જેઠાલાલ થીમ ટીશર્ટ પહેરી ફાફડા જલેબી વેચનાર વાયરલ

તારક મહેતા કા ઉલ્ટા ચશ્મામાં દરેક પાત્રોએ તેની આગવી જ ઓળખ ઊભી કરી છે અને તેમાં પણ જેઠાલાલના પાત્રએ અપાર પ્રેમ અને લોકપ્રિયતા મેળવી છે. દિલીપ જોશી દ્વારા નિભાવવામાં આવેલ પાત્ર જેઠાલાલનાં એક ચાહકે તેમની લોકપ્રિયતાનો અલગ જ રીતે લાભ ઉઠાવવા માટે જેઠાલાલને દર્શાવતી ટીશર્ટ પહેરીને ફાફડા અને જલેબી વેચવાનું શરૂ કર્યું છે. નાગપુરમાં રહેતા […]

Last Updated : 18 July 2023, 12:25 PM IST

તારક મહેતા કા ઉલ્ટા ચશ્મામાં દરેક પાત્રોએ તેની આગવી જ ઓળખ ઊભી કરી છે અને તેમાં પણ જેઠાલાલના પાત્રએ અપાર પ્રેમ અને લોકપ્રિયતા મેળવી છે. દિલીપ જોશી દ્વારા નિભાવવામાં આવેલ પાત્ર જેઠાલાલનાં એક ચાહકે તેમની લોકપ્રિયતાનો અલગ જ રીતે લાભ ઉઠાવવા માટે જેઠાલાલને દર્શાવતી ટીશર્ટ પહેરીને ફાફડા અને જલેબી વેચવાનું શરૂ કર્યું છે. નાગપુરમાં રહેતા આ વેચાણકારે અલગ જ અંદાજમાં ફાફડા અને જલેબી વેચતા લોકોનું ધ્યાન તેની તરફ આકર્ષાયું છે.

જો તમે TMKOC નિયમિત જોતાં હશો, તો તમે જલેબી-ફાફડા ખાવા માટે જેઠાલાલના અતૂટ પ્રેમથી પરિચિત હશો. શોમાં કઈ પણ હોય જેઠાલાલ ફાફડા જલેબી જોતાં જ પોતાને રોકી શકતો નથી. અનેકવાર તેણે ફાફડા અને જલેબીની પાર્ટી કરી છે. શો જોતી વખતે દર્શકો માટે પણ આ સ્વાદિષ્ટ નાસ્તા જોઈ મોંમાં પાણી આવી જતું હોય છે.

જેઠાલાલના ચાહક હોવાનો દાવો કરતાં, નાગપુરમાં એક ખૂમચાવાળાએ લોકોને આકર્ષવાની નવી જ તરકીબ અજમાવી છે. આ વિક્રેતાએ જેઠાલાલના ચિત્રોથી સુશોભિત કસ્ટમાઇઝ્ડ ટી-શર્ટ પહેરીને જલેબી-ફાફડા વેચવાનું શરૂ કર્યું. જે લોકોનું ધ્યાન ખેંચવામાં અસરકારક પુરવાર થયું છે. આ અંગેનો વિડીયો પણ વાયરલ થયો છે. વિડિયોમાં, ભાવેશ નામનો એક લારીવાળો જે TMKOCમાંથી જેઠાલાલનો જબરજસ્ત ચાહક છે, તે પીળા રંગની ટી-શર્ટ પહેરેલો જોવા મળે છે જેમાં બંને બાજુએ

જેઠાલાલની તસવીર હોય છે.

રિયલ જેઠાલાલ સાથે પણ સેલ્ફી લીધી

ભાવેશનો જેઠાલાલ માટેનો પ્રેમ માત્ર જલેબી-ફાફડા વેચવા કરતાં પણ આગળ છે કારણ કે તે જેઠાલાલનું પાત્ર ભજવનાર અભિનેતા દિલીપ જોશીને પણ મળ્યો હતો અને ગર્વથી તેમના સ્ટોલ પર તેમની સેલ્ફી અને ચિત્રો લગાવ્યા છે. ભાવેશને ફાફડાની કણક તૈયાર કરતા, પાતળી પટ્ટીઓ બનાવતા અને તળતા જોઈ શકાય છે. ત્યારબાદ, તેની માતા ટ્રેમાં ઢોકળા અને જલેબી સાથે સ્વાદિષ્ટ ફાફડા પીરસે છે.

આ વીડિયો ઈન્સ્ટાગ્રામ યુઝર વત્સલ જરીવાલાએ પોસ્ટ કર્યો છે. 3 દિવસ પહેલા પોસ્ટ કરવામાં આવેલ વીડિયોને 419k વ્યુઝ અને લાઈક્સ મળી છે. તેમાં એક ચાહકે કોમેન્ટ પણ કરી છે કે, ‘મજાની લાઇફ’.

તારક મહેતા કા ઉલ્ટા ચશ્મા સૌથી લાંબા સમય સુધી ચાલતા અને ખૂબ વખાણાયેલા ટેલિવિઝન શોમાંનો એક છે. ભીડેથી પોપટલાલ સુધીના દરેક પાત્રો શોમાં પોતપોતાની આગવી ચાર્મ છે. તેમાં પણ જેઠાલાલ આ શોમાં દરેકને મોહી લે છે. તેના સ્ક્રીન પર આવતા જ લોકો અનુભવે છે કે હવે મજા આવશે. અનેક વર્ષ થવા છતાં શોનું ટીઆરપી તેના પાત્રોને કારણે હંમેશા વધુ રહે છે. તેવા સમયે અનેક લોકો તેમાંથી પોતાના ફાયદા માટે આવું કઈક નવીન કરતાં રહે છે. આ ફાફડાવાળાએ પણ તે જ તરકીબ અજમાવી છે.

Tags :