અક્ષય કુમારની નવી ફિલ્મનું ટાઈટલ ઈન્ડિયાને બદલે ભારત કરતા થઈ ટ્રોલ

અક્ષય કુમારે તેના આગામી પ્રોજેક્ટ મિશન રાનીગંજઃ ધ ગ્રેટ ભારત રેસ્ક્યૂના નવા પોસ્ટર 7 સપ્ટેમ્બરે શેર કર્યા હતા, જેના માટે તેને મોટા પાયે ટ્રોલ કરવામાં આવી રહ્યો છે. અક્ષય કુમારની આ ફિલ્મનું ટાઈટલ અગાઉ મિશન રાનીગંજઃ ધ ગ્રેટ ઈન્ડિયન રેસ્ક્યુ હતું. ફિલ્મના ટાઈટલમાં આ ફેરફાર ઈન્ડિયાનું નામ બદલીને ભારત કરવાના ચાલી રહેલા વિવાદ વચ્ચે આવ્યો […]

Last Updated : 08 September 2023, 09:49 AM IST

અક્ષય કુમારે તેના આગામી પ્રોજેક્ટ મિશન રાનીગંજઃ ધ ગ્રેટ ભારત રેસ્ક્યૂના નવા પોસ્ટર 7 સપ્ટેમ્બરે શેર કર્યા હતા, જેના માટે તેને મોટા પાયે ટ્રોલ કરવામાં આવી રહ્યો છે. અક્ષય કુમારની આ ફિલ્મનું ટાઈટલ અગાઉ મિશન રાનીગંજઃ ધ ગ્રેટ ઈન્ડિયન રેસ્ક્યુ હતું. ફિલ્મના ટાઈટલમાં આ ફેરફાર ઈન્ડિયાનું નામ બદલીને ભારત કરવાના ચાલી રહેલા વિવાદ વચ્ચે આવ્યો છે. તેની શરૂઆત રાષ્ટ્રપતિ દ્રૌપદી મુર્મુના G20 પ્રતિનિધિઓને રાત્રિભોજનના આમંત્રણથી કરવામાં આવી હતી જેમાં ઈન્ડિયાના બદલે “પ્રેસિડેન્ટ ઓફ ભારત” લખવામાં આવ્યું હતું.

અક્ષય કુમારે પોતાના ઈન્સ્ટાગ્રામ એકઉન્ટ પર આ પોસ્ટર શેર કરીને લખ્યું હતું કે, ”6 ઓક્ટોમ્બરે સિનેમાઘરોમાં ‘મિશન રાનીગંજ’ સાથે ભારતના સાચા હીરોની સ્ટોરી જુઓ.”

X (અગાઉ ટ્વિટર તરીકે ઓળખાતું હતું) પર વપરાશકર્તાઓએ અક્ષય કુમાર દ્વારા પોસ્ટ કરાયેલા અગાઉના પોસ્ટરના સ્ક્રીનશોટ પોસ્ટ કર્યા હતા, જેમાં ભારતને બદલે ઈન્ડિયા શબ્દ હતો. જે બાદમાં દૂર કરવામાં આવ્યા હતા. ઈન્ટરનેટના એક વિભાગે ફિલ્મને લગતા અક્ષય કુમારના અગાઉના ટ્વીટના અસ્તિત્વ પર પ્રશ્ન ઉઠાવ્યો હતો, જેમાં ભારતને બદલે ઈન્ડિયા શબ્દનો ઉપયોગ કરવામાં આવ્યો હતો. એક યુઝરે લખ્યું, “આ ટ્વિટ ક્યાં ગઈ?”

ફિલ્મનું નામ બદલાતા અક્ષય કુમાર ટ્રોલ થયો

અન્ય X યુઝરે અક્ષય કુમારને પૂછ્યું, “શું તમારી આગામી ફિલ્મનું નામ ભારત છે?”

અક્ષય કુમારને આ વર્ષે ભારતના સ્વતંત્રતા દિવસ પર ભારતીય નાગરિકતા આપવામાં આવી હતી. જો કે, તેની ભૂતપૂર્વ કેનેડિયન નાગરિકતા વિશેના મીમ્સ ક્યારેય સમાપ્ત થતા નથી.

અક્ષય કુમારને માત્ર પોસ્ટરમાં શબ્દોમાં ફેરફાર કરવાને કારણે ટ્રોલ કરવામાં આવ્યો ન હતો. પરંતુ પોસ્ટરમાં કેટલાક ચહેરા ઘણી વખત પેસ્ટ કરવામાં આવ્યા છે.

આગામી ફિલ્મ 1989ના એક રેસ્ક્યુ ઓપરેશન પર આધારિત

મિશન રાનીગંજ સ્વર્ગસ્થ માઈનિંગ એન્જિનિયર જસવંત સિંહ ગિલની વાર્તા દર્શાવે છે, જેમણે વીરતાપૂર્વક કોલસા ખાણ બચાવ મિશનનું નેતૃત્વ કર્યું હતું અને નવેમ્બર 1989માં રાનીગંજમાં કોલસાની ખાણમાં ફસાયેલા લોકોની મદદ કરી હતી.

આ મોશન પોસ્ટર રોમાંચક બચાવ કામગીરીની ઝલક આપે છે જે ત્યારે શરૂ થયું હતું જ્યારે ખાણિયાઓએ પોતાને કોલસાની ખાણની નીચે 350 ફૂટ ઊંડે ફસાયેલા જોયા હતા. અક્ષય કુમાર, સ્વર્ગસ્થ જસવંત સિંહ ગિલના પરાક્રમી પાત્રને દર્શાવતા, એક સાહસિક બચાવ કામગીરીમાં ખાણિયાઓને બચાવીને કેન્દ્રીય વ્યક્તિ તરીકે ઉભરી આવે છે.

આ મિશન રાનીગંજ ફિલ્મમાં અક્ષય કુમાર, પરિણીતી ચોપરા, કુમુદ મિશ્રા, પવન મલ્હોત્રા, રવિ કિશન, વરુણ બડોલા, દિવ્યેન્દુ ભટ્ટાચાર્ય, રાજેશ શર્મા, વીરેન્દ્ર સક્સેના, શિશિર શર્મા, અનંત મહાદેવન, જમીલ ખાન, સુધીર પાંડે, બચન પચેરા, મુકેશ ભટ્ટ, ઓમપુર દાસ માણિકપુર પણ સામેલ છે. આ ફિલ્મનું નિર્દેશન રુસ્તમ ફેમ ટીનુ સુરેશ દેસાઈએ કર્યું છે. આ ફિલ્મ 6 ઓક્ટોબરે સિનેમાઘરોમાં રિલીઝ થવાની છે. અક્ષય કુમાર છેલ્લે OMG 2 માં પંકજ ત્રિપાઠી અને યામી ગૌતમ સાથે જોવા મળ્યો હતો.

Tags :