‘ડોન 3’માં શાહરૂખ ખાનની જગ્યાએ રણવીર સિંહને કેમ લેવામાં આવ્યો? ફરહાન અખ્તરે કર્યો ખુલાસો

બોલિવૂડ અભિનેતા અમિતાભ બચ્ચન અને શાહરૂખ ખાન પછી, અભિનેતા રણવીર સિંહ હિટ ફ્રેન્ચાઇઝીના ત્રીજા ભાગમાં ‘ડોન’ની ભૂમિકા ભજવવા માટે તૈયાર છે. નિર્દેશક ફરહાન અખ્તરે તાજેતરમાં એક ખાસ જાહેરાતનો વીડિયો શેર કર્યો છે. શાહરૂખ ખાન ‘ડોન 3’માં હોવાના અહેવાલ હતા, પરંતુ તેણે આ પ્રોજેક્ટમાંથી પીછેહઠ કરી હતી. હવે ફરહાને કહ્યું, ‘અમે પરસ્પર સંમતિથી અલગ થયા છીએ.’ […]

Last Updated : 23 September 2023, 07:03 AM IST

બોલિવૂડ અભિનેતા અમિતાભ બચ્ચન અને શાહરૂખ ખાન પછી, અભિનેતા રણવીર સિંહ હિટ ફ્રેન્ચાઇઝીના ત્રીજા ભાગમાં ‘ડોન’ની ભૂમિકા ભજવવા માટે તૈયાર છે. નિર્દેશક ફરહાન અખ્તરે તાજેતરમાં એક ખાસ જાહેરાતનો વીડિયો શેર કર્યો છે. શાહરૂખ ખાન ‘ડોન 3’માં હોવાના અહેવાલ હતા, પરંતુ તેણે આ પ્રોજેક્ટમાંથી પીછેહઠ કરી હતી. હવે ફરહાને કહ્યું, ‘અમે પરસ્પર સંમતિથી અલગ થયા છીએ.’ ડોન 3 ના નવા કાસ્ટિંગ પર ઘણા ચાહકોએ તેમની નિરાશા વ્યક્ત કરી. યુ.એસ.ના શ્રેષ્ઠ પ્રકાશન વેરાયટી સાથેની એક મુલાકાતમાં, નિર્દેશક ફરહાન અખ્તરે શેર કર્યું હતું કે તેણે અને શાહરૂખ ખાન ‘પરસ્પર સંમતિથી અલગ થયા’.

વાર્તા પર એકબીજાના વિચારો સાથે સહમત ન હતા : ફરહાન અખ્તર

એક ઈન્ટરવ્યુમાં ફરહાન અખ્તરે કહ્યું હતું કે તે ડોન-3ની વાર્તાને દિશા આપવા માંગતો હતો. જો કે, તે અને શાહરૂખ ખાન, જે આ શ્રેણીના છેલ્લા બે ભાગમાં મુખ્ય અભિનેતા હતા, તેની વાર્તા પર સહમત ન હતા. આ જ કારણ હતું કે ફરહાને શાહરૂખ ખાનને ડોન 3માંથી હટાવીને રણવીર સિંહ સાથે કામ કરવાનો નિર્ણય લીધો હતો.

શાહરૂખ અને હું પરસ્પર સંમતિથી અલગ થયાઃ ફરહાન અખ્તર

ફરહાન અખ્તરે કહ્યું, ‘હું કોઈને રિપ્લેસ કરવાની સ્થિતિમાં નથી. અમે વર્ષોથી આ બાબતોની ચર્ચા કરતા હતા. હું અને શાહરૂખ ખાન એ વાત પર સહમત નહોતા કે હું કહાણીને કઈ દિશામાં લઈ જવા માંગતો હતો. આ પછી અમે એકબીજા સાથે વાત કરી અને અલગ થવાનો નિર્ણય કર્યો. અમને લાગ્યું કે આ શ્રેણી માટે આ વધુ સારું રહેશે.

ફરહાને રણવીરને બેસ્ટ કહ્યું હતું

જ્યારથી આડોન 3ની જાહેરાત થઈ છે ત્યારથી રણવીર સિંહને શાહરૂખ ખાનની જગ્યા લેવા માટે ટ્રોલ કરવામાં આવી રહ્યો છે. આ પહેલા એક ઈન્ટરવ્યુમાં ફરહાન અખ્તરે રણવીરનો પક્ષ લીધો હતો અને તેને સપોર્ટ કર્યો હતો. તેણે કહ્યું હતું કે રણવીર સિંહ આ ભાગ માટે અદ્ભુત અને શ્રેષ્ઠ છે. તે પણ તમારા બધાની જેમ ઉત્સાહિત અને નર્વસ છે. તે આ પાત્રમાં ફિટ થવાનો પ્રયાસ કરી રહ્યો છે જે અમિતાભ જી અને શાહરૂખ ખાન એ ભજવ્યો છે.

2025 સુધીમાં શૂટિંગ શરૂ થશે

ડોન 3 ફિલ્મનું શૂટિંગ 2025 સુધીમાં શરૂ થશે. આ પહેલા ફરહાન અખ્તર તેના બે પ્રોજેક્ટ પૂરા કરશે. ફિલ્મમાં રણવીર સિંહની સામે કિયારા અડવાણીને કાસ્ટ કરવામાં આવી શકે છે. આમાં તે પ્રિયંકા ચોપરાનું સ્થાન લેશે.

પહેલી ‘ડોન’ 45 વર્ષ પહેલા આવી હતી

પહેલી ‘ડોન’ ફિલ્મ વર્ષ 1978માં રિલીઝ થઈ હતી. તેમાં અમિતાભ બચ્ચન, ઝીનત અમાન અને પ્રાણ હતા. આ પછી ફરહાન અખ્તરે આ ફિલ્મની રિમેક બનાવી, જેમાં શાહરૂખ ખાન હતો. ‘ડોન 2’માં શાહરૂખ ખાન પણ હતો અને ફરહાન ડિરેક્ટર હતો. હવે આ ફ્રેન્ચાઈઝીની ત્રીજી ફિલ્મ આવવાની છે.

Tags :