Sushmita Sen: 15 વર્ષ નાના X બોયફ્રેન્ડના હાથોમાં હાથ પરોવી દિવાળી પાર્ટીમાં પહોંચી અભિનેત્રી

Sushmita Sen: મંગળવારે રાત્રે ફિલ્મ નિર્માતા રમેશ તૌરાનીના ત્યાં દિવાળી પાર્ટીનું આયોજન કરવામાં આવ્યું હતુ. આ પાર્ટીમાં સલમાન ખાન, કેટરિના કૈફ, અનિલ કપૂર, સિદ્ધાર્થ મલ્હોત્રા, રિતેશ દેશમુખ અને જેનેલિયા ડિસોઝા સહિત અનેક બોલિવુડ સેલેબ્સે હાજરી આપી હતી. જોકે રમેશ તૌરાનીની દિવાળી પાર્ટીમાં પહોંચેલી અભિનેત્રી સુષ્મિતા સેન (Sushmita Sen) ચર્ચાનું કારણ બની છે. આ પાર્ટીમાં સુષ્મિતા […]

Last Updated : 09 November 2023, 06:32 AM IST

Sushmita Sen: મંગળવારે રાત્રે ફિલ્મ નિર્માતા રમેશ તૌરાનીના ત્યાં દિવાળી પાર્ટીનું આયોજન કરવામાં આવ્યું હતુ. આ પાર્ટીમાં સલમાન ખાન, કેટરિના કૈફ, અનિલ કપૂર, સિદ્ધાર્થ મલ્હોત્રા, રિતેશ દેશમુખ અને જેનેલિયા ડિસોઝા સહિત અનેક બોલિવુડ સેલેબ્સે હાજરી આપી હતી. જોકે રમેશ તૌરાનીની દિવાળી પાર્ટીમાં પહોંચેલી અભિનેત્રી સુષ્મિતા સેન (Sushmita Sen) ચર્ચાનું કારણ બની છે. આ પાર્ટીમાં સુષ્મિતા પોતાના એક્સ બોયફ્રેન્ડ રોહમન શૉલ સાથે પહોંચી હતી. સુષ્મિતા અને રોહમન એક સાથે ખૂબ ખુશ જણાઈ રહ્યા હતા અને તેમણે પેપ્સ માટે પોઝ પણ આપ્યા હતા.

વધુ વાંચો: Diwali 2023: મનીષ મલ્હોત્રાની પાર્ટીમાં એક છત નીચે જોવા મળ્યા સલમાન અને ઐશ્વર્યા

Sushmita Senનું બોયફ્રેન્ડ સાથે પેચઅપ

સુષ્મિતા સેને ડિસેમ્બર 2021માં રોહમન સાથેના 3 વર્ષના સંબંધ પર પૂર્ણવિરામની જાહેરાત કરી હતી. જોકે તે સમયે બંનેએ મિત્રો બની રહેવાની વાત કરી હતી. ત્યાર બાદ સુષ્મિતા અને લલિત મોદીના સંબંધોની ભારે ચર્ચા જાગી હતી અને લલિત મોદીએ તેમના સંબંધને મહોર મારતી કેટલીક તસવીરો પણ સોશિયલ મીડિયામાં શેર કરી હતી.

જોકે રમેશ તૌરાનીની દિવાળી પાર્ટીમાં સુષ્મિતા સેન (Sushmita Sen) પોતાના 15 વર્ષ નાના એક્સ બોયફ્રેન્ડ રોહમન શૉલ સાથે ખૂબ જ ખુશ દેખાઈ રહી હતી. દિવાળી પાર્ટીમાં હાજરી આપવા માટે સુષ્મિતાએ બ્લેક કલરની સુંદર સાડી પર પસંદગી ઉતારી હતી. જેમાં તે ખૂબ જ જાજરમાન લાગી રહી હતી.

રોહમન પણ સફેદ કુર્તા-પાયજામા સાથે ગ્રીન બ્લેઝર પહેરીને એકદમ હેન્ડસમ લાગી રહ્યો હતો. આ પહેલા પણ સુષ્મિતા અને રોહમનનો એક નવો વીડિયો સોશિયલ મીડિયા પર સામે આવ્યો હતો જે ‘આર્યા 3’ના પ્રમોશનનો છે. આ વીડિયોમાં રોહમન પણ સુષ્મિતા સાથે જોવા મળ્યો હતો. તે પોતાના લેડી લવને લઈને પણ એકદમ પ્રોટેક્ટિવ દેખાઈ રહ્યો છે જેથી તેઓ વચ્ચે ફરી પેચઅપ થયું હોવાની ચર્ચા જાગી છે.

વધુ વાંચો: Farah Khanએ દિવાળી પર પહેરવા આઉટફિટ માંગ્યો, કરણ જોહરે કરી આ રીતે મદદ

સુષ્મિતાનું વર્ક ફ્રન્ટ

સુષ્મિતા સેન હાલ વેબ સીરિઝ ‘આર્યા 3’ માટે ખૂબ જ પ્રશંસા મેળવી રહી છે. 8 વર્ષ સુધી ઈન્ડસ્ટ્રીથી દૂર રહ્યા બાદ સુષ્મિતા સેને (Sushmita Sen) આર્યા સીરિઝ દ્વારા 2020માં સ્ક્રીન પર કમબેક કર્યું હતું. ઉપરાંત તાજેતરમાં તેના તાલીના શાનદાર અભિનયની પણ ખૂબ જ પ્રશંસા થઈ રહી છે જેમાં તે એક ટ્રાન્સજેન્ડરના રોલમાં જોવા મળી રહી છે. સુષ્મિતા વર્ષો સુધી ઈન્ડસ્ટ્રીથી દૂર રહી તેમ છતાં ઈન્ડસ્ટ્રી અને દર્શકોએ તેને ખુલ્લા દિલે અપનાવી લીધી છે.

સુષ્મિતા સેને આ તબક્કાને પોતાની બીજી ઈનિંગ ગણાવતા કહ્યુ હતું કે તે કેવી ભૂમિકાઓની રાહ જોઈ રહી છે. તેણે જણાવ્યું કે જ્યારે 2020માં આ બીજી શરૂઆત થઈ, તો તે એક ન્યૂકમર બની ગઈ. તે એક મેચ્યોર લવ સ્ટોરી અને જોરદાર એક્શન ફિલ્મ કરવા ઈચ્છી રહી છે.

Tags :