શાહરૂખ ખાને AskSRKના સેશનમાં વિરાટ કોહલીને જમાઈ ગણાવ્યો, ટ્વિટ થયું વાયરલ

બોલિવૂડ સુપરસ્ટાર શાહરૂખ ખાન X (અગાઉ ટ્વિટર) પર “AskSRK” સેશનનું સંચાલન કરી રહ્યો હતો જ્યાં તે તેના ફોલોઅર્સ દ્વારા પોસ્ટ કરવામાં આવેલા પ્રશ્નોના જવાબ આપે છે અને વિરાટ કોહલી પર શાહરૂખ ખાનના ટ્વિટ એ લોકોના દિલ જીતી લીધા હતા. વિરાટ કોહલી વિશે જ્યારે ટ્વિટ કરવાનું કહેવામાં આવ્યું ત્યારે શાહરૂખ ખાને કહ્યું કે તે તેના સારા […]

Last Updated : 29 September 2023, 09:31 AM IST

બોલિવૂડ સુપરસ્ટાર શાહરૂખ ખાન X (અગાઉ ટ્વિટર) પર “AskSRK” સેશનનું સંચાલન કરી રહ્યો હતો જ્યાં તે તેના ફોલોઅર્સ દ્વારા પોસ્ટ કરવામાં આવેલા પ્રશ્નોના જવાબ આપે છે અને વિરાટ કોહલી પર શાહરૂખ ખાનના ટ્વિટ એ લોકોના દિલ જીતી લીધા હતા. વિરાટ કોહલી વિશે જ્યારે ટ્વિટ કરવાનું કહેવામાં આવ્યું ત્યારે શાહરૂખ ખાને કહ્યું કે તે તેના સારા સ્વાસ્થ્યની કામના કરે છે અને ભારતીય ક્રિકેટ ટીમના સ્ટારને જમાઈ ગણાવ્યો હતો.

એક ચાહકે શાહરુખ ખાનને પૂછ્યું, “તમે વિરાટ કોહલી વિશે જવાન સ્ટાઈલમાં કંઈક કહો.” આના જવાબમાં શાહરૂખ ખાને ટ્વિટમાં લખ્યું, “હું વિરાટને પ્રેમ કરું છું. એ ખૂબ નિકટની વ્યક્તિઓ પૈકી એક છે. હું તેના માટે હંમેશાં દુઆ કરું છું. ભાઈ જમાઈ જેવો છે અમારો!”

હાલ શાહરુખ ખાન જવાનની સફળતા ઉજવી રહ્યો છે

શાહરૂખ ખાન આ દિવસોમાં ફિલ્મ ‘જવાન’ની સફળતાનો આનંદ માણી રહ્યો છે. શાહરૂખ ખાને વિરાટ કોહલીની પત્ની અને અભિનેત્રી અનુષ્કા શર્મા સાથે ઘણું કામ કર્યું છે અને બંને ઈન્ડિયન પ્રીમિયર લીગ દરમિયાન એકબીજાને ઘણી વખત મળતા જોવા મળ્યા હતા.

આ વર્ષે 25 જાન્યુઆરીના રોજ શાહરૂખ ખાનની ફિલ્મ પઠાન રિલીઝ થઈ હતી. રિલીઝના થોડા સમય બાદ જ્યારે આઈપીએલ ટુર્નામેન્ટ શરૂ થઈ હતી, ત્યારે શાહરુખ ખાનને અનુસરીને વિરાટ કોહલી મેદાનમાં ‘ઝૂમે જો પઠાન’ ગીત પર ડાન્સ કરતો જોવા મળ્યો હતો. વિરાટ કોહલી આઈપીએલની રોયલ ચેલેન્જર્સ બૅંગલુરુ ટીમથી છે અને શાહરુખ ખાન કોલકાતા નાઈટ રાઈડર્સ ટીમના માલિક છે.

અનુષ્કા શર્માએ શાહરુખ ખાન સાથે વર્ષ 2008માં ફિલ્મ ‘રબ ને બના દી જોડી’થી પોતાની ફિલ્મી કારકિર્દીની શરૂઆત કરી હતી. આ ઉપરાંત, શાહરુખ ખાન અને અનુષ્કા શર્માએ જબ તક હૈ જાન, જબ હેરી મૅટ સેજલ અને ઝીરો ફિલ્મમાં કામ કર્યું છે.

શાહરૂખ ખાનની ફિલ્મ જવાન અઠવાડિયાની શરૂઆતમાં ફિલ્મ રીલિઝ થયાના 13 દિવસ બાદ વિશ્વભરમાં 900 કરોડની ક્લબમાં સામેલ થઈ હતી. જોકે હાલ ફિલ્મે કુલ 1030 કરોડ રૂપિયાનો આંકડો પાર કરી દીધો છે. રેડ ચિલીઝ એન્ટરટેઈનમેન્ટે બુધવારના રોજ ફિલ્મ જવાન દ્વારા વિશ્વભરના બોક્સ ઓફિસથી 907.54 કરોડ રૂપિયાની કમાણી થઈ હોવાનું જાહેર કર્યું હતું. જવાન ફિલ્મે રીલિઝ થયાના માત્ર 11 જ દિવસમાં વિશ્વભરમાંથી 800 કરોડની કમાણી કરી લીધી હતી.

ભારતમાં જવાનનું બોક્સ ઓફિસ કલેક્શન

ગુરૂવારે ફિલ્મ રીલિઝ થયાના 15મા દિવસે જવાનની તમામ ભાષાઓની નેટ ઈન્કમ 8.1 કરોડ રૂપિયા હતી. જવાન ફિલ્મે રીલિઝ થયાના એક જ સપ્તાહમાં 389.88 કરોડ રૂપિયાની કમાણી કરી હતી. જ્યારે બીજા સપ્તાહ દરમિયાન જવાન ફિલ્મે 136.1 કરોડ રૂપિયાની કમાણી કરી હતી. જવાન ફિલ્મે ભારતમાંથી અત્યાર સુધીમાં 525.98 કરોડથી પણ વધારે રૂપિયાની કમાણી કરી છે.

Tags :