શાહરૂખ ખાનની જવાનજલવો, પ્રથમ ભારતીય ફિલ્મ બની જે દુનિયાની સૌથી મોટી સ્ક્રીન imax જર્મનીમાં રિલીઝ થશે

શાહરૂખ ખાનની આગામી ફિલ્મ જવાન 7મી સપ્ટેમ્બરે રિલીઝ થવાની છે. ફિલ્મ એટલી કુમાર દ્વારા નિર્દેશિત છે અને તેમાં નયનતારા અને વિજય સેતુપતિ પણ મુખ્ય ભૂમિકામાં છે. તાજેતરમાં, આ ફિલ્મે ઇતિહાસ રચ્યો કારણ કે તે જર્મનીમાં વિશ્વના સૌથી મોટા IMAX માં પ્રદર્શિત થવા જઈ રહી છે. આ જર્મનીના લીઓનબર્ગમાં ટ્રેમ્પપ્લાસ્ટ તરીકે ઓળખાતી વિશાળ IMAX સ્ક્રીન છે. […]

Last Updated : 29 August 2023, 10:17 AM IST

શાહરૂખ ખાનની આગામી ફિલ્મ જવાન 7મી સપ્ટેમ્બરે રિલીઝ થવાની છે. ફિલ્મ એટલી કુમાર દ્વારા નિર્દેશિત છે અને તેમાં નયનતારા અને વિજય સેતુપતિ પણ મુખ્ય ભૂમિકામાં છે. તાજેતરમાં, આ ફિલ્મે ઇતિહાસ રચ્યો કારણ કે તે જર્મનીમાં વિશ્વના સૌથી મોટા IMAX માં પ્રદર્શિત થવા જઈ રહી છે. આ જર્મનીના લીઓનબર્ગમાં ટ્રેમ્પપ્લાસ્ટ તરીકે ઓળખાતી વિશાળ IMAX સ્ક્રીન છે. રિપોર્ટ્સ અનુસાર, સ્ક્રીન લગભગ 125 ફૂટ પહોળી અને 72 ફૂટ ઊંચી છે. જવાન આ થિયેટરમાં બતાવવામાં આવનાર પ્રથમ ભારતીય ફિલ્મ હશે.

આ સિનેમા સ્ક્રીન 6ઠ્ઠી ડિસેમ્બર, 2022ના રોજ પ્રથમ વખત ખોલવામાં આવી હતી. થિયેટરનું બાંધકામ 2020માં શરૂ થયું હતું. તેને 814.8 ચોરસ મીટરના ક્ષેત્રફળ સાથે સૌથી મોટા કાયમી સિનેમા હોલ તરીકે થિયેટરનું નામ ગિનિસ વર્લ્ડ રેકોર્ડમાં પણ છે. 25 ઓગસ્ટે જવાનના મેકર્સે ફિલ્મનું નવું પોસ્ટર રિલીઝ કર્યું હતું.

જવાન હિન્દી, તમિલ અને તેલુગુમાં રિલીઝ થશે. આ ફિલ્મને ગૌરી ખાન રેડ ચિલીઝ એન્ટરટેઈનમેન્ટ હેઠળ પ્રોડ્યુસ કરી રહી છે. શાહરૂખના ચાહકો તેની રિલીઝની આતુરતાથી રાહ જોઈ રહ્યા છે, આ આશા સાથે કે તે તેની છેલ્લી ફિલ્મ ‘પઠાણ’ની જેમ બ્લોકબસ્ટર હિટ સાબિત થશે.

પઠાણ બાદ જવાન ફિલ્મથી ફેન્સને ઘણી આશા

‘પઠાણ’ શાહરૂખ ખાનની સૌથી મોટી કમર્શિયલ હિટ ફિલ્મોમાંની એક બની અને તે વર્ષની સૌથી વધુ કમાણી કરનાર પણ બની હતી. જવાને તેનું ટ્રેલર લૉન્ચ થતાં પહેલાં જ યુએસમાં આશરે રૂ. 2 કરોડનું એડવાન્સ બુકિંગ મેળવીને ઇતિહાસ રચ્યો હતો. રિલીઝના લગભગ 20 દિવસ પહેલા પ્રી-બુકિંગ શરૂ થઈ ગયું હતું, પરંતુ ભારતમાં હજુ સુધી તેનું બુકિંગ શરૂ થયું નથી. તે રિલીઝના દિવસે વધુ એક રેકોર્ડ બનાવશે તેવી અપેક્ષા છે.

તમને જણાવી દઈએ કે થોડા દિવસો પહેલા જ્યારે જવાનનો પ્રીવ્યુ રીલિઝ થયો હતો ત્યારે તેમાં શાહરૂખ ખાન અલગ-અલગ રૂપમાં જોવા મળ્યો હતો. ક્યારેક તેણે માસ્ક પહેર્યું હતું તો ક્યારેક તેણે પોતાના ચહેરા પર પાટો બાંધ્યો હતો અને તે બાલ્ડ અવતારમાં પણ જોવા મળ્યો હતો. શુક્રવારે, શાહરૂખ ખાને તેના ઇન્સ્ટાગ્રામ પર એક નવું પોસ્ટર શેર કર્યું હતું.

શાહરૂખે આ ફિલ્મમાંથી તેના કુલ પાંચ નવા લુક શેર કર્યા છે. આ ફિલ્મમાં શાહરૂખની સાથે નયનથારા, વિજય સેતુપતિ અને દીપિકા પાદુકોણ પણ છે. એટલી દ્વારા નિર્દેશિત, ‘જવાન’ 7 સપ્ટેમ્બરના રોજ સિનેમાઘરોમાં આવશે ત્યારે ફિલ્મ અત્યારથી એક પછી એક રેકોર્ડ તોડી રહી છે. શાહરૂખ ખાનની જવાન યુનાઈટેડ આરબ અમીરાત (યુએઈ), યુએસ, જર્મની અને ઓસ્ટ્રેલિયામાં જબરદસ્ત ઓપનિંગ મેળવી રહી છે.

Tags :