રજનીકાંતની “જેલર” ફિલ્મની OTT રિલીઝ ડેટ જાહેર: શાહરૂખ ખાનની ફિલ્મ “જવાન” સાથે ટકરાશે

રજનીકાંતની જેલર ફિલ્મ, જે સ્થાનિક તેમજ આંતરરાષ્ટ્રીય બોક્સ ઓફિસ પર ઉત્તમ પ્રદર્શન કરી રહી છે, તે હવે OTT પ્લેટફોર્મ પર સ્ટ્રીમ કરવામાં આવશે. શનિવારે, OTT પ્લેટફોર્મ, એમેઝોન પ્રાઈમ વિડિયોએ એક નિવેદનમાં જાહેરાત કરી હતી કે રજનીકાંત દ્વારા અભિનીત અને નેલ્સન દિલીપકુમારની ક્રાઈમ ડ્રામા ફિલ્મ, 7 સપ્ટેમ્બરથી OTT પ્લેટફોર્મ પર સ્ટ્રીમ થશે. અહીં રસપ્રદ વાત એ […]

Last Updated : 03 September 2023, 12:49 PM IST

રજનીકાંતની જેલર ફિલ્મ, જે સ્થાનિક તેમજ આંતરરાષ્ટ્રીય બોક્સ ઓફિસ પર ઉત્તમ પ્રદર્શન કરી રહી છે, તે હવે OTT પ્લેટફોર્મ પર સ્ટ્રીમ કરવામાં આવશે. શનિવારે, OTT પ્લેટફોર્મ, એમેઝોન પ્રાઈમ વિડિયોએ એક નિવેદનમાં જાહેરાત કરી હતી કે રજનીકાંત દ્વારા અભિનીત અને નેલ્સન દિલીપકુમારની ક્રાઈમ ડ્રામા ફિલ્મ, 7 સપ્ટેમ્બરથી OTT પ્લેટફોર્મ પર સ્ટ્રીમ થશે. અહીં રસપ્રદ વાત એ છે કે, શાહરૂખ ખાનની ફિલ્મ ‘જવાન’ પણ તે જ દિવસે થિયેટરોમાં આવશે.

જેલર ફિલ્મ વિશેની માહિતી

સન પિક્ચર્સના બેનર હેઠળ કલાનિતિ મારન દ્વારા નિર્મિત જેલર ફિલ્મ નેલ્સન દ્વારા પણ લખવામાં આવી છે. જેલર ફિલ્મમાં રામ્યા ક્રિષ્નન, યોગી બાબુ, વિનાયકન, તમન્ના ભાટિયા અને માસ્ટર રિત્વિક સહિતના કલાકારો મુખ્ય ભૂમિકામાં છે. આ ફિલ્મમાં મોહનલાલ, શિવ રાજકુમાર અને જેકી શ્રોફના ખાસ કેમિયો પણ દર્શાવવામાં આવ્યા છે.

ચાહકો જેલર ફિલ્મને OTT પ્લેટફોર્મ પ્રાઈમ વિડિયો પર તમિલ, તેલુગુ, મલયાલમ, કન્નડ અને હિન્દીમાં જોઈ શકે છે. આ ફિલ્મ એક નિવૃત્ત જેલર ટાઈગર મુથુવેલ પાંડિયન (રજનીકાંત દ્વારા અભિનિત પાત્ર) વિશે છે, જે તેના પુત્રના હત્યારાઓને શોધવા મિશન પર નીકળે છે. જેમ જેમ તે તેના પુત્રની શોધમાં નજીક પહોંચે છે, તેમ તેમ તેના નિશ્ચયની કસોટી થાય છે, જે તેને એક જટિલ માર્ગે દોરી જાય છે.

નેલ્સને જેલર ફિલ્મ વિશે શું કહ્યું?

નેલ્સને કહ્યું કે, જેલર ફિલ્મ સાથે અમે એક મનોરંજક ફિલ્મ બનાવવા ઈચ્છતા હતા જે થલાઈવરને એક મહાન એક્શન રોલમાં પ્રદર્શિત કરે. પ્રેક્ષકોના આશ્ચર્યજનક પ્રેમ અને મીડિયાના પ્રશંશનીય શબ્દોથી અમે આભારી છીએ. જેલર મારા માટે અત્યંત ખાસ છે; મારી પાસે રજનીકાંત સર હતા તેમની હસ્તાક્ષરિત અભિનય શૈલીથી વાર્તાને સફળ બનાવવા માટે અને મારી પાસે ભારતીય ફિલ્મ ઉદ્યોગના સુપરસ્ટાર – મોહનલાલ સર, શિવ રાજકુમાર સર અને જેકી શ્રોફ સર હતા.આ સામૂહિક મનોરંજનમાં તેમનો જાદુઈ સ્પર્શ ઉમેરવા માટે હતા. અમે વિશ્વભરના પ્રેક્ષકો હવે આ એક્શન ડ્રામા, ગમે ત્યારે અને ગમે ત્યાં, તેમના ઘરે OTT પ્લેટફોર્મ દ્વારા જોઈ શકશે.

જેલર ફિલ્મનું સ્થાનિક બોક્સ ઓફિસ પર કલેક્શન

જેલર ફિલ્મને ભારતમાં બોક્સ ઓફિસ પર મોટી સફળતા મળી છે. એક અહેવાલ મુજબ, થિયેટરોમાં તેના પ્રથમ સપ્તાહ દરમિયાન, જેલર ફિલ્મે ₹ 235.85 કરોડની કમાણી કરી હતી, તેના બીજા સપ્તાહમાં તેણે ₹ 62.95 કરોડની કમાણી કરી હતી અને ત્રીજા સપ્તાહમાં ફિલ્મે ₹ 29.43 કરોડની કમાણી કરી હતી. પ્રારંભિક અંદાજ મુજબ, ફિલ્મે શુક્રવારે 23મા દિવસે ₹1.60 કરોડની કમાણી કરી હતી. ગયા મહિને થિયેટરોમાં રિલીઝ થઈ ત્યારથી, જેલર ફિલ્મે ભારતમાં ₹ 329.83 કરોડ એકત્ર કર્યા છે.

Tags :