Priyanka Chopra અને નિક જોનસે લોસ એન્જલસમાં દિવાળી પાર્ટીનું આયોજન કર્યું

નિક જોનસના દેશી લૂકે ચાહકોના દિલ જીતી લીધા

Last Updated : 15 November 2023, 02:29 PM IST

Courtesy: Image: Twitter

Priyanka Chopra: પ્રિયંકા ચોપરા (Priyanka Chopra)એ પતિ નિક જોનસ સાથે લોસ એન્જલસમાં તેના મિત્રો માટે દિવાળીની પાર્ટીનું આયોજન કર્યું હતું. પ્રિયંકા ચોપરા અને નિક જોનસ દેશી લૂકમાં જોવા મળ્યા હતા. પાર્ટીની તસવીરો ઈન્ટરનેટ પર ધૂમ મચાવી રહી છે. સોશિયલ મીડિયા પર વાયરલ તસવીરમાં તેઓ પાર્ટીમાંથી બહાર નીકળતા જોવા મળ્યા હતા.

પ્રિયંકા ચોપરા (Priyanka Chopra) દિવાળીના તહેવારમાં વેલ્વેટ બ્લાઉઝ સાથે ગોલ્ડન કલરના લહેંગા પહેરેલી જોવા મળી હતી. પ્રિયંકાએ ડીપ નેક વેલ્વેટ બ્લાઉઝ સાથે પીચ કલરનો હેવી એમ્બ્રોઈડરી કરેલો લહેંગા પહેર્યો હતો, જેને તેણે મેચિંગ રેડ વેલ્વેટ દુપટ્ટા સાથે સ્ટાઈલ કર્યો હતો.

પ્રિયંકા આ આઉટફિટ સાથે લાઉડ મેકઅપમાં જોવા મળી હતી. તેણે તેના બોલ્ડ લુકથી બધાનું ધ્યાન ખેંચ્યું હતું. તેણે તેના વાળ એક બનમાં બાંધ્યા હતા. તેણે તેના લૂકને કમ્પ્લીટ કરવા માટે, પ્રિયંકા ચોપરા બુલગારીનો નેટિડ નેકલેસ પહેરેલી જોવા મળી હતી.

નિક જોનસ સફેદ રંગનો કુર્તા પાયજામા અને તેના પર એક પ્રિટેન્ડ જેકેટ પહેરેલો જોવા મળ્યો હતો. ચાહકોને નિક જોનસનો આ લુક ઘણો પસંદ આવ્યો હતો. ઈન્ડિયન આઉટફિટમાં ફોટોમાં નિક જોનસ ખૂબ જ હેન્ડસમ લાગી રહ્યો હતો. નિક જોનસને આ રીતે જોઈને તેના ફેન્સ પણ ઘણા ખુશ થયા હતા. નિક જોનસનો ભાઈ જો જોનાસ પણ બ્લુ કુર્તા પાયજામામાં જોવા મળ્યો હતો. જોનસ બ્રધર્સના ભારતીય લૂકે ચાહકોનું દિલ જીતી લીધું હતું. બાકીના વિદેશી મહેમાનો પણ દેશી લૂકમાં જોવા મળ્યા હતા.

Priyanka Chopra તેના લાઉડ મેકઅપના કારણે ટ્રોલ થઈ

આ તસવીરો સોશિયલ મીડિયા પર ઝડપથી વાયરલ થઈ રહી છે. ઘણા યુઝર્સ પ્રિયંકા ચોપરા (Priyanka Chopra)ને તેના લાઉડ મેકઅપના કારણે ટ્રોલ પણ કરી રહ્યા છે. એક યુઝરે X પર લખ્યું, "તેનો મેકઅપ આટલો વિચિત્ર કેમ લાગે છે?" અન્ય એક યુઝરે લખ્યું, "આવો મેકઅપ હવે ભારતમાં પણ નથી થતો. 5-6 વર્ષ પહેલા આવો મેકઅપ જોયો હતો."

આ વર્ષે પ્રિયંકાએ તેની દિવાળી સેલિબ્રેશનની તસવીરો સોશિયલ મીડિયા પર શેર કરી નથી. તેણીએ ફક્ત તેની પુત્રી માલતી મેરી ચોપરા જોનસ દ્વારા બનાવેલી રંગોળીની એક તસવીર શેર કરી હતી.

પ્રિયંકા ચોપરા (Priyanka Chopra) તાજેતરમાં MAMI ફિલ્મ ફેસ્ટિવલ 2023 માટે ભારતમાં હતી. પ્રિયંકા ચોપરા માટે આ વર્ષ ખૂબ જ ઘટનાપૂર્ણ રહ્યું છે. તે અગાઉ મુંબઈમાં નીતા મુકેશ અંબાણી કલ્ચરલ સેન્ટરના ઉદ્ઘાટન માટે તેની પુત્રી માલતી અને નિક જોનસ સાથે ભારતની મુલાકાતે આવી હતી. તે માલતીને પ્રથમ વખત સિદ્ધિવિનાયક મંદિરમાં લઈ ગઈ હતી જ્યાં માતા-પુત્રીની જોડીએ ભગવાન ગણેશના આશીર્વાદ લીધા હતા.

Tags :