પરિણીતિ ચોપરાએ રાઘવ ચઠ્ઠાને લઈ કર્યો મોટો ખુલાસો

હિન્દી સિનેમાની જાણીતી અભિનેત્રી પરિણીતી ચોપરાને કોઈ અલગ ઓળખની જરુર નથી. હાલમાં પરિણીતી ચોપરાની ફિલ્મી કરિયરને બદલે તેની અંગત લાઈફને લઈને ચર્ચામાં છે. અભિનેત્રી પરિણીતી ચોપરા છેલ્લા કેટલાક સમયથી આમ આદમી પાર્ટીના નેતા રાઘવ ચઢ્ઢા સાથે ડેટિંગ અને સગાઈના સમાચારોને કારણે ચર્ચામાં છે. જોકે બંનેએ અત્યાર સુધી આ વિશે ખુલીને વાત કરી નથી. પરંતુ હવે […]

Last Updated : 14 July 2023, 04:14 AM IST

હિન્દી સિનેમાની જાણીતી અભિનેત્રી પરિણીતી ચોપરાને કોઈ અલગ ઓળખની જરુર નથી. હાલમાં પરિણીતી ચોપરાની ફિલ્મી કરિયરને બદલે તેની અંગત લાઈફને લઈને ચર્ચામાં છે. અભિનેત્રી પરિણીતી ચોપરા છેલ્લા કેટલાક સમયથી આમ આદમી પાર્ટીના નેતા રાઘવ ચઢ્ઢા સાથે ડેટિંગ અને સગાઈના સમાચારોને કારણે ચર્ચામાં છે. જોકે બંનેએ અત્યાર સુધી આ વિશે ખુલીને વાત કરી નથી. પરંતુ હવે પરિણીતી ચોપરાએ રાઘવ ચઢ્ઢા સાથે ડેટિંગની અફવાઓ પર તેનું નામ લીધા વિના મૌન તોડ્યું છે. જેમાં જણાવ્યું હતું કે કેવી રીતે લોકો તેના અંગત જીવનમાં વધુ રસ ધરાવતા થયા છે. આ સાથે અભિનેત્રીએ એ પણ જણાવ્યું કે જે રીતે લાઈમલાઈટમાં આવી છે એ બાદ પોતાની અંગત જિંદગીને કેવી રીતે હેન્ડલ કરે છે.

નોંધનીય છે કે થોડા સમય પહેલા પરિણીતી ચોપરા અને AAP નેતા રાઘવ ચઢ્ઢા સાથે ડિનર પર જોવા મળ્યા હતા. આ પછી પરિણીતી ચોપરા અને રાઘવ એરપોર્ટ પર પણ સાથે જોવા મળ્યા હતા. ત્યારથી પરિણીતી રાઘવને ડેટ કરી રહી હોવાની અફવાઓ બજારમાં ફેલાઈ હતી. એવી પણ અટકળો લગાવવામાં આવી રહી છે કે તેઓ લગ્ન પણ કરવાના છે. એજ સમયે, પરિણીતીની રિંગ ફિંગરમાં રિંગ જોઈને ચાહકો તેની અને રાઘવની સગાઈની અટકળો લગાવી રહ્યા છે. તે સમયે અભિનેત્રીએ કોઈનું નામ લીધા વિના આ વિશે વાત કરી છે.

લાઈફસ્ટાઈલ એશિયાને આપેલા તાજેતરના ઈન્ટરવ્યુમાં પરિણીતી ચોપરાએ રાઘવ સાથે ડેટિંગ રૂમર્સ પર કહ્યું હતું કે ‘મીડિયામાં મારી ચર્ચા ક્યારેક એટલી અંગત થઈ જાય છે. જેમાં એક ચર્ચાની રેખા પાર થઈ જાય છે. ચર્ચા અને અપમાન વચ્ચે ખૂબ જ પાતળી રેખા છે. જો સ્પષ્ટતા આપવી જરૂરી ન હોય તો હું સ્પષ્ટતા નહીં આપું. જોકે આ દરમિયાન પરિણીતીએ રાઘવનું નામ લીધું ન હતું.

બીજી તરફ જ્યારે રાઘવ ચઢ્ઢાને પરિણીતી સાથેના લગ્નના સમાચારો વિશે પૂછવામાં આવ્યું ત્યારે AAP નેતાએ કહ્યું હતું કે ‘આજની ઉજવણી કરો કેમકે આમ આદમી પાર્ટી રાષ્ટ્રીય પાર્ટી બની ગઈ છે’. આ પછી ઉજવણી કરવા માટે ઘણા વધુ પ્રસંગો આવશે. મહત્વનું છેકે, સિંગર હાર્ડી સંધુએ પરિણીતી અને રાઘવ ચઢ્ઢાની સગાઈના સમાચારને લઈને નિવેદન આપ્યું હતું કે, તેણે પરિણીતીને ફોન કરીને અભિનંદન પાઠવ્યા છે. તો આમ આદમી પાર્ટીના સાંસદ સંજીવ અરોરાએ પણ રાઘવ અને પરિણીતીને ટ્વિટ કરીને અભિનંદન આપ્યા છે.

Tags :