અજય દેવગનની ફિલ્મ મેદાનનું ટીઝર રીલીઝ

અજય દેવગન એક સફળ કલાકારની હરોળમાં અગ્રણી છે. એક સફળ કલાકારની ફિલ્મ ક્યારે આવે છે તે જોવા સૌ આતુર હોય છે. લોકોના ઇન્તજારનો અંત આવ્યો છે અને દેવગનની નવી ફિલ્મ `મેદાન’નું ટીઝર બહાર પડી ચૂક્યું છે. અજય દેવગનની ફિલ્મ મેદાન ફૂટબોલ કોચ સૈયદ અબ્દુલ રહીમના જીવન પર આધારિત છે. આ ફિલ્મમાં અજય દેવગન ઉપરાંત કીર્તિ […]

Last Updated : 10 July 2023, 07:16 AM IST

અજય દેવગન એક સફળ કલાકારની હરોળમાં અગ્રણી છે. એક સફળ કલાકારની ફિલ્મ ક્યારે આવે છે તે જોવા સૌ આતુર હોય છે. લોકોના ઇન્તજારનો અંત આવ્યો છે અને દેવગનની નવી ફિલ્મ `મેદાન’નું ટીઝર બહાર પડી ચૂક્યું છે. અજય દેવગનની ફિલ્મ મેદાન ફૂટબોલ કોચ સૈયદ અબ્દુલ રહીમના જીવન પર આધારિત છે. આ ફિલ્મમાં અજય દેવગન ઉપરાંત કીર્તિ સુરેશ, પ્રિયમણી, ગજરાજ રાવ સહિતના કલાકારો જોવા મળશે. આ ફિલ્મ 23 જૂન 2023 ના રોજ સિનેમા ઘરોમાં રિલીઝ થશે.

અજય દેવગનનાં ચાહકો માટે રામનવમીનો દિવસ ખાસ બની ગયો. આ દિવસે અજય દેવગનની ફિલ્મ ભોલા રિલીઝ થઈ અને સાથે જ મેદાન ફિલ્મનું ટીઝર પણ જાહેર કારાયું. 23 જૂને રજૂ થનાર આ ફિલ્મ અમિત શર્મા દ્વારા દિગ્દર્શિત કરાઇ છે. એ આર રહેમાનનું સંગીત અને ગીતની રચના મનોજ મુંતશિરની હોવાથી લોકોની આતુરતામાં ઔર વધારો થયો છે. આજે દેવગન એક વધુ દમદાર ભૂમિકામાં જવા મળશે.

આ ફિલ્મમાં વિશ્વને ભારતીય ફૂટબોલનો સુવર્ણ યુગ બતાવવામાં આવ્યો છે જેમાં, તે ફૂટબોલ કોચની ભૂમિકા ભજવી રહ્યો છે. તેની અગાઉની હિટ ફિલ્મો જેમ કે દૃશ્યમ 2, રનવે 34, સિંઘમ બાદ તેમની બીજી દિગ્દર્શિત ફિલ્મ, ભોલા થિયેટરોમાં રિલીઝ થઈ છે, અને અહેવાલો મુજબ, ફિલ્મને વિવેચકો અને લોકો તરફથી સકારાત્મક પ્રતિસાદ મળી રહ્યો છે. આ બધાની વચ્ચે રામ નવમીના અવસર પર અજય દેવગને તેની આગામી ફિલ્મ મેદાનનું ટીઝર સોશિયલ મીડિયા પર શેર કર્યું છે.

ઓનલાઇન રિલીઝ કરવામાં આવ્યું. જેમાં તેને કેપ્શન લખ્યું છે કે, ‘મેદાન મેં ઉતરેંગે ગ્યારહ પર દિખેગા એક” મેદાનમાં દર્શકો ભારતીય ફૂટબોલના સુવર્ણ યુગ એટલે કે 1952-1962ના સાક્ષી બનશે. ફૂટબોલનાં હીરોનું અજયનું ચિત્રણ તમને ભાવુક કરી દેશે. મેદાન એ એક અજાણ્યા હીરોની સાચી વાર્તા છે જેણે ભારત માટે ઇતિહાસ અને રેકોર્ડ બનાવ્યા 60 વર્ષ પછી પણ, આપણે વિશ્વમાં સૌથી વધુ રમાતી રમત ફૂટબોલમાં તે સિદ્ધિઓને અનુરૂપ કામગીરી કરી આગળ વધી શક્યા નથી. દેશમાં કૂટબોલની રમત ક્ષેત્રે ઘણું કરી શકાય તેવું પણ આ ફિલ્મ જોયા બાદ સમજાય તેમ લાગે છે.

અત્રે એ ઉલ્લેખનીય છે કે અજય દેવગનની તાજેતરમાં રીલીઝ થયેલી ફિલ્મ ભોલામાં તે એક ગુનેગારની ભૂમિકામાં છે અને આ ફિલ્મ અજય દેવગન દ્વારા જ નિર્દેશિત કરાઇ છે. આજે દેવગનનો શિવ પ્રત્યેનો પ્રેમ તો જાહેર છે આને શિવાય બાદ આ ભોલા મૂવી પણ તે જ શૃંખલાનો એક ભાગ છે.

Tags :