રાજકુમાર સંતોષીએ ફિલ્મ રિલીઝ અંગે કબુલી પોતાની ભૂલ

ફિલ્મ નિર્માતા રાજકુમાર સંતોષીની ફિલ્મ ગાંધી ગોડસેઃ એક યુદ્ધ તાજેતરમાં રિલીઝ થઈ હતી. બોક્સ ઓફિસ પર શાહરૂખ ખાનની ‘પઠાણ’ સાથે ટક્કર થતાં આ ફિલ્મ ખરાબ રીતે ફ્લોપ થઈ હતી. હવે રાજકુમાર સંતોષીએ પોતાની ફિલ્મ ‘ગાંધી ગોડસેઃ એક યુદ્ધ’ની રિલીઝને લઈને પ્રતિક્રિયા આપી છે. આ સાથે રાજકુમાર સંતોષીએ તેની આગામી ફિલ્મ બેડ બોય વિશે પણ વાત […]

Last Updated : 14 July 2023, 05:44 AM IST

ફિલ્મ નિર્માતા રાજકુમાર સંતોષીની ફિલ્મ ગાંધી ગોડસેઃ એક યુદ્ધ તાજેતરમાં રિલીઝ થઈ હતી. બોક્સ ઓફિસ પર શાહરૂખ ખાનની ‘પઠાણ’ સાથે ટક્કર થતાં આ ફિલ્મ ખરાબ રીતે ફ્લોપ થઈ હતી. હવે રાજકુમાર સંતોષીએ પોતાની ફિલ્મ ‘ગાંધી ગોડસેઃ એક યુદ્ધ’ની રિલીઝને લઈને પ્રતિક્રિયા આપી છે. આ સાથે રાજકુમાર સંતોષીએ તેની આગામી ફિલ્મ બેડ બોય વિશે પણ વાત કરી હતી.

એક ઈન્ટરવ્યુ દરમિયાન રાજકુમાર સંતોષીને ‘ગાંધી ગોડસે એક યુદ્ધ’ની ‘પઠાણ’ સાથેની ટક્કર વિશે પૂછવામાં આવ્યું હતું, જેના જવાબમાં તેમણે કહ્યું, ‘હા ગાંધી ગોડસેને રિલીઝ કરવી અને પઠાણ ફિલ્મ સાથે ટક્કર થવી એ એક મોટી ભૂલ હતી.’ ઘણા લોકો માને છે કે એક પીઢ ફિલ્મ નિર્માતાએ આ નિર્ણય બધી હકીકતને ધ્યાનમાં રાખીને લેવો જોઈએ, પરંતુ ‘ગાંધી ગોડસે’ જ્યારે ‘પઠાણ’ની સાથે રિલીઝ થઈ ત્યારે તે ખરાબ રીતે ફ્લોપ થઈ.

1947-48માં આઝાદી પછીની ભારતની પૃષ્ઠભૂમિ પર આધારિત, ‘ગાંધી ગોડસે – એક યુદ્ધ’ નાથુરામ ગોડસે અને મહાત્મા ગાંધી વચ્ચેની વિચારધારાઓના સંઘર્ષને પ્રકાશિત કરે છે. જ્યારે તે 26 જાન્યુઆરીએ રિલીઝ થઈ હતી, ત્યારે સિદ્ધાર્થ આનંદ દ્વારા નિર્દેશિત ‘પઠાણ’ એક દિવસ પહેલા જ મોટા પડદા પર આવી હતી. શાહરૂખ ખાન, દીપિકા પાદુકોણ, જ્હોન અબ્રાહમ, ડિમ્પલ કાપડિયા અને આશુતોષ રાણાની મુખ્ય ભૂમિકામાં અભિનિત, એક્શન એન્ટરટેઇનરે ઘણા બોક્સ ઓફિસ રેકોર્ડ તોડ્યા. જ્યાં સુધી બેડ બોયની રિલીઝ ડેટની વાત છે, તે નિર્માતા સાજિદ કુરેશી દ્વારા નક્કી કરવામાં આવી છે અને તે એક સારી રિલીઝ ડેટ છે.

મિથુન ચક્રવર્તીનો પુત્ર નમાશી ચક્રવર્તી ફિલ્મ બેડ બોયમાં જોવા મળશે. રાજકુમાર સંતોષીએ કહ્યું, ‘સાજિદ ભાઈએ મને કહ્યું કે મિથુન ચક્રવર્તીના પુત્ર નમાશીને કામ કરવામાં ખૂબ જ રસ છે. એ સમયે મેં સ્પષ્ટ કહ્યું હતું કે હું તેનું ઓડિશન લઈશ અને જરૂર પડશે તો તેની સાથે એક સીન પણ શૂટ કરીશ. જો તે યોગ્ય લાગશે તો અમે તેના પર વિચાર કરીશું. આ જ રીતે કોઈએ મને અમરીન વિશે કહ્યું અને મેં તેના માટે પણ ઓડિશન લીધું હતું. મહત્વનું છે કે, નમાશી ‘મિથુન દા’નો પુત્ર છે જ્યારે અમરીન નિર્માતાની પુત્રી છે. જેમણે સેટ પર ખુબ જ સારી અને શિસ્તબદ્ઘ રીતે કામ કર્યું હતું.

જણાવી દઈએ કે ‘બેડ બોય’ 28 એપ્રિલ, 2023ના રોજ સિનેમાઘરોમાં રીલિઝ થશે. જેમા નમાશી અને અમરીન એક રોમેન્ટિક ફિલ્મથી બોલિવૂડમાં ડેબ્યૂ કરી રહ્યા છે. આ બંને ઉપરાંત રાજપાલ યાદવ અને જોની લીવર જેવા સ્ટાર્સ પણ આ ફિલ્મમાં જોવા મળશે.

Tags :