Ahmedabad: ગઢડાના એસપી સ્વામીની કારે સર્જ્યો ભયંકર અકસ્માત, પોલીસચોકીમાં જ ઘુસી

અમદાવાદમાં એસજી હાઈવે પર આવેલા થલતેજમાં એક જોરદાર અકસ્માત સર્જાયો હતો. આ અકસ્માત એસપી સ્વામીની કાર દ્વારા સર્જાયો હતો.

Last Updated : 04 January 2024, 08:40 AM IST

હાઈલાઇટ્સ

ગઢડા એસપી સ્વામીની કારે સર્જ્યો અકસ્માત
થલતેજ પોલીસ ચોકીમાં ઘુસાડી દીધી કાર
પોલીસ ચોકીને થયું ભારે નુકસાન, તપાસ હાથ ધરાઈ

અમદાવાદઃ શહેરના થલતેજ વિસ્તારમાં એક જોરદાર અકસ્માત સર્જાયો હતો. આ અકસ્માત ગઢડાના સ્વામિનારાયણ સંપ્રદાયના સ્વામી એસપી સ્વામીની કાર દ્વારા સર્જાયો હતો. આ અકસ્માત પછી સમગ્ર વિસ્તારમાં ચકચાર મચી ગઈ હતી. અમદાવાદની ટ્રાફિક પોલીસે આ મામલે ગુનો નોંધીને આગળની તપાસ હાથ ધરી છે.

પોલીસચોકીમાં ઘુસી કાર
પ્રાપ્ત રિપોર્ટ મુજબ, અમદાવાદના થલતેજ ચાર રસ્તા પાસે આ અકસ્માત સર્જાયો હતો. અહીં ટ્રાફિક પોલીસની ચોકી આવેલી છે. આ ટ્રાફિક પોલીસની ચોકીમાં જ ગઢડા એસપી સ્વામીની કાર ધુસી ગઈ હતી. પોલીસની તપાસમાં સામે આવ્યું કે આ કાર સ્વામિનારાયણ સંપ્રદાયના એસપી સ્વામી ચલાવી રહ્યા હતા. જેઓની કાર થલતેજ ટ્રાફિક પોલીસની ચોકીમાં ઘુસી ગઈ હતી. કોઈ કારણોસર કાર પરનો કાબૂ ગુમાવતા આ અકસ્માત સર્જાયો હોવાનું પોલીસ તપાસમાં સામે આવ્યું છે. જો કે, પોલીસ હાલ તપાસ કરી રહી છે.

કોઈ જાનહાનિ નહીં
કાર સીધી જ પોલીસ ચોકીમાં ઘુસી જતા તેને પણ ભારે નુકસાન પહોંચ્યું હતું. જો કે, આ ઘટનામાં કોઈ મોટી જાનહાનિ થઈ નથી. તેમની કાર કેટલી સ્પીડમાં હતી એ સહિતની માહિતી મેળવવા પોલીસે તપાસ હાથ ધરી છે. ખરે, આ મામલે પોલીસ તપાસમાં જ સાચુ કારણ જાણવા મળશે અને સામે આવશે.

Tags :