Salaar Collection Day 1: પ્રભાસની 'સલાર' એ ઓપનિંગ ડે પર રચ્યો ઈતિહાસ

KGF2 પછી પ્રશાંત નીલે વધુ એક મોટો ધમાકો કર્યો છે. પ્રભાસ સાથેની તેની ફિલ્મ 'સાલાર'એ ઓપનિંગ ડે પર સૌથી વધુ કમાણીનો નવો રેકોર્ડ બનાવ્યો છે.

Last Updated : 23 December 2023, 02:44 PM IST

હાઈલાઇટ્સ

'સાલાર'ને 2023ની સૌથી મોટી ઓપનિંગ મળી, પહેલા જ દિવસે તમામ રેકોર્ડ તૂટ્યા
શાહરુખ ખાનની 'ડંકી' 'સાલાર' સમક્ષ ઘૂંટણિયે, વીકેન્ડમાં પણ લાગી શકે છે ઝટકો

પ્રભાસની 'સાલારે' ઓપનિંગ ડે પર ઈતિહાસ રચી દીધો છે. શુક્રવાર, 22 ડિસેમ્બરે સુનામીની જેમ રિલીઝ થયેલી આ ફિલ્મે બોક્સ ઓફિસના તમામ રેકોર્ડ તોડી નાખ્યા છે. પ્રશાંત નીલ દ્વારા નિર્દેશિત 'સાલાર' વર્ષ 2023ની સૌથી મોટી ઓપનિંગ ફિલ્મ બની ગઈ છે. આટલું જ નહીં, તે દેશમાં અત્યાર સુધીના ટોપ-10 સૌથી મજબૂત ઓપનિંગની યાદીમાં ચોથા સ્થાને પણ આવી ગઈ છે. આ લિસ્ટમાં 10માંથી 4 ફિલ્મો પ્રભાસની છે. વર્ષ 2023માં અત્યાર સુધીની સૌથી મોટી ઓપનિંગનો રેકોર્ડ શાહરૂખ ખાનની 'જવાન'ના નામે હતો, જે હવે તૂટી ગયો છે. આટલું જ નહીં, છેલ્લા બે અઠવાડિયાથી સતત ચર્ચામાં રહેલી 'ડંકી' વર્સેસ 'સાલાર'માં શાહરૂખની 'ડંકી' પ્રભાસની 'સાલાર' સામે ઘૂંટણિયે પડી છે.

KGF 2 પછી, પ્રશાંત નીલે ફરી એકવાર સાબિત કરી દીધું છે કે સ્ક્રીન પર એક્શન અને હિંસા બતાવવામાં તેની કોઈ સમાનતા નથી. અત્યાર સુધી 'એનિમલ'માં થતી હત્યા અને વિનાશ જોઈને બધા ચોંકી ગયા હતા. જો કે, રસપ્રદ વાત એ છે કે બમણી ખતરનાક 'સાલાર'ને જોરદાર તાળીઓ મળી રહી છે. 'સાલારે' એડવાન્સ બુકિંગમાં જ સ્પષ્ટ કરી દીધું હતું કે રાજકુમાર હિરાણીના નિર્દેશનમાં બનેલી 'ડંકી' તેની સામે ટકી શકશે નહીં. 'ડંકી'ની રિલીઝ પહેલા 15.41 કરોડ રૂપિયાનું એડવાન્સ બુકિંગ હતું, ઓછા શો હોવા છતાં, 'સાલાર'નું એડવાન્સ બુકિંગ રૂ. 48.94 કરોડ હતું. જોકે, બાદમાં ફિલ્મની ડિમાન્ડ જોતા હવે 'સાલાર'ના શો અને સ્ક્રીન કાઉન્ટમાં વધારો થયો છે.

ઓપનિંગ ડે પર રેકોર્ડ 95 કરોડ રૂપિયાની કમાણી
sacnilkના અહેવાલ મુજબ, 'સાલાર'એ ઓપનિંગ ડે પર દેશમાં 95.00 કરોડ રૂપિયાનું નેટ કલેક્શન કર્યું છે. આ પ્રારંભિક આંકડા છે. 'સાલાર' હવે દેશભરમાં 6000થી વધુ સ્ક્રીન પર બતાવવામાં આવી રહી છે. શુક્રવાર બાદ હવે 'સાલાર' શનિવારે પણ બમ્પર કમાણી કરવા જઈ રહી છે. બીજા દિવસે 19 કરોડ રૂપિયાનું એડવાન્સ બુકિંગ થઈ ચૂક્યું છે. એટલે કે કમાણીનું તોફાન હમણાં જ શરૂ થયું છે.

સવારથી રાત સુધી હાઉસફુલ રહ્યા હતા શો
પ્રભાસ અને પ્રશાંત નીલના ચાહકો આ ફિલ્મને લઈને ક્રેઝી થઈ રહ્યા છે. તેનો અંદાજ એ વાત પરથી લગાવી શકાય છે કે શુક્રવારે સવારના શોમાં પણ દર્શકો 100માંથી 88 સીટો પર જોવા મળ્યા હતા. જ્યારે નાઈટ શોમાં દર્શકોની સંખ્યા વધીને 93% થઈ ગઈ છે. 'સલાર'નું બજેટ 270 કરોડ રૂપિયા છે.

Tags :