ફિલ્મ જવાનના આલિયા ભટ્ટવાળા ડાયલોગથી સોશિયલ મીડિયા પેજ ઓવરફ્લો

છેલ્લા ઘણાં સમયથી ફિલ્મના રસિકો શાહરૂખ ખાન, નયનતારા અને વિજય સેતુપતિ સ્ટારર ફિલ્મ જવાનના ટ્રેલરની રાહ જોઈ રહ્યા હતા. અત્યાર સુધી આ ફિલ્મના ગીતો અને પ્રિવ્યૂ રિલીઝ થયા હતા. આખરે જવાનનું ટ્રેલર લોન્ચ કરવામાં આવ્યું તે સાથે જ તે સોશિયલ મીડિયામાં ખૂબ જ વાયરલ થવા લાગ્યું છે. માત્ર 2 મિનિટ અને 45 સેકન્ડના આ ટ્રેલરમાં […]

Last Updated : 01 September 2023, 12:25 PM IST

છેલ્લા ઘણાં સમયથી ફિલ્મના રસિકો શાહરૂખ ખાન, નયનતારા અને વિજય સેતુપતિ સ્ટારર ફિલ્મ જવાનના ટ્રેલરની રાહ જોઈ રહ્યા હતા. અત્યાર સુધી આ ફિલ્મના ગીતો અને પ્રિવ્યૂ રિલીઝ થયા હતા. આખરે જવાનનું ટ્રેલર લોન્ચ કરવામાં આવ્યું તે સાથે જ તે સોશિયલ મીડિયામાં ખૂબ જ વાયરલ થવા લાગ્યું છે. માત્ર 2 મિનિટ અને 45 સેકન્ડના આ ટ્રેલરમાં શાહરૂખ ખાનના વિવિધ લુક અને અંદાજ જોવા મળી રહ્યા છે. જોરદાર એક્શન અને દમદાર ડાયલોગ્સ સાથેનું ટ્રેલર લોકોને ખૂબ પસંદ આવી રહ્યું છે પરંતુ તેમાં પણ તેનો આલિયા ભટ્ટ વાળો ડાયલોગ સૌથી વધુ ફેમસ થઈ રહ્યો છે.

આલિયા ભટ્ટવાળો ડાયલોગ આઉટ ઓફ ધ સિલેબસ

મુંબઈ મેટ્રોમાં બેઠેલા જવાનને જ્યારે તેને શું જોઈએ છે તેવો સવાલ કરવામાં આવે છે ત્યારે તે ખૂબ જ અકલ્પનિય એવો “જોઈએ તો આલિયા ભટ્ટ છે” એમ જવાબ આપે છે. ઈન્ટરનેટ પર આ ડાયલોગ ખૂબ વાયરલ થઈ રહ્યો છે અને X (ટ્વિટર) પર તેના અનેક મિમ્સ પણ શેર થઈ રહ્યા છે. અનેક યુઝર આ ડાયલોગને આઉટ ઓફ ધ સિલેબસ ગણાવી તેની ખુલ્લા દિલથી ખૂબ જ પ્રશંસા કરી રહ્યા છે.

જવાન ફિલ્મના આલિયા ભટ્ટનો ઉલ્લેખ કરતા સીનના કારણે આલિયા ભટ્ટના ચાહકોમાં પણ આ ફિલ્મની ઈંતેજારી વધી છે.

જવાન ફિલ્મના અન્ય દમદાર ડાયલોગ્સ

– “એક રાજા હતો. એક બાદ એક યુદ્ધ હારતો ગયો, જંગલમાં ભૂખ્યો તરસ્યો ફરી રહ્યો હતો..ખૂબ ગુસ્સામાં હતો..”

– “જોઈએ તો આલિયા ભટ્ટ છે…”

– “જ્યારે હું વિલન બનું છું…”

– “અમે જવાન છીએ, હજાર વખત અમારો જીવ દાવ પર લગાવી શકીએ છીએ. પણ ફક્ત દેશ માટે, તમારા જેવા દેશને વેચવાવાળાઓ માટે બિલકુલ નહીં.”

– “બેટાને હાથ લગાવતા પહેલા બાપ જોડે વાત કર”

આગામી 7 સપ્ટેમ્બરના રોજ આ ફિલ્મ રિલીઝ થવા જઈ રહી છે ત્યારે આલિયા ભટ્ટવાળા ડાયલોગને લઈ અભિનેત્રી આલિયા ભટ્ટે પણ પ્રતિક્રિયા આપી છે. આલિયા ભટ્ટે ઈન્સ્ટાગ્રામ પર સ્ટોરી શેર કરીને તે ડાયલોગના અનુસંધાને લખ્યું હતું કે, “આખી દુનિયાને ફક્ત SRK જોઈએ છે. 7 સપ્ટેમ્બર તો બહુ દૂર છે.”

શાહરૂખ ખાનની પઠાને 1,050 કરોડનું કલેક્શન મેળવ્યું

વર્કફ્રન્ટની વાત કરીએ તો શાહરૂખ ખાન છેલ્લે ફિલ્મ પઠાનમાં જોવા મળ્યો હતો. તેના દ્વારા SRK 4 વર્ષ બાદ સિલ્વર સ્ક્રીન પર જોવા મળ્યો હતો અને તે ફિલ્મ એ સમગ્ર વિશ્વમાંથી 1,050 કરોડ રૂપિયાનું કલેક્શન મેળવ્યું હતું.

Tags :