Tiger 3: ટ્રેલર અને ટીઝરમાં ફિલ્મના કન્ટેન્ટનું 1% પણ નથી બતાવ્યું, બિગ સ્ક્રીન ધમાકા માટે રહો તૈયાર

Tiger 3: સલમાન ખાનની ફિલ્મ ટાઈગર-3 (Tiger 3) આ વર્ષની મોસ્ટ અવેઈટેડ ફિલ્મો પૈકીની એક છે. આ ફિલ્મમાં કેટરિના કૈફ અને ઈમરાન હાશ્મી પણ મુખ્ય ભૂમિકાઓમાં જોવા મળશે. ત્યારે આ ફિલ્મને લઈ એક લેટેસ્ટ અપડેટ સામે આવી છે. ડાયરેક્ટર મનીષ શર્મા (Maneesh Sharma)એ એવો ખુલાસો કર્યો છે કે, ફિલ્મના સૌથી રોમાંચક સીનને ટ્રેલર કે ટીઝરમાં […]

Last Updated : 29 October 2023, 08:20 AM IST

Tiger 3: સલમાન ખાનની ફિલ્મ ટાઈગર-3 (Tiger 3) આ વર્ષની મોસ્ટ અવેઈટેડ ફિલ્મો પૈકીની એક છે. આ ફિલ્મમાં કેટરિના કૈફ અને ઈમરાન હાશ્મી પણ મુખ્ય ભૂમિકાઓમાં જોવા મળશે. ત્યારે આ ફિલ્મને લઈ એક લેટેસ્ટ અપડેટ સામે આવી છે. ડાયરેક્ટર મનીષ શર્મા (Maneesh Sharma)એ એવો ખુલાસો કર્યો છે કે, ફિલ્મના સૌથી રોમાંચક સીનને ટ્રેલર કે ટીઝરમાં સામેલ નથી કરવામાં આવ્યા.

#Tiger3 's Advance Booking is HIGHER than #Pathaan ( Overseas ) And Pathaan Took ₹37cr Opening But #Jawan 's Advance Booking was Higher than #Tiger3 Because #ShahRukhKhan 's Previous Film was an ATBB so People thought they might not get ticket at the End time But that wasn't… pic.twitter.com/lHN0PWtWi0
— Kartik Agrawal (@Movie_Buff_22) October 29, 2023

Tiger 3 અંગે મોટો ખુલાસો

ફિલ્મના ડાયરેક્ટર મનીષ શર્માએ તાજેતરના એક ઈન્ટરવ્યુ દરમિયાન ખૂબ મહત્વનો ખુલાસો કરતા જણાવ્યું હતું કે, ટાઈગર-3ના ટ્રેલર કે ટીઝરમાં ફિલ્મના સૌથી રોમાંચક દૃશ્યો સામેલ નથી કરવામાં આવ્યા. મનીષ શર્માના કહેવા પ્રમાણે ટ્રેલર અને ટીઝરમાં ફિલ્મના એલિમેન્ટ્સની માત્ર 1% ઝલક જ દેખાડવામાં આવી છે.

વધુ વાંચો… Koffee with Karan S8: કરણ જોહરે ક્રિકેટરોને આમંત્રિત કરવા અંગે અનિશ્ચિતતા વ્યક્ત કરી

બેસ્ટ પાર્ટ બિગ સ્ક્રીન માટે બચાવ્યો

મનીષ શર્મા (Maneesh Sharma)એ એવો ખુલાસો કર્યો હતો કે, “અમે ટાઈગર-3ના ટીઝર અને ટ્રેલર એ દેખાડવા બનાવ્યા હતા કે ટાઈગરની વાર્તા કઈ રીતે આગળ વધે છે પરંતુ તમે હજુ અમારી પાસે જે કન્ટેન્ટ છે તેનું 1% પણ નથી જોયું, અમે બેસ્ટને મોટા પડદે દેખાડવા માટે બચાવીને રાખ્યું છે.”

મનીષ શર્માના કહેવા પ્રમાણે ટાઈગર-3 (Tiger 3)માં 50-60 ટકા જેટલો હિસ્સો મોટા પાયે એક્શન સીક્વન્સ છે અને તેઓ સૌને બસ એક નાનકડી ઝલક દેખાડવા ઈચ્છતા હતા કે તમે શું આશા રાખી શકો એમ છો. વધુમાં કહ્યું હતું કે, “અમે એ આશ્ચર્ય અને રોમાંચ ઈચ્છીએ છીએ જે તમે કદી વિચાર્યું પણ ન હોય તેવું જોવો અને અનુભવો.”

વધુ વાંચો… Raj Kundra: પોર્નોગ્રાફી કેસમાં જેલમાં થયેલા તેના અનુભવ વિશે ખુલાસો કર્યો

ટ્રેલરમાં ક્યાંય શાહરૂખ ન દેખાડ્યો

મેકર્સે ટાઈગર-3ના ટ્રેલરમાં માત્ર 2 મેજર એક્શન સીક્વન્સ દેખાડ્યા હતા. પહેલી સીક્વન્સ ઓસ્ટ્રિયામાં શૂટ થઈ હતી અને બીજી શાહરૂખ ખાન અને સલમાન ખાન વચ્ચેની બાઈક ચેન્જ સીક્વન્સ છે. જોકે ટ્રેલરમાં ક્યાંય શાહરૂખનો ચહેરો નથી જોવા મળતો. શર્માએ જણાવ્યું હતું કે, ટાઈગર-3 જેવી ફિલ્મો માટે ધીરજ રાખવી જરૂરી બની જાય છે. અમે સૌથી રોમાંચક સીન ટ્રેલરમાં ન દેખાય તેનું ધ્યાન રાખ્યું જેથી ટાઈગરના ચાહકો હોલમાં તે એક્સાઈટમેન્ટ ફીલ કરી શકે, સીટીઓ વગાડી શકે અને બૂમો પાડી શકે.

ટાઈગર-3 એક બિગ સ્ક્રીન ગેમ

ફિલ્મના ડાયરેક્ટર મનીષ શર્મા (Maneesh Sharma)એ ટાઈગર-3ને એક બિગ સ્ક્રીન ગેમ ગણાવી હતી અને તેઓ લોકોને સંપૂર્ણપણે સ્તબ્ધ કરી દેવા ઈચ્છે છે તેમ જણાવ્યું હતું. તેઓ ઈચ્છે છે કે, આ વર્ષે ટાઈગર-3 જ્યારે સિનેમાઘરોમાં ધૂમ મચાવે તો તેમના પાસે દિવાળી સ્પેશિયલ ધમાકો હોય અને તેમાં સફળતા મળશે તો ટાઈગર-3ની ટીમને સૌથી વધુ આનંદ થશે.

Tags :