Tiger 3: રીલિઝ દિવસના એડવાન્સ બુકિંગનું 15.58 કરોડ રૂપિયાનું કલેક્શન

Tiger 3: ફિલ્મ ઈન્ડસ્ટ્રી માટે 2023નું વર્ષ ખૂબ ખાસ રહ્યું છે. આ વર્ષે રીલિઝ થયેલી અનેક ફિલ્મોએ શાનદાર કમાણી કરી છે. ફિલ્મ ઈન્ડસ્ટ્રી માટે વર્ષનો અંત પણ ધમાકેદાર બની રહ્યો છે. ઓક્ટોબર મહિનામાં ભલે કોઈ ફિલ્મ સારી કમાણી નથી કરી શકી પરંતુ નવેમ્બર મહિનો ધમાકેદાર રહેવાનો છે. સલમાન ખાનની ટાઈગર 3 (Tiger 3) ફિલ્મ દિવાળી […]

Last Updated : 11 November 2023, 11:20 AM IST

Tiger 3: ફિલ્મ ઈન્ડસ્ટ્રી માટે 2023નું વર્ષ ખૂબ ખાસ રહ્યું છે. આ વર્ષે રીલિઝ થયેલી અનેક ફિલ્મોએ શાનદાર કમાણી કરી છે. ફિલ્મ ઈન્ડસ્ટ્રી માટે વર્ષનો અંત પણ ધમાકેદાર બની રહ્યો છે. ઓક્ટોબર મહિનામાં ભલે કોઈ ફિલ્મ સારી કમાણી નથી કરી શકી પરંતુ નવેમ્બર મહિનો ધમાકેદાર રહેવાનો છે. સલમાન ખાનની ટાઈગર 3 (Tiger 3) ફિલ્મ દિવાળી પર 12 નવેમ્બરના રોજ રીલિઝ થવા જઈ રહી છે.

Tiger 3 માટે દર્શકો આતુર

સલમાન ખાન અને કેટરિના કૈફની ફિલ્મ ટાઈગર 3 આ દિવાળીએ સિનેમાઘરોમાં આવવા જઈ રહી છે. ચાહકો ખૂબ આતુરતાથી આ ફિલ્મની રીલિઝની રાહ જોઈ રહ્યા છે. ચાહકોની આ અધીરાઈનો અંદાજ ફિલ્મ ટાઈગર 3 (Tiger 3)ના એડવાન્સ બુકિંગના આંકડાઓ પરથી લગાવી શકાય છે.

રવિવારના રોજ રીલિઝ થનારી આ ફિલ્મના એડવાન્સ બુકિંગને લોકોનો ખૂબ સારો પ્રતિસાદ મળી રહ્યો છે અને અત્યાર સુધીમાં 5,86,650 ટિકિટ વેચાઈ ગઈ છે જેના દ્વારા 15.58 કરોડ રૂપિયાનું કલેક્શન થયું છે. રિપોર્ટમાં એવું પણ કહેવામાં આવ્યું છે કે આ ડેટા બ્લોક સીટ વગરનો છે.

વધુ વાંચો: Elvish Yadavની તબિયત લથડી, રેવ પાર્ટીમાં સાપનું ઝેર સપ્લાય કરવાના આરોપોની થઈ રહી છે પૂછપરછ

દિવાળી પર 40 કરોડની કમાણી કરે તેવી શ્કયતા

સલમાન ખાનની ઈદ પર રીલિઝ થયેલી ફિલ્મ કિસી કા ભાઈ કિસી કી જાનને દર્શકોનો ખૂબ જ નબળો પ્રતિસાદ મળ્યો હતો પરંતુ આ ફિલ્મ ખૂબ જ ધમાકેદાર પ્રદર્શન આપશે તેમ જણાઈ રહ્યું છે. ફિલ્મની 5,86,650થી વધુ ટિકિટો વેચાઈ છે. આમાં હિન્દી 2D સંસ્કરણ માટે 5,49,988 ટિકિટો અને તેલુગુ 2D સંસ્કરણ માટે 21,049 ટિકિટોનો સમાવેશ થાય છે.

બીજી તરફ તમિલ શો માટે 3098 ટિકિટો વેચાઈ છે. ફિલ્મના IMAX 2D વર્ઝનનો ક્રેઝ પણ ઊંચો છે કારણ કે પહેલા દિવસ માટે 9,554 ટિકિટો વેચાઈ ગઈ છે. PVR INOX લિમિટેડના એક્ઝિક્યુટિવ ડિરેક્ટર સંજીવ કુમાર બિજલીએ જણાવ્યું હતું કે ટાઈગર 3 (Tiger 3)દિવાળી પર લગભગ 40 કરોડ રૂપિયાની કમાણી કરે તેવી અપેક્ષા છે.

વધુ વાંચો: Ishaan Khatter અને ચાંદની બેન્ઝ પિપ્પા ફિલ્મની સ્ક્રીનિંગમાં સાથે જોવા મળ્યા

શાહરુખ ખાન અને ઋતિક રોશનનો કેમિયો

ફિલ્મમાં જોયાના પાત્રમાં કેટરિના ફરી એક વખત જોવા મળશે. આ સિવાય શાહરુખ ખાન અને ઋતિક રોશનનો કેમિયો પણ ચાહકો માટે એક જોરદાર બોનસ હશે. જેની અસર એડવાન્સ બુકિંગ પર જોવા મળી રહી છે. આ વખતે વિલનના રુપમાં ઈમરાન હાશમી જોવા મળશે.

તમને જણાવી દઈએ કે સલમાન ખાનની ફિલ્મ ટાઈગર 3નું પ્રીબુકિંગ 5 નવેમ્બરના રોજ શરૂ થઈ ગયુ હતું. ત્યારે ફેન્સને પહેલાંથી ટિકિટ બુક કરવાનો મોકો મળ્યો છે. આ ફિલ્મ મલ્ટીપ્લેક્સમાં આ દિવાળી પર એટલે કે 12 નવેમ્બરના રોજ રીલિઝ થશે.

Tags :