રાખી સાવંતે બિગ બોસ OTT 2માં એલ્વિશ યાદવની જીત બાદ આપી આ પ્રતિક્રિયા

બિગ બોસની વિવિધ સીઝનનો જાણીતો ચહેરો રાખી સાવંતે તાજેતરમાં બિગ બોસ OTT 2 ના વિજેતા એલ્વિશ યાદવ વિશે તેના વિચારો શેર કર્યા હતા. તેના નિખાલસ નિવેદનો માટે જાણીતી, રાખી સાવંતે જણાવ્યું હતું કે શા માટે તેણે એલ્વિશ યાદવને શરૂઆતમાં સમર્થન ન આપ્યું. આ ઉપરાંત, તેણે જણાવ્યું કે શોના સુધારેલા ફોર્મેટ, અને બિગ બોસ OTTને હિટ […]

Last Updated : 20 August 2023, 09:36 AM IST

બિગ બોસની વિવિધ સીઝનનો જાણીતો ચહેરો રાખી સાવંતે તાજેતરમાં બિગ બોસ OTT 2 ના વિજેતા એલ્વિશ યાદવ વિશે તેના વિચારો શેર કર્યા હતા. તેના નિખાલસ નિવેદનો માટે જાણીતી, રાખી સાવંતે જણાવ્યું હતું કે શા માટે તેણે એલ્વિશ યાદવને શરૂઆતમાં સમર્થન ન આપ્યું. આ ઉપરાંત, તેણે જણાવ્યું કે શોના સુધારેલા ફોર્મેટ, અને બિગ બોસ OTTને હિટ બનાવવામાં પણ તેણે મહત્વની ભૂમિકા ભજવી છે.

બિગ બોસના સુધારેલા ફોર્મેટ પર રાખી સાવંતની પ્રતિક્રિયા

રાખી સાવંતે કહ્યું કે, “બિગ બોસનો રેકોર્ડ છે કે કોઈ વાઈલ્ડકાર્ડ જીત્યું નથી. હું બિગ બોસમાં ઘણી વખત ગઈ છું. લોકો મને હંમેશા કહેતા કે વાઈલ્ડકાર્ડ જીતતા નથી. મને આશા ન હતી કે એલ્વિશ યાદવ જીતશે. જ્યારે એમસી સ્ટેન જીત્યો ત્યારે મને ખૂબ સારું લાગ્યું કારણ કે તે ‘સામાન્ય માણસ’ હોવાથી જીત્યો. બિગ બોસનું હાલનું ફોર્મેટ ઘણું સુધરી ગયું છે. ચેનલ પર સિરિયલો કરતી અભિનેત્રીઓ હવે જીતતી નથી અને સામાન્ય માણસ જીતે છે. હવે કોઈ પણ બિગ બોસમાં ભાગ લઈ શકે છે અને શો કોણ જીતશે તે અમે અનુમાન કરી શકતા નથી. મને લાગ્યું કે મનીષા રાણા કે પૂજા ભટ્ટ શો જીતશે.”

રાખી સાવંતે કહ્યું કે હું વિશ્વાસ કરી નથી શકતી કે એલ્વિશ યાદવને આટલા બધા વોટ મળ્યા છે. હું એલ્વિશ યાદવનું સમર્થન કરતી ન હતી કારણ કે તેણે તેના ઘણા વીડિયોમાં મને રોસ્ટ કરી છે. પરંતુ હું તેના માટે ખૂબ જ ખુશ છું. તેની જીત પર તેને અભિનંદન.

રાખી સાવંતે ખુશી વ્યક્ત કરી

રાખી સાવંતે કહ્યું, “મેં ગયા વર્ષે એક સ્પાઈડર વુમન બનીને બિગ બોસ OTT લોન્ચ કર્યું હતું. મને ખુશી છે કે OTT પ્લેટફોર્મ હવે કામ કરી રહ્યું છે. આનો શ્રેય મને જાય છે. જેને પણ હું સ્પર્શ કરું છું તે સોનામાં ફેરવાઈ જાય છે. તે ભગવાન તરફથી મળેલી ભેટ છે એ અલગ વાત છે કે મારી લાઈફમાં સોનુ નથી. જે પણ શો હું કરું છું, તે હિટ થઈ જાય છે.”

રાખી સાંવતે વધુમાં જણાવ્યું, “દુઃખની વાત એ છે કે જે કોઈ બિગ બોસ જીતે છે, તેની કારકિર્દી નિષ્ફળ જાય છે. જે બિગ બોસ જીતતા નથી, તેઓ જીવનમાં આગળ વધે છે અને જે હારે છે તે બાઝીગર છે. જે જીતે છે તે એકવાર પૈસા લે છે અને પછી ફરી ક્યારેય જોવામાં આવતો નથી.”

તેણે કહ્યું, “હું એલ્વિશ માટે ખુશ છું. તેણે મને ઘણું દુઃખ પહોંચાડયું છે પણ મેં તેને માફ કર્યો છે. હું તેને અભિનંદન આપું છું.”

Tags :