Janbhawna TimesBharatvarshSaurashtra KutchSalaam TeluguThe India Daily Live

ઉજ્જૈનમાં 12 વર્ષની કિશોરી પર દુષ્કર્મ, અર્ધનગ્ન હાલતમાં મદદ માટે ભટકતી રહી

મધ્યપ્રદેશના ઉજ્જૈન શહેરમાં, એક હ્રદયદ્રાવક ઘટના સામે આવી છે. જેમાં 12 વર્ષની કિશોરી પર દુષ્કર્મ ગુજારવામાં આવ્યો છે. આ કિશોરી ઘાયલ થઈ ગઈ હતી અને તે અર્ધનગ્ન હાલતમાં મદદ માટે ભટકતી  હતી. પરંતુ કોઈએ તેની મદદ કરી ન હતી. ઉજ્જૈનનો સ્થાનિક રહેવાસી તેને ભગાડી ગયો હોવાનું સામે આવ્યું છે. પોલીસના જણાવ્યા અનુસાર, ઘટનાના સીસીટીવી ફૂટેજ […]

Admin
  • Last Updated : 28 September 2023, 11:55 AM IST

Share:

મધ્યપ્રદેશના ઉજ્જૈન શહેરમાં, એક હ્રદયદ્રાવક ઘટના સામે આવી છે. જેમાં 12 વર્ષની કિશોરી પર દુષ્કર્મ ગુજારવામાં આવ્યો છે. આ કિશોરી ઘાયલ થઈ ગઈ હતી અને તે અર્ધનગ્ન હાલતમાં મદદ માટે ભટકતી  હતી. પરંતુ કોઈએ તેની મદદ કરી ન હતી. ઉજ્જૈનનો સ્થાનિક રહેવાસી તેને ભગાડી ગયો હોવાનું સામે આવ્યું છે. પોલીસના જણાવ્યા અનુસાર, ઘટનાના સીસીટીવી ફૂટેજ વાયરલ થયા હતા અને રાજકીય આક્રોશ ફાટી નીકળ્યો હતો.

12 વર્ષની બાળાને સ્થાનિક આશ્રમના અધિકારી હોસ્પિટલ લઈ ગયા

પોલીસે જણાવ્યું હતું કે કિશોરીને આખરે સ્થાનિક આશ્રમના અધિકારી દ્વારા બચાવી લેવામાં આવી હતી જે તેને ખાનગી હોસ્પિટલમાં લઈ ગયા હતા, જ્યાં તબીબી તપાસમાં તેના પર દુષ્કર્મ થયો હોવાની પુષ્ટિ થઈ હતી. 

રાજ્યના ગૃહ મંત્રી નરોત્તમ મિશ્રાના જણાવ્યા અનુસાર, ગુનામાં એક શંકાસ્પદની અટકાયત કરવામાં આવી છે અને સંપૂર્ણ તપાસ માટે SIT (વિશેષ તપાસ ટીમ) ની રચના કરવામાં આવી છે. SP સચિન શર્માના જણાવ્યા અનુસાર, શંકાસ્પદ વ્યક્તિ ઉજ્જૈનનો 40 વર્ષનો ઓટો-રિક્ષા ડ્રાઈવર છે. સીસીટીવી ફૂટેજમાં ઓટો ચાલક યુવતી સાથે વાતચીત કરતો જોવા મળ્યો હતો. જ્યારે પોલીસે તેની ઓટો જપ્ત કરી ત્યારે પેસેન્જર સીટ પર લોહીના ડાઘા જોવા મળ્યા હતા.

પોલીસે જણાવ્યું કે કિશોરીની ઓળખ હજુ સુધી થઈ શકી નથી, તે ખતરાની બહાર છે અને તેની ઈન્દોરની હોસ્પિટલમાં સારવાર ચાલી રહી છે.

પ્રારંભિક તપાસમાં કિશોરી પર દુષ્કર્મની પુષ્ટિ થઈ

ઉજ્જૈનના SP સચિન શર્માએ જણાવ્યું હતું કે ઉજ્જૈનના મહાકાલ પોલીસ સ્ટેશન વિસ્તાર હેઠળના બદનગર રોડ પર 12 વર્ષની કિશોરી સોમવારે લોહીલુહાણ હાલતમાં મળી આવી હતી. આ વિસ્તારના દાંડી આશ્રમના સંચાલક રાહુલ શર્માએ તેને બચાવી અને ખાનગી હોસ્પિટલમાં લઈ ગયા જ્યાં પ્રારંભિક તબીબી તપાસમાં તેના પર દુષ્કર્મ થયો હોવાની પુષ્ટિ થઈ હતી. આશ્રમના અધિકારીએ પોલીસને જાણ કરી હતી.

તેમણે કહ્યું, “યુવતીની હાલત ગંભીર હતી અને ત્યારબાદ તેને ઈન્દોરની સરકારી હોસ્પિટલમાં રીફર કરવામાં આવી હતી. તે યોગ્ય રીતે વાત કરી શકતી નથી અને કોઈપણ વિગતો પ્રદાન કરી શકતી નથી પરંતુ એક ભાષા નિષ્ણાતે જણાવ્યું હતું કે તેણી પ્રયાગરાજની હોઈ શકે છે.”

ઉજ્જૈન હોસ્પિટલના ડોકટરો કે જેઓ કિશોરીને સારવાર આપે છે તેમણે જણાવ્યું હતું કે તેને હોસ્પિટલમાં દાખલ કરવામાં આવે તેના 24-36 કલાક પહેલા તેના પર દુષ્કર્મ થયો હતો અને તેના પ્રાઈવેટ પાર્ટ્સમાં ગંભીર ઈજાઓને કારણે તેનું ઓપરેશન કરવું પડ્યું હતું.

SPએ જણાવ્યું હતું કે જે વિસ્તારોમાં કિશોરીને મદદ માટે ભટકતી જોવા મળી હતી ત્યાંના સીસીટીવી ફૂટેજ સૂચવે છે કે તેને બચાવી લેવામાં આવે તે પહેલાં તે આઠ કિલોમીટર સુધી ચાલી હતી. એક સમયે, તે મદદ માટે તેના ઘરે ગઈ ત્યારે તેને એક માણસ દ્વારા ભગાડી જતા જોવામાં આવી હતી.

Tags :

Related News

Recent News

×