Sonam Kapoor: પતિ આનંદ આહુજા સાથે મળીને ફૂટબોલ ચેમ્પિયન માટે યોજી ખાસ ડીનર પાર્ટી

સોનમ કપૂરે યોજેલા ગાલા ડીનરમાં શિવસેના પ્રમુખ ઉદ્ધવ ઠાકરેના પુત્ર આદિત્ય ઠાકરેએ પણ હાજરી આપી હતી

 

Sonam Kapoor: બોલિવુડની ફેશન આઈકન ગણાતી અભિનેત્રી સોનમ કપૂર (Sonam Kapoor) અને તેના પતિ બિઝનેસમેન આનંદ આહુજાએ તાજેતરમાં એક ખાસ ડીનર પાર્ટીનું આયોજન કર્યુ હતું. મુંબઈ ખાતે એક ખાસ વ્યક્તિ માટે આ પાર્ટી આયોજિત કરવામાં આવી હતી. આ ડીનર પાર્ટી ફૂટબોલના ચેમ્પિયન ડેવિડ બેકહમ માટે રાખવામાં આવી હતી. આ ફંક્શનમાં માત્ર 25 લોકોને આમંત્રણ પાઠવવામં આવ્યું હતું. 

Sonam Kapoorની પાર્ટીમાં ગણતરીના લોકોને આમંત્રણ

સોનમ કપૂર દ્વારા ડેવિડ બેકહમ માટે યોજવામાં આવેલી આ ખાસ પાર્ટીની કેટલીક તસવીરો પણ સામે આવી છે જેમાં ડેવિડ સમગ્ર કપૂર પરિવાર સાથે જોવા મળી રહ્યો છે. આ પાર્ટીમાં સંજય કપૂર, કરિશ્મા કપૂર, અર્જુન કપૂર, મહિપ કપૂર, શનાયા કપૂર સહિતનો પરિવાર સ્ટાર ફૂટબોલર સાથે જોવા મળ્યો હતો. 

 

આ સિવાય અભિનેતા શાહિદ કપૂરે પણ પત્ની મીરા કપૂર અને ફૂટબોલર સાથેની તસવીર શેર કરી છે જેમાં ડેવિડ બ્લેક લુકમાં જોવા મળી રહ્યો છે. સોનમ કપૂર (Sonam Kapoor)ની આ પાર્ટીમાં અર્જુન કપૂર પોતાની ગર્લફ્રેન્ડ મલાઈકા અરોરા સાથે જોવા મળ્યો હતો. આ પાર્ટીની અનેક તસવીરો સોશિયલ મીડિયામાં ખૂબ વાયરલ થઈ રહી છે. 

ડેવિડની ગુજરાત મુલાકાત

ઈંગ્લેન્ડ ફૂટબોલ ટીમના કેપ્ટન રહી ચુકેલા ડેવિડ બેકહમ યુનિસેફ કમિટમેન્ટના કારણે ભારત પધાર્યા હતા. 15 નવેમ્બરના રોજ તે ભારત અને ન્યૂઝીલેન્ડ વચ્ચેની સેમીફાઈનલ મેચ જોવા માટે મુંબઈના વાનખેડે સ્ટેડિયમ પહોંચ્યા હતા. તે સમયે અનિલ કપૂરની દીકરી સોનમના પતિ આનંદ પણ ડેવિડ સાથે સ્ટેડિયમમાં જોવા મળ્યા હતા. 

 

બાળ કલ્યાણ સંસ્થા યુનિસેફે તેમને ગેસ્ટ તરીકે ભારત આવવા આમંત્રણ પાઠવ્યું હતું. ગ્લોબલ આઈકન ડેવિડનું ફેન ફોલોઈંગ ખૂબ જ વિશાળ છે. તેની પત્ની વિક્ટોરિયા બેકહમ પણ એક ફેશન આઈકન છે. પોતાના ભારત પ્રવાસ દરમિયાન તેણે અનેક શહેરોની મુલાકાત લીધી હતી. 

 

ચાઈલ્ડ રાઈટ્સ અને જેન્ડર ઈક્વાલિટી સમજવા માટે તે તાજેતરમાં ગુજરાતની મુલાકાતે પણ આવ્યો હતો. મંગળવારના રોજ તેણે પોતાના ઈન્સ્ટાગ્રામ એકાઉન્ટ પર એક પોસ્ટ શેર કરી હતી જેમાં તે બાળકો સાથે જોવા મળ્યો હતો. 

 

સોનમ કપૂરે (Sonam Kapoor) યોજેલા ગાલા ડીનરમાં શિવસેના પ્રમુખ ઉદ્ધવ ઠાકરેના પુત્ર આદિત્ય ઠાકરેએ પણ હાજરી આપી હતી. યુનિસેફ અને આઈસીસીએ મહિલા સશક્તિકરણ અને લિંગ સમાનતાને પ્રોત્સાહન આપવા માટે હાથ મિલાવ્યા છે. 

 

ડેવિડ બેકહમ યુનિસેફના ગુડવિલ એમ્બેસેડર છે અને આ કારણે પ્રખ્યાત ફૂટબોલર 3 દિવસ માટે ભારત પ્રવાસે આવ્યો હતો. પાર્ટીમાં અભિનેતા મોહિત મારવાહની પત્ની અંતરા મોતીવાલાએ પણ ડેવિડ બેકહમ સાથે તસવીર પડાવી હતી.

• 

  રશ્મિકા મંદાના ડીપફેક વીડિયો કેસમાં મોટા સમાચાર, પોલીસે માસ્ટરમાઇન્ડની ધરપકડ કરી

  Entertainment

• 

  Mystery Man પર કંગના રનૌતે તોડ્યું મૌનઃ જણાવી તેની સાથેના સંબંધોની વાત!

  Entertainment

• 

  box office પર 472 કરોડ કમાનાર Tiger-3 ને OTT પર પણ મળી રહ્યો ગજબ રિસ્પોન્સ!

  Entertainment

• 

  ફેમસ યુટ્યુબર ભુવન બામે દિલ્હીમાં ખરીદ્યો 11 કરોડનો બંગલો.. વાંચો વિગતો

  Entertainment

• 

  વિદેશી શોની કોપી છે આ 8 ભારતીય વેબ સીરીઝ

  Entertainment