અમદાવાદ-કચ્છ હાઈવે પર કારને નડ્યો ગંભીર અકસ્માત, 4 લોકોના કમકમાટીભર્યા મોત

અમદાવાદ-કચ્છ હાઈવે પર ધ્રાંગધ્રા પાસે કાર ડિવાઈડર કુદીને સામેના રોડ પર આવી રહેલા ટ્રક સાથે અથડાતા અકસ્માતનો ભોગ બની હતી. જેમાં 4 લોકોના મોત થયા છે અને 3ને ગંભીર ઈજાઓ થઈ છે.

Last Updated : 07 December 2023, 12:53 PM IST

હાઈલાઇટ્સ

ધ્રાંગધ્રા પાસે કાર ડિવાઈડર કૂદીને ટ્રક સાથે અથડાતા ગંભીર અકસ્માત
અકસ્માતમાં મૂળ હળવદના 4 લોકોના મોત, 3 લોકોને થઈ ગંભીર ઈજા

અમદાવાદ-કચ્છ હાઈવે પર એક કાર અકસ્માતની ઘટના સામે આવી છે, જેમાં 4 લોકોના મોત થયા તેમજ 3 લોકો ઈજાગ્રસ્ત થયા હોવાના અહેવાલ છે. મળતી માહિતી અનુસાર કારચાલકે સ્ટેયરિંગ પરથી કાબૂ ગુમાવતા કાર ડિવાઈડરને ટકરાયા બાદ બીજી સાઈડ રોડ પર આવી રહેલા ટ્રક સાથે અથડાતા ગમખ્વાર અકસ્માત સર્જાયો હતો. બનાવની જાણ થતાં પોલીસ અને મેડિકલ ટીમ ઘટનાસ્થળે પહોંચી હતી અને મૃતદેહોને પોસ્ટમોર્ટમ અને ઈજાગ્રસ્તોને સારવાર માટે હોસ્પિટલ ખસેડવાની કામગીરી હાથ ધરી હતી.

અકસ્માતમાં 4 લોકોના મોત
અમદાવાદ-કચ્છ હાઈવે ઉપર ધ્રાંગધ્રા બાયપાસ પાસે કાર ડિવાઈડર કુદાવી સામેથી આવતી આઈસર સાથે અથડાઈ હતી. આ અકસ્માતમાં હળવદના 4 યુવકોએ જીવ ગુમાવ્યો છે. જ્યારે 3 લોકો ગંભીર રીતે ઈજાગ્રસ્ત થતાં હોસ્પિટલ ખસેડાયા છે. બનાવને પગલે રોડ પર ટ્રાફિકજામ પણ સર્જાયો હતો. બનાવને પગલે ધ્રાંગધ્રા પોલીસે અકસ્માતે મોતનો ગુનો દાખલ કરીને આગળની તપાસ હાથ ધરી છે.

મૃતકોના નામ
કાનજી ભૂપતભાઈ
ઉમેશ જગદીશભાઈ
કરશન ભરતભાઈ
કિરણ સુરેલા

ઈજાગ્રસ્તોના નામ
અમિત જગદીશભાઈ
કાનાભાઈ સુરેલા
સુરેશ ધામેચા

Tags :