ગણેશ ચતુર્થી પર 500 કરોડને પાર પહોંચી શાહરૂખ ખાનની ફિલ્મ જવાન, તોડ્યો KGF 2નો રેકોર્ડ

શાહરૂખ ખાનને ડબલ રોલમાં ચમકાવતી અને નયનતારા, વિજય સેતુપતિ અભિનીત ફિલ્મ જવાન બોક્સ ઓફિસ પર જોરદાર પ્રદર્શન કરી રહી છે. શાહરૂખ ખાનની ફિલ્મ જવાનને દર્શકોનો ખૂબ સારો પ્રતિસાદ મળી રહ્યો છે. દમદાર ઓપનિંગ સાથે જવાન ફિલ્મે બોલિવુડની અનેક ફિલ્મોના રેકોર્ડ બ્રેક કર્યા છે. ફિલ્મ જવાને તમામ ભાષાઓના ડોમેસ્ટિક બોક્સ ઓફિસ પર 500 કરોડનો આંકડો પાર […]

Last Updated : 20 September 2023, 10:24 AM IST

શાહરૂખ ખાનને ડબલ રોલમાં ચમકાવતી અને નયનતારા, વિજય સેતુપતિ અભિનીત ફિલ્મ જવાન બોક્સ ઓફિસ પર જોરદાર પ્રદર્શન કરી રહી છે. શાહરૂખ ખાનની ફિલ્મ જવાનને દર્શકોનો ખૂબ સારો પ્રતિસાદ મળી રહ્યો છે. દમદાર ઓપનિંગ સાથે જવાન ફિલ્મે બોલિવુડની અનેક ફિલ્મોના રેકોર્ડ બ્રેક કર્યા છે. ફિલ્મ જવાને તમામ ભાષાઓના ડોમેસ્ટિક બોક્સ ઓફિસ પર 500 કરોડનો આંકડો પાર કરી લીધો છે. જોકો વર્લ્ડ વાઈડ આ આંકડો 907.54 કરોડનો થયો છે.

7 સપ્ટેમ્બરે રિલીઝ થઈ હતી જવાન

શાહરૂખ ખાનની ફિલ્મ જવાન 7મી સપ્ટેમ્બરના રોજ રીલિઝ થઈ હતી. ફિલ્મ રીલિઝ થયાના 13મા દિવસે તેણે 14 કરોડ રૂપિયાનું કલેક્શન મેળવ્યું હતું. ભારતમાં ફિલ્મ જવાનની અત્યાર સુધીની કમાણીનો આંકડો 507.88 કરોડને પાર કરી ચુક્યો છે. આ આંકડો KGF 2ના હિન્દી વર્ઝનની કુલ કમાણી કરતા પણ વધારે છે.

ફિલ્મ જવાન 7મી સપ્ટેમ્બરે જન્માષ્ટમીના રોજ રીલિઝ થઈ હતી અને ગણેશ ચતુર્થીના રોજ આ ફિલ્મે વધુ એક ઈતિહાસ રચ્યો હતો અને તે સૌથી ઝડપથી 500 કરોડની ક્લબમાં સામેલ થનારી ફિલ્મ બની હતી. ફિલ્મ જવાનની ભારતમાં પ્રથમ દિવસની કમાણી 75 કરોડ રૂપિયા હતી જ્યારે રીલિઝ બાદના પહેલા રવિવારે તેણે એક દિવસનું સૌથી મોટું કહી શકાય તેવું 80 કરોડ રૂપિયાનું કલેક્શન મેળવ્યું હતું.

1 અઠવાડિયાંની અંદર જવાન ફિલ્મે 389 કરોડની કમાણી કરી

જવાન ફિલ્મ રીલિઝ થયાના એક સપ્તાહમાં જ તેણે 389 કરોડ રૂપિયાની કમાણી કરી લીધી હતી અને બોક્સ ઓફિસ પર બીજું સપ્તાહ પૂર્ણ થતા પહેલા જ ફિલ્મ 500 કરોડનો આંકડો પાર કરી ગઈ છે. શાહરૂખ ખાનની ફિલ્મ જવાન વર્ષ 2023ની સૌથી મોટી હિટ સાબિત થવાની તૈયારીમાં છે.

જવાન ફિલ્મ કુલ 300 કરોડ રૂપિયાના બજેટમાં બની છે પણ માત્ર 10 જ દિવસમાં ફિલ્મે વિશ્વભરમાંથી 800 કરોડથી વધારેનો બિઝનેસ કરી લીધો હતો. ભારતમાં ફિલ્મ જવાનની પહેલા દિવસની કમાણી 75 કરોડની હતી જેમાંથી 65 કરોડનો બિઝનેસ માત્ર હિન્દી બેલ્ટમાંથી થયો હતો. જ્યારે બાકીના 5.5 કરોડ તમિલ અને 4 કરોડ તેલુગુ બેલ્ટમાંથી મળ્યા હતા.

બાહુબલી 2ને ટક્કર આપવાની તૈયારી

જવાન ફિલ્મ સૌથી વધારે કમાણી કરનારી ફિલ્મોની યાદીમાં ટોપ પર પહોંચવા માટે રેસમાં છે. શાહરૂખ ખાનની જવાન ફિલ્મે KGF 2ને માત આપી દીધી છે અને હવે તે ગદર 2, પઠાણ અને બાહુબલી 2નો રેકોર્ડ તોડવાની તૈયારીમાં છે. આ યાદીમાં સૌથી ખરાબ હાલત બાહુબલી 2ની થશે કારણ કે, તેણે હિન્દી બેલ્ટમાંથી 510 કરોડ રૂપિયાનું લાઈફ ટાઈમ કલેક્શન મેળવ્યું હતું. જવાન ફિલ્મ આ આંકડાને પણ પાર કરીને બાહુબલી 2ને ટક્કર આપવાની છે.

Tags :