સની દેઓલ એક ઈન્ટરવ્યુમાં ગદર 2ની સફળતા વિશે વાત કરતાં રડી પડયો

સની દેઓલ તેની તાજેતરની ફિલ્મ ગદર 2 ના પ્રચાર માટે કાર્યક્રમોમાં હાજરી આપવા અને ઈન્ટરવ્યુ આપવામાં ખૂબ વ્યસ્ત છે, જેણે 11 ઓગસ્ટના રોજ રિલીઝ થયા પછી ભારતમાં આશરે ₹ 510 કરોડની કમાણી કરી છે. ગુરુવારે, સની દેઓલે તેના આગામી ઈન્ટરવ્યુનો પ્રોમો શેર કર્યો હતો. આ સપ્તાહના અંતમાં પ્રસારિત થનાર ઈન્ટરવ્યુમાંથી તેણે ઈન્સ્ટાગ્રામ પર પોસ્ટ કરેલી […]

Last Updated : 09 September 2023, 10:37 AM IST

સની દેઓલ તેની તાજેતરની ફિલ્મ ગદર 2 ના પ્રચાર માટે કાર્યક્રમોમાં હાજરી આપવા અને ઈન્ટરવ્યુ આપવામાં ખૂબ વ્યસ્ત છે, જેણે 11 ઓગસ્ટના રોજ રિલીઝ થયા પછી ભારતમાં આશરે ₹ 510 કરોડની કમાણી કરી છે. ગુરુવારે, સની દેઓલે તેના આગામી ઈન્ટરવ્યુનો પ્રોમો શેર કર્યો હતો. આ સપ્તાહના અંતમાં પ્રસારિત થનાર ઈન્ટરવ્યુમાંથી તેણે ઈન્સ્ટાગ્રામ પર પોસ્ટ કરેલી ક્લિપ્સમાંથી એકમાં, સની દેઓલ રડી પડયો હતો કારણ કે તે ગદર 2 ફિલ્મની સફળતા વિશે વાત કરતાં અભિભૂત થઈ ગયો હતો.

સની દેઓલ ચાહકોનાં પ્રેમથી ભાવુક બન્યો

સની દેઓલને જ્યારે પૂછવામાં આવ્યું કે તે શા માટે રડે છે ત્યારે તેમણે જવાબ આપ્યો કે મેં ગદર 2 માં જે અભિનય કર્યો છે તેનાથી લોકો ખુશ છે. મને ખબર નથી કે હું ખરેખર આને લાયક છું કે નહીં.

પાકિસ્તાનના આરોપો પર સની દેઓલની પ્રતિક્રિયા

સની દેઓલને પૂછવામાં આવ્યું હતું કે 22 વર્ષ પહેલા તમે હેન્ડપંપ કાઢ્યો હતો, જેના કારણે પાણીની તંગી થઈ હતી અને હવે તમે અહીં ઈલેક્ટ્રીક પોલને હટાવી દીધો છે તો વીજળીની અછત સર્જાઈ છે. જેના પર સની દેઓલે કહ્યું કે જ્યારે તારા સિંહ (ગદર 2 માં તેનું પાત્ર) તેના પરિવાર માટે આવે છે, ત્યારે તેને કોઈ રોકી શકતું નથી.

પાકિસ્તાનના અન્ય એક વ્યક્તિએ સની દેઓલને કહ્યું હતું કે સેના વિશે ભૂલી જાઓ, તે સની દેઓલને બતાવશે કે તેના હાથ કેટલા મજબૂત છે. તેના જવાબમાં સની દેઓલે કહ્યું, ” હું એક અભિનેતા છું, જે એક પાત્ર ભજવે છે. તેથી લોકોએ તેને વ્યક્તિગત રૂપે ન લેવું જોઈએ.

ગદર 2 વિશેની માહિતી

ગદર 2 એ 2001ની કલ્ટ ક્લાસિક ગદર: એક પ્રેમ કથાની સિક્વલ છે. તેમાં અમીષા પટેલ અને ઉત્કર્ષ શર્મા પણ મુખ્ય ભૂમિકામાં છે. અનિલ શર્માનું દિગ્દર્શન બોક્સ ઓફિસ પર અણનમ રહ્યું છે, જેણે ઓપનિંગ સાથે જ ₹ 40 કરોડની જંગી કમાણી કરી હતી.

ગદર 2 1971 પર આધારિત છે અને તે તારા સિંહના પુત્ર જીતે (ઉત્કર્ષ શર્મા) ને પાકિસ્તાની આર્મીથી બચાવવા માટે તારા સિંહની પાકિસ્તાનની યાત્રાની વાર્તા છે. અમીષા પટેલે ગદર અને ગદર 2 બંનેમાં સકીનાની ભૂમિકા ભજવી છે, જે પાકિસ્તાનના રાજકીય પરિવારમાંથી આવે છે.

તાજેતરમાં, ગદર 2 ફિલ્મના નિર્માતાઓએ મુંબઈમાં એક સક્સેસ પાર્ટીનું આયોજન કર્યું હતું જેમાં શાહરૂખ ખાન, ગૌરી ખાન, આમિર ખાન, અનન્યા પાંડે, આદિત્ય રોય કપૂર, બોબી દેઓલ, ધર્મેન્દ્ર, સંજય દત્ત, અભિષેક બચ્ચન, સલમાન ખાન, કાજોલ, કાર્તિક આર્યન, કૃતિ સેનન, અર્જુન કપૂર જેવા કલાકારોએ હાજરી આપી હતી.

Tags :