આંધ્રપ્રદેશના પૂર્વ મુખ્યમંત્રી ચંદ્રબાબુ નાયડુની ભ્રષ્ટાચારના આરોપમાં ધરપકડ કરવામાં આવી

તેલુગુ દેશમ પાર્ટી (TDP) ના વડા અને આંધ્રપ્રદેશના ભૂતપૂર્વ મુખ્યમંત્રી એન ચંદ્રબાબુ નાયડુ આજે ભ્રષ્ટાચારના આરોપમાં ધરપકડ કરવામાં આવી છે. ત્યારબાદ તેમને વિજયવાડા લઈ જવામાં આવ્યા. આંધ્ર પ્રદેશ સ્ટેટ સ્કિલ ડેવલપમેન્ટ કોર્પોરેશન (APSSDC)માં તેમના કાર્યકાળ દરમિયાન ₹ 317 કરોડના કથિત ભ્રષ્ટાચારના આરોપમાં TDP વડાની ધરપકડ કરવામાં આવી છે. આ સંસ્થાની સ્થાપના TDPના શાસન દરમિયાન યુવાનોને […]

તેલુગુ દેશમ પાર્ટી (TDP) ના વડા અને આંધ્રપ્રદેશના ભૂતપૂર્વ મુખ્યમંત્રી એન ચંદ્રબાબુ નાયડુ આજે ભ્રષ્ટાચારના આરોપમાં ધરપકડ કરવામાં આવી છે. ત્યારબાદ તેમને વિજયવાડા લઈ જવામાં આવ્યા. આંધ્ર પ્રદેશ સ્ટેટ સ્કિલ ડેવલપમેન્ટ કોર્પોરેશન (APSSDC)માં તેમના કાર્યકાળ દરમિયાન ₹ 317 કરોડના કથિત ભ્રષ્ટાચારના આરોપમાં TDP વડાની ધરપકડ કરવામાં આવી છે. આ સંસ્થાની સ્થાપના TDPના શાસન દરમિયાન યુવાનોને કૌશલ્ય પ્રશિક્ષણ આપવા માટે કરવામાં આવી હતી. 

વહેલી સવારે ચંદ્રબાબુ નાયડુને કસ્ટડીમાં લેવાયા

મધ્યરાત્રિ પછી ભારે ડ્રામા બાદ આંધ્રપ્રદેશના ગુનાહિત તપાસ વિભાગના અધિકારીઓએ આજે ​​વહેલી સવારે ચંદ્રબાબુ નાયડુને કસ્ટડીમાં લીધા હતા.

મોડી રાત્રે, અધિકારીઓ નંદ્યાલ ખાતે એક ફંક્શન હોલમાં પહોંચ્યા અને ચંદ્રબાબુ નાયડુને ભ્રષ્ટાચારના આરોપમાં ધરપકડ વોરંટ આપ્યું. જો કે, TDP વડાના સમર્થકોએ વિરોધ કર્યો હોવાથી તેઓ તેમને કસ્ટડીમાં લઈ શક્યા ન હતા.

પોલીસ અને ચંદ્રબાબુ નાયડુના સમર્થકો વચ્ચે નજીવી અથડામણ પણ થઈ હતી. ચંદ્રબાબુ નાયડુએ આક્ષેપ કર્યો છે કે પોલીસ પાસે કોઈ પુરાવા નથી. ચંદ્રબાબુ નાયડુએ કહ્યું, “મને બતાવો કે મારું નામ ક્યાં છે. તેઓ મૂળભૂત પુરાવા વિના મારી ભ્રષ્ટાચારના આરોપમાં ધરપકડ કેવી રીતે કરી શકે?”

ચંદ્રબાબુ નાયડુને પાઠવવામાં આવેલી નોટિસમાં, CIDની આર્થિક અપરાધ શાખાના વરિષ્ઠ અધિકારી એમ ધનુનજયુડુએ કહ્યું, “તમને જાણ કરવામાં આવે છે કે તમારી ભ્રષ્ટાચારના આરોપમાં ધરપકડ કરવામાં આવી છે.”

કલમ 465 હેઠળ આરોપ મુકાયો

ભૂતપૂર્વ મુખ્યમંત્રી ચંદ્રબાબુ નાયડુ પર ગુનાહિત કાવતરું, ભ્રષ્ટાચાર અને અપ્રમાણિકપણે મિલકતની ડિલિવરી કરવા માટે કલમ 465 હેઠળ ભ્રષ્ટાચારના આરોપ મૂકવામાં આવ્યો છે. 

ધરપકડ બાદ, ચંદ્રબાબુ નાયડુના અધિકૃત X એકાઉન્ટ પર એક પોસ્ટ કરવામાં આવી હતી કે “પૃથ્વી પરની કોઈ શક્તિ મને તેલુગુ લોકોની સેવા કરતા રોકી શકશે નહીં.”

ચંદ્રબાબુ નાયડુની ધરપકડ થોડા દિવસો બાદ થઈ છે જ્યારે તેમણે દાવો કર્યો હતો કે તેમની ટૂંક સમયમાં ધરપકડ કરવામાં આવશે. અનંતપુર જિલ્લામાં એક જાહેર સભામાં ચંદ્રબાબુ નાયડુએ કહ્યું, “આજે અથવા કાલે તેઓ મારી ધરપકડ કરી શકે છે. તેઓ મારા પર હુમલો પણ કરી શકે છે. એક નહીં, તેઓ અનેક અત્યાચારો કરશે.” 

મીડિયાકર્મીઓને તેમના સંબોધનમાં, રાજ્ય CIDના એક વરિષ્ઠ અધિકારીએ ચંદ્રબાબુ નાયડુને કથિત ભ્રષ્ટાચારના આરોપમાં “મુખ્ય આરોપી” તરીકે ઉલ્લેખ કર્યો. 

આંધ્ર CIDના એડિશનલ ડીજીપી એન સંજય એ જણાવ્યું હતું, “આંધ્રપ્રદેશ સરકારે ₹ 371 કરોડ બહાર પાડ્યા હતા, જેમાંથી મોટો ભાગ પાછો ખેંચી લેવામાં આવ્યો હતો અને માત્ર એક નાનો ભાગ જ સ્ટેટ સ્કિલ ડેવલપમેન્ટ કોર્પોરેશનની સ્થાપના માટે કાર્યરત હતો. આમાંથી મોટા ભાગના નાણાં નકલી ઈન્વવોઈસનો ઉપયોગ કરીને શેલ કંપનીઓ દ્વારા ટ્રાન્સફર કરવામાં આવ્યા હતા.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India