સુશાંત સિંહ રાજપૂતના કેસમાં રિયા ચક્રવર્તીના સમર્થનમાં આવી સામંથા રૂથ પ્રભુ, રિયાને ગણાવી રિયલ હીરો

બોલિવુડના અભિનેતા સુશાંત સિંહ રાજપૂતના મોત બાદ અભિનેત્રી રિયા ચક્રવર્તીએ મીડિયા ટ્રાયલનો સામનો કરવો પડ્યો હતો. રિયા ચક્રવર્તી પર સુશાંત સિંહ રાજપૂતને આત્મહત્યા કરવા માટે ઉશ્કેરવાથી લઈને તેને ડ્રગ્સ આપવા અને તેના પર બ્લેક મેજિક કરવા સહિતના અનેક ગંભીર આરોપો લાગ્યા હતા. આ માટે રિયા ચક્રવર્તીએ જેલમાં પણ રહેવું પડ્યું હતું અને તે ઘણો સમય […]

Last Updated : 09 October 2023, 01:17 PM IST

બોલિવુડના અભિનેતા સુશાંત સિંહ રાજપૂતના મોત બાદ અભિનેત્રી રિયા ચક્રવર્તીએ મીડિયા ટ્રાયલનો સામનો કરવો પડ્યો હતો. રિયા ચક્રવર્તી પર સુશાંત સિંહ રાજપૂતને આત્મહત્યા કરવા માટે ઉશ્કેરવાથી લઈને તેને ડ્રગ્સ આપવા અને તેના પર બ્લેક મેજિક કરવા સહિતના અનેક ગંભીર આરોપો લાગ્યા હતા.

આ માટે રિયા ચક્રવર્તીએ જેલમાં પણ રહેવું પડ્યું હતું અને તે ઘણો સમય મીડિયા અને કરિયરથી દૂર રહી હતી. જોકે તે ફરી બેઠી થઈ તે સાથે જ તેને અનેક લોકોનો સાથ મળી રહ્યો છે જેમાં દક્ષિણની અભિનેત્રી સામંથા રૂથ પ્રભુનું નામ પણ ઉમેરાયું છે. સુશાંત સિંહ રાજપૂતના મોત બાદ રિયા ચક્રવર્તીએ ઘણું સહન કરવું પડ્યું હતું અને તેને સુશાંત સિંહ રાજપૂતના મોત માટે જવાબદાર માનવામાં આવી હતી.

જોકે હવે રિયા ચક્રવર્તી પોતાની જિંદગીની નવી શરૂઆત કરવામાં વ્યસ્ત છે અને તે એમટીવી રોડીઝમાં મેન્ટોર તરીકે જોવા મળી રહી છે. તાજેતરમાં એક ઈવેન્ટ દરમિયાન રિયા ચક્રવર્તીએ સુશાંત સિંહ રાજપૂતના કેસ વિશે પણ ખુલીને વાત કરી હતી. રિયા ચક્રવર્તીએ પોતાના ઈન્સ્ટાગ્રામ પર પણ તે ઈવેન્ટનો વીડિયો શેર કર્યો હતો જે ઘણો વાયરલ થયો હતો.

સામંથા રૂથ પ્રભુએ રિયા ચક્રવર્તીના સમર્થનમાં પોસ્ટ કરી

ત્યારે હવે દક્ષિણની અભિનેત્રી સામંથા રૂથ પ્રભુએ રિયા ચક્રવર્તીના સમર્થનમાં પોસ્ટ કરી છે. સામંથા રૂથ પ્રભુએ રિયા ચક્રવર્તીના વીડિયોને પોતાની ઈન્સ્ટાગ્રામ સ્ટોરી પર શેર કરીને ‘હીરો’ એવું કેપ્શન આપ્યું હતું અને સાથે જ રેડ હાર્ટ ઈમોજી પણ શેર કર્યું હતું.

રિયા ચક્રવર્તીએ પરિવારનો આભાર માન્યો

કાર્યક્રમ દરમિયાન રિયા ચક્રવર્તીએ સુશાંત સિંહ રાજપૂતના મોત બાદ પોતાના પરિવારના સદસ્યો મજબૂતીથી જોડે ઉભા રહ્યા હોવાનું જણાવ્યું હતું. તેણે સમગ્ર શ્રેય પોતાના પરિવારને આપવાની સાથે જ માતા, પિતા, ભાઈ અને દોસ્ત નિધિ હંમેશા જોડે ઉભા રહ્યા હોવાનું જણાવી અન્ય કેટલીક મિત્રોના નામ પણ લીધા હતા.

રિયા ચક્રવર્તીએ તે કાર્યક્રમનો વીડિયો શેર કરીને ‘ફોજીની દીકરી’ એવું કેપ્શન આપ્યું હતું. અભિનેત્રી સામંથા રૂથ પ્રભુએ તે વીડિયોને જ શેર કરીને રિયા ચક્રવર્તીને સમર્થન આપ્યું હતું. રિયા ચક્રવર્તીએ જણાવ્યું હતું કે, સુશાંત સિંહ રાજપૂતના કેસ વખતે તેના પક્ષે ખૂબ ઓછા લોકો હતા અને તેઓ સૌ મળીને અબજો લોકોનો સામનો કરી રહ્યા હતા.

રિયા ચક્રવર્તીના કહેવા પ્રમાણે આપણને સૌને એવા 3-4 લોકોની જ જરૂર હોય છે જે આપણાં પર વિશ્વાસ મુકે છે અને આપણને પ્રેમ કરે છે. નોંધનીય છે કે, રિયા ચક્રવર્તી અને સુશાંત સિંહ રાજપૂત રિલેશનશિપમાં હતા. 14 જૂન, 2020ના રોજ સુશાંત સિંહ રાજપૂત તેના બાંદ્રા ખાતેના ફ્લેટમાં મૃત મળી આવ્યો હતો.

Tags :