Manipurમાં ગોળીઓના ઘા સાથે એક મહિલા સહિત 2 લોકોના મૃતદેહ મળી આવ્યા

Manipur: મણિપુર (Manipur)ના ઈમ્ફાલ પૂર્વ અને પશ્ચિમ જિલ્લામાં ગોળીઓના ઘા સાથે એક મહિલા સહિત બે મૃતદેહ મળી આવ્યા હતા. બુધવારના રોજ ઈમ્ફાલ પશ્ચિમ જિલ્લાના તૈરેનપોકપી વિસ્તાર નજીક આ આધેડ મહિલાનો મૃતદેહ મળ્યો હતો. પોલીસે ગુરુવારે આ માહિતી આપી હતી. પોલીસના જણાવ્યા અનુસાર, જે લોકો મૃત્યુ પામ્યા હતા તેમની આંખો પર પટ્ટી બાંધેલી હતી. તેમના હાથ […]

Last Updated : 09 November 2023, 11:46 AM IST

Manipur: મણિપુર (Manipur)ના ઈમ્ફાલ પૂર્વ અને પશ્ચિમ જિલ્લામાં ગોળીઓના ઘા સાથે એક મહિલા સહિત બે મૃતદેહ મળી આવ્યા હતા. બુધવારના રોજ ઈમ્ફાલ પશ્ચિમ જિલ્લાના તૈરેનપોકપી વિસ્તાર નજીક આ આધેડ મહિલાનો મૃતદેહ મળ્યો હતો. પોલીસે ગુરુવારે આ માહિતી આપી હતી.

પોલીસના જણાવ્યા અનુસાર, જે લોકો મૃત્યુ પામ્યા હતા તેમની આંખો પર પટ્ટી બાંધેલી હતી. તેમના હાથ પીઠ પાછળ બાંધેલા હતા અને તેમના માથા પર ગોળીઓના નિશાન હતા. પોલીસે જણાવ્યું કે આ મહિલા એ ચાર ગુમ થયેલા લોકોમાંથી એક છે જેનું 7 નવેમ્બરના રોજ ઈમ્ફાલ પશ્ચિમ જિલ્લાના કાંગચુપ તળેટીમાંથી અપહરણ કરવામાં આવ્યું હતું. આ મહિલાના મૃતદેહને પોસ્ટમોર્ટમ માટે પ્રાદેશિક ઈન્સ્ટિટ્યૂટ ઓફ મેડિકલ સાયન્સ (RIMS), ઈમ્ફાલમાં મોકલવામાં આવ્યો છે.

અન્ય એક અધિકારીએ જણાવ્યું કે મંગળવારે મોડી રાત્રે મણિપુરના ઈમ્ફાલ પૂર્વ જિલ્લાના તખોક મપાલ માખા વિસ્તારમાંથી આશરે 40 વર્ષની વયના માનવામાં આવતા એક વ્યક્તિનો મૃતદેહ મળી આવ્યો હતો.

પોલીસ અધિકારીએ જણાવ્યું કે FIR નોંધવામાં આવી છે અને હાલ તપાસ ચાલી રહી છે.

વધુ વાંચો: ઉત્તરપ્રદેશના Aligarhનું નામ બદલીને હરિગઢ થશે, મ્યુનિસિપલ કોર્પોરેશને પ્રસ્તાવ પાસ કર્યો

Manipurમાં મૈતેઈ લોકોના ટોળાએ ચાર કુકી લોકોનું અપહરણ કર્યું

7 નવેમ્બરના રોજ મણિપુર (Manipur)ના કાંગપોકપી જિલ્લાના કાંગચુપ ચિંગખોંગ ગામ નજીક એક ચેક પોઈન્ટ પર મૈતેઈ લોકોના ટોળાએ એક વાહનને રોક્યું અને તેમાં મુસાફરી કરી રહેલા ચાર કુકી લોકોનું અપહરણ કર્યું હતું. આમાંથી ત્રણ લોકો સૈનિકના પરિવારના છે. તેમાં સૈનિકની માતાનો પણ સમાવેશ થાય છે.

લોકોના અપહરણના સમાચાર ફેલાતા જ કેટલાક કુકી લોકો હાથમાં હથિયારો સાથે ઘટનાસ્થળે પહોંચી ગયા અને કાંગચુપ તરફ ગોળીબાર શરૂ કરી દીધો. આ ફાયરિંગમાં બે પોલીસકર્મી અને એક મહિલા સહિત નવ લોકો ઘાયલ થયા છે. ઘાયલોને ઈમ્ફાલ હોસ્પિટલમાં દાખલ કરવામાં આવ્યા છે.

પોલીસે જણાવ્યું કે પાંચ કુકી લોકો ચુરાચંદપુરથી કાંગપોકપી તરફ જઈ રહ્યા હતા ત્યારે કાંગપોકપી બોર્ડર પર ઈમ્ફાલ પશ્ચિમમાં પ્રવેશતા જ મૈતેઈ સમુદાયના કેટલાક લોકોએ તેમના પર હુમલો કર્યો.

એક અહેવાલમાં જણાવ્યા અનુસાર, બે દિવસ પહેલા કાંગપોકપી જિલ્લાની નજીકના સેકમાઈ વિસ્તારમાંથી બે મૈતેઈ વિદ્યાર્થીઓ ગુમ થઈ ગયા હતા, ત્યારબાદ મૈતેઈ સમુદાયના લોકોએ કુકી લોકો પર હુમલો કર્યો હતો.

વધુ વાંચો: Nitish Kumarએ મહિલા શિક્ષણ અંગે વિવાદાસ્પદ ટિપ્પણી માટે માંગી માફી

ગત મે મહિનાથી મણિપુરમાં હિંસા યથાવત

મે મહિનામાં વંશીય સંઘર્ષ પ્રથમ વખત ફાટી નીકળ્યો ત્યારથી મણિપુર (Manipur) વારંવાર હિંસાથી પ્રભાવિત છે. ત્યારથી અત્યાર સુધીમાં 180 થી વધુ લોકોના મોત થયા છે.

મણિપુર (Manipur)ની વસ્તીના લગભગ 53 ટકા મૈતેઈનો હિસ્સો છે અને તેઓ મોટાભાગે ઈમ્ફાલ ખીણમાં રહે છે, જ્યારે આદિવાસીઓ, જેમાં નાગા અને કુકીનો સમાવેશ થાય છે, જે 40 ટકા છે અને મુખ્યત્વે પહાડી જિલ્લાઓમાં રહે છે.

Tags :