલ્હીમાં શરૂ થઈ ગયા છે અને આ તેમના પરિવાર માટે એક ભાવનાત્મક ક્ષણ છે. પરિણીતી ચોપરાના ભાઈઓ – શિવાંગ અને સહજ સાથે […]

Last Updated : 22 September 2023, 07:00 AM IST

અભિનેત્રી પરિણીતી ચોપરા અને રાજકારણી મંગેતર રાઘવ ચઢ્ઢાના લગ્ન રાજસ્થાનના ઉદયપુરમાં 24 સપ્ટેમ્બરે યોજવાના છે. લગ્નની તમામ વિધિઓ લીલા પેલેસ અને તાજ પેલેસ હોટેલમાં કરવામાં આવશે. પરિણીતી ચોપરા અને રાઘવ ચઢ્ઢાના પ્રિ-વેડિંગ ફંક્શન દિલ્હીમાં શરૂ થઈ ગયા છે અને આ તેમના પરિવાર માટે એક ભાવનાત્મક ક્ષણ છે.

પરિણીતી ચોપરાના ભાઈઓ – શિવાંગ અને સહજ સાથે તે દિલ્હી આવી ત્યારથી પરિવાર છેલ્લા બે અઠવાડિયાથી દિલ્હીમાં રહેતો હતો. તમામ આયોજનો છતાં, લગ્નોત્સવનોના પ્રથમ દિવસે ઘણી ગભરાહટ હોય છે અને તે પરિણીતી ચોપરા અને રાઘવ ચઢ્ઢાના પરિવાર માટે 19 સપ્ટેમ્બરે દિલ્હીમાં અરદાસ સમયે બન્યું હતું.

એક અહેવાલ મુજબ, તેના જીવનના નવા તબક્કાની શરૂઆતની આધ્યાત્મિક ક્ષણે માત્ર પરિણીતી ચોપરાને જ નહીં, પરંતુ તેના પરિવારને પણ લાગણીશીલ બનાવી દીધા હતા. પરિણીતી ચોપરા સાથે જોડાયેલા દરેકના આંખમાં ખુશીના આંસુ હતા. જ્યારે વર-કન્યાની વાત આવે છે, ત્યારે તેઓ તેમના જીવનની નવી શરૂઆત કરવા માટે ખરેખર ખુશ છે, અને તેમની નજીકના લોકો સાથે આ ક્ષણ શેર કરવા માટે ઉત્સાહિત છે.

20 સપ્ટેમ્બરથી શરૂ થયા પ્રિ વેડિંગ ફંક્શન

20 સપ્ટેમ્બરના રોજ દિલ્હીમાં તેમના પ્રિ-વેડિંગ ફંક્શન સૂફી નાઈટનું આયોજન કરવામાં આવ્યું હતું, જેમાં છાપ તિલક સબ, બુલ્લેયા, ઈશ્ક સુફિયાના, તુ માને યા ના માને, આફરીન આફરીન અને સાનુ એક પલ ચૈન જેવા ગીતો દ્વારા મહેમાનોને મંત્રમુગ્ધ કરી દીધા હતા.

તેમનું પ્રિ-વેડિંગ ફંક્શન સુફી નાઈટ હિટ હતી. બધાને ખૂબ મજા આવી હતી. પરિણીતી ચોપરાએ આખી રાત ડાન્સ કર્યો હતો. રાઘવ ચઢ્ઢા શરમાળ વ્યક્તિ છે, પરંતુ આ વખતે તે વહેલી સવાર સુધી ડાન્સ કરતો જોવા મળ્યો હતો. તેઓ એકસાથે ખરેખર સુંદર લાગતા હતા. પરિવારના સભ્યો તેમજ મહેમાનોએ આનંદપૂર્વક સમય પસાર કર્યો હતો. આ દંપતી પરિવારના સભ્યો સિવાય મહેમાનો સાથે ડાન્સ કરતા પણ જોવા મળ્યા હતા.

ઉદયપુરમાં થશે ગ્રાન્ડ વેડિંગ સેલિબ્રેશન

ઉદયપુરમાં, ઉજવણીની શરૂઆત આજે 23 સપ્ટેમ્બરના રોજ ગ્રેન્સ ઓફ લવ નામના સ્વાગત લંચ સાથે શરૂ થશે, ત્યારબાદ 1990 ના દાયકાની થીમ પાર્ટી ગીતો દ્વારા બોલીવુડ પ્રત્યેના તેમના પ્રેમનું પ્રદર્શન કરશે. લગ્ન 24 સપ્ટેમ્બરે તાજ લેક ખાતે થશે.

રશિનિધિ દ્વારા લગ્નની સજાવટ ખૂબ જ સામાન્ય છે. પરિણીતી ચોપરા અને રાઘવ ચઢ્ઢાની પસંદ ક્લાસી છે અને લગ્નની સજાવટ એ જ દર્શાવે છે. મહેમાનો માટે ખૂબ જ વિસ્તૃત લંચનું આયોજન કરવામાં આવ્યું છે.

સૂત્રોના જણાવ્યા અનુસાર, પરિણીતી ચોપરા અને રાઘવ ચઢ્ઢાએ મહેમાનો આવવાનું શરૂ થતાંની સાથે જ હોટલમાં અને તેની આસપાસની સુરક્ષા કડક કરવા માટે ખાસ વિનંતી કરી હતી. એવી પણ ચર્ચા છે કે આમંત્રણ લીક થયા પછી તેઓ તેમના ચંડીગઢ રિસેપ્શનને રદ કરી શકે છે, જો કે તે અંગે કોઈ પુષ્ટિ નથી.

Tags :