વિજય દેવરકોંડાએ ફિલ્મ કુશીની સફળતા બાદ પરિવાર સાથે યાદદ્રી મંદિરની મુલાકાત લીધી

અભિનેતા વિજય દેવરકોંડાએ તેમની ફિલ્મ કુશીની સફળતા બાદ પરિવાર સાથે તેલંગાણાના યાદદ્રી મંદિરની મુલાકાત લીધી હતી. રવિવારે ઈન્સ્ટાગ્રામ પર, માયાથરી મૂવી મેકર્સે યાદદ્રી મંદિરમાંથી તેની તસવીરો શેર કરી હતી અને તેને કેપ્શન આપ્યું, “વિજય દેવરકોંડાએ તેમના પરિવાર અને કુશીની ટીમ સાથે કુશી ફિલ્મને બ્લોકબસ્ટર બનાવ્યા બાદ યાદદ્રી મંદિરમાં દિવ્ય આશીર્વાદ લીધા.” પારંપરિક પોશાકમાં વિજય દેવરકોંડાએ […]

Last Updated : 04 September 2023, 12:24 PM IST

અભિનેતા વિજય દેવરકોંડાએ તેમની ફિલ્મ કુશીની સફળતા બાદ પરિવાર સાથે તેલંગાણાના યાદદ્રી મંદિરની મુલાકાત લીધી હતી. રવિવારે ઈન્સ્ટાગ્રામ પર, માયાથરી મૂવી મેકર્સે યાદદ્રી મંદિરમાંથી તેની તસવીરો શેર કરી હતી અને તેને કેપ્શન આપ્યું, “વિજય દેવરકોંડાએ તેમના પરિવાર અને કુશીની ટીમ સાથે કુશી ફિલ્મને બ્લોકબસ્ટર બનાવ્યા બાદ યાદદ્રી મંદિરમાં દિવ્ય આશીર્વાદ લીધા.”

પારંપરિક પોશાકમાં વિજય દેવરકોંડાએ પૂજા કરી

વિજય દેવરકોંડાએ કુર્તા અને લુંગી સહિત સંપૂર્ણ પરંપરાગત પોશાક પહેર્યો હતો. તે તેના પરિવાર સાથે પ્રાર્થના કરતો જોવા મળ્યો હતો.

અગાઉ કુશીના નિર્માતાઓએ મૂવીના ટ્રેલરનું અનાવરણ કર્યું હતું, જેમાં સૌથી વધુ ઈચ્છનીય જોડી વિજય દેવરકોંડા અને સામંથાની આકર્ષક કેમિસ્ટ્રી કેપ્ચર કદર્શાવવામાં આવી હતી, જે રમૂજ અને મનોહર દ્રશ્યો સાથે તીવ્ર લાગણીઓનું સંપૂર્ણ મિશ્રણ છે.

કુશીનું ટ્રેલર પ્રેક્ષકોને આરાધ્યા અને વિપ્લવની હ્રદયસ્પર્શી દુનિયામાં લઈ જાય છે જેમણે રોમાંસની એક વિશ્વાસપાત્ર છતાં મનમોહક દુનિયા બનાવી અને તેમના પ્રેમની સફરમાં સાથે લઈ જાય છે અને જીવનની જેમ જ, આ પ્રવાસમાં પણ ઉતાર-ચઢાવ, સંઘર્ષ તેમજ કડવી ક્ષણો છે.

વિડિયોની શરૂઆત વિજય દેવરકોંડા અને સામંથા કાશ્મીરના પહાડોમાં પ્રેમની શોધ સાથે થાય છે.પરંતુ તેમની લવ સ્ટોરી ટૂંક સમયમાં બદલાઈ જાય છે કારણ કે તેમના પરિવારો તેમને અલગ કરવામાં સામેલ થાય છે. પરંતુ તેમના પરિવારોને ખોટા સાબિત કરવા માટે, સામંથા અને વિજય દેવરકોંડાના પાત્રો એક થાય છે, લગ્ન કરે છે અને પ્રવાસ પર નીકળે છે.કુશીનું ટ્રેલર રમૂજ, મધુર સંગીત અને મનોહર દ્રશ્યો સાથે તીવ્ર લાગણીઓનું મિશ્રણ છે.

પ્રથમ દિવસે જ કુશીએ 16 કરોડની કમાણી કરી હતી

શિવ નિર્વાણ દ્વારા લિખિત અને દિગ્દર્શિત અને માયાથરી મૂવી મેકર્સ દ્વારા નિર્મિત, કુશી 1 સપ્ટેમ્બરના રોજ તેલુગુ, તમિલ, કન્નડ અને મલયાલમ ભાષાઓમાં સિનેમાઘરોમાં રિલીઝ થઈ હતી. શરૂઆતના દિવસે ‘કુશી’ ફિલ્મ એ ભારતીય બોક્સ ઓફિસ પર પ્રભાવશાળી રૂ. 16 કરોડની કમાણી કરી હતી.

મહાનતી પછી, તે સામંથા અને વિજય દેવરકોંડાનો એકસાથે બીજો પ્રોજેક્ટ છે અને તે ફિલ્મ નિર્માતા શિવ નિર્વાણ સાથે સામંથાનો બીજો પ્રોજેક્ટ દર્શાવે છે, જેમણે અગાઉ મજિલીમાં તેની સાથે કામકર્યું હતું.

જયરામ, સચિન ખેડાકર, મુરલી શર્મા, લક્ષ્મી, અલી, રોહિણી, વેનેલા કિશોર, રાહુલ રામકૃષ્ણ, શ્રીકાંત આયંગર અને સરન્યા ફિલ્મના કલાકારોમાં સામેલ છે.

દરમિયાન, વિજય દેવરકોંડા એ ગૌતમ તિન્નાનુરીની નવી ફિલ્મમાં શ્રીલીલા સાથે સ્ક્રીન સ્પેસ શેર કરતો જોવા મળશે, જેનું નામ VD 12 છે.

બીજી તરફ, સામંથા પણ વરુણ ધવનની સામે એક્શન સિરીઝ સિટાડેલના ભારતીય રૂપાંતરણમાં જોવા મળશે. રાજ અને ડીકે દ્વારા બનાવવામાં આવેલ, આ સિરીઝ OTT પ્લેટફોર્મ એમેઝોન પ્રાઈમ વિડિયો પર સ્ટ્રીમ થશે.

Tags :