Raveena Tandon: દીકરી રાશા સાથે ઋષિકેશના પરમાર્થ નિકેતન ઘાટ પર કરી ગંગા આરતી

Raveena Tandon: બોલિવુડ અભિનેત્રી રવીના ટંડન (Raveena Tandon) ગુરૂવારે વહેલી સવારે ઋષિકેશમાં ગંગા આરતી કરતી જોવા મળી હતી. રવીના ટંડનનો ઋષિકેશના પરમાર્થ નિકેતન ઘાટ પર પૂજારીઓ સાથે મળીને આરતી કરતો વીડિયો સોશિયલ મીડિયામાં ખૂબ જ વાયરલ થઈ રહ્યો છે. આ ખાસ પ્રસંગે તે મરૂન રંગના ચમકદાર ડ્રેસ અને શાલમાં જોવા મળી હતી. ઉપરાંત તેણે માથા […]

Last Updated : 10 November 2023, 12:18 PM IST

Raveena Tandon: બોલિવુડ અભિનેત્રી રવીના ટંડન (Raveena Tandon) ગુરૂવારે વહેલી સવારે ઋષિકેશમાં ગંગા આરતી કરતી જોવા મળી હતી. રવીના ટંડનનો ઋષિકેશના પરમાર્થ નિકેતન ઘાટ પર પૂજારીઓ સાથે મળીને આરતી કરતો વીડિયો સોશિયલ મીડિયામાં ખૂબ જ વાયરલ થઈ રહ્યો છે. આ ખાસ પ્રસંગે તે મરૂન રંગના ચમકદાર ડ્રેસ અને શાલમાં જોવા મળી હતી. ઉપરાંત તેણે માથા પર તિલક પણ લગાવ્યું હતું.

વેકેશન પર છે Raveena Tandon

લોકપ્રિય અભિનેત્રી રવીના હાલ પોતાની દીકરી રાશા સાથે વેકેશન પર છે અને તેણે તાજેતરમાં જ કેદારનાથના દર્શન કર્યા હતા. ત્યાંથી તે ઋષિકેશ પહોંચી હતી અને ગંગા આરતીનો લાભ લીધો હતો. સોશિયલ મીડિયામાં વાયરલ વીડિયોમાં તે ઋષિકેશના પરમાર્થ નિકેતન ઘાટ પર પૂજારીઓ સાથે ગંગા આરતી કરતી જોવા મળે છે. એટલું જ નહીં, અભિનેત્રી ગંગા ઘાટ પર ભક્તિમાં સંપૂર્ણપણે લીન જોવા મળી હતી. ગંગા ઘાટ પર રવીના ટંડનની દીકરી રાશા કાળા રંગના ડ્રેસ સાથે પિંક જેકેટમાં જોવા મળી હતી.

વધુ વાંચો: Ankita Lokhande બિગ બોસ 17માં સુશાંત સિંહ રાજપૂત વિશે વાત કરતા ભાવુક થઈ

રવીનાએ કર્યા કેદારનાથના દર્શન

આ પહેલા રવીના ટંડન (Raveena Tandon) બુધવારે સવારે કેદારનાથ પહોંચી હતી. મંદિરમાં રવીનાએ રૂદ્રાભિષેક પૂજા પણ કરી હતી. મંદિરમાંથી બહાર નીકળતાં જ ત્યાં રહેલા લોકોએ રવીનાને ઘેરી લીધી હતી અને તેના સાથે સેલ્ફી લીધી હતી. KGF-2ની અભિનેત્રી રવીના ટંડને (Raveena Tandon) દિવાળી પહેલા ધાર્મિક યાત્રા દ્વારા સૌને ચોંકાવી દીધા છે. અભિનેત્રીએ 26મી ઓક્ટોબરના રોજ પોતાનો જન્મ દિવસ ઉજવ્યો હતો અને તેના થોડા દિવસો બાદ તે ઉત્તરાખંડ પહોંચી હતી.

રવીનાએ શ્રી બદ્રીનાથ-કેદારનાથ મંદિર સમિતિની વ્યવસ્થાઓની પણ પ્રશંસા કરી હતી. આ સાથે જ તેણે કેદારનાથ ધામની સુંદરતાના પણ વખાણ કર્યા હતા. એક અહેવાલ પ્રમાણે રવીનાએ પોતાની યાત્રાના પ્લાનમાં થોડા ફેરફાર કર્યા છે. અગાઉ તે ભગવાન બદ્રીવિશાલની વેદપાઠ પૂજા બાદ બુધવારે સવારે જ મુંબઈ માટે રવાના થવાની હતી.

વધુ વાંચો: Shikhar Pahariyaએ જાન્હવી કપૂર સાથેના સંબંધોની પુષ્ટિ કરી! જાણો તમામ વિગતો

વર્ક ફ્રન્ટ

વર્ક ફ્રન્ટની વાત કરીએ તો રવીના ટૂંક સમયમાં જ રોમેન્ટિક કોમેડી ફિલ્મ ઘુડચઢીમાં સંજય દત્ત સાથે જોવા મળશે. ઉપરાંત તે અક્ષય કુમારની ફિલ્મ વેલકમ ટુ ધ જંગલમાં પણ જોવા મળશે. આ ફિલ્મ દ્વારા તે ઘણાં વર્ષો બાદ અક્ષય કુમાર સાથે સ્ક્રીન પર જોવા મળશે. બીજી તરફ તેની દીકરી રાશા ફિલ્મમેકર અભિષેક કપૂરની આગામી ફિલ્મ દ્વારા અમન દેવગન સાથે બોલિવુડમાં ડેબ્યુ કરશે. આ ફિલ્મ 9 ફેબ્રુઆરી, 2024ના રોજ રીલિઝ થવાની છે. આ પહેલા રવીના ટંડન મનીષ મલ્હોત્રાની દિવાળી પાર્ટીમાં પણ જોવા મળી હતી.

Tags :