Janbhawna TimesBharatvarshSaurashtra KutchSalaam TeluguThe India Daily Live

Navratri 2023: ગુજરાત હાઈકોર્ટે નવરાત્રીમાં ધ્વનિ પ્રદૂષણની ફરિયાદમાં હસ્તક્ષેપ કરવાનો ઈનકાર કર્યો

Navratri 2023: ગુજરાત હાઈકોર્ટે મધરાત પછી પણ નવરાત્રીની ઉજવણી કરવાની મંજૂરી આપવા માટે રાજ્યના ગૃહમંત્રી દ્વારા પોલીસ અધિકારીઓને આપવામાં આવેલી કથિત મૌખિક સૂચનાઓ સામે બુધવારે સવારે એક નાગરિક દ્વારા દાખલ કરવામાં આવેલી ફરિયાદમાં હસ્તક્ષેપ કરવાનો ઈનકાર કર્યો હતો.  ગુજરાત હાઈકોર્ટ (Gujarat High Court)ના ન્યાયાધીશોએ ફરિયાદીને FIR દાખલ કરવા અથવા પોલીસ કંટ્રોલ રૂમને ફોન કરીને ધ્વનિ […]

Admin
  • Last Updated : 20 October 2023, 12:46 PM IST

Share:

Navratri 2023: ગુજરાત હાઈકોર્ટે મધરાત પછી પણ નવરાત્રીની ઉજવણી કરવાની મંજૂરી આપવા માટે રાજ્યના ગૃહમંત્રી દ્વારા પોલીસ અધિકારીઓને આપવામાં આવેલી કથિત મૌખિક સૂચનાઓ સામે બુધવારે સવારે એક નાગરિક દ્વારા દાખલ કરવામાં આવેલી ફરિયાદમાં હસ્તક્ષેપ કરવાનો ઈનકાર કર્યો હતો. 

ગુજરાત હાઈકોર્ટ (Gujarat High Court)ના ન્યાયાધીશોએ ફરિયાદીને FIR દાખલ કરવા અથવા પોલીસ કંટ્રોલ રૂમને ફોન કરીને ધ્વનિ પ્રદૂષણ પર સુપ્રીમ કોર્ટના આદેશના કોઈપણ ઉલ્લંઘન વિશે જાણ કરવા જણાવ્યું હતું.

ફરિયાદીએ ચીફ જસ્ટિસ સુનીતા અગ્રવાલ અને જસ્ટિસ અનિરુદ્ધ માઈની બેંચ સમક્ષ રજૂઆત કરી હતી કે ગરબા આયોજકોએ ગરબા (Navratri 2023) ઈવેન્ટ્સ દરમિયાન અનુમતિ સમય મર્યાદા કરતાં વધુ લાઉડ મ્યુઝિક વગાડીને સુપ્રીમ કોર્ટના નિર્દેશોનું ઉલ્લંઘન કર્યું છે.

વધુ વાંચો: ગુજરાત પોલીસે એક જ દિવસમાં 851 સ્પા સેન્ટર પર દરોડા પાડયા

Navratri 2023ને કારણે અપાઈ મંજૂરી

આ દરમિયાન, રાજ્યના ગૃહમંત્રી હર્ષ સંઘવીએ મંગળવારે પોલીસ વિભાગને મધ્યરાત્રિ પછી ઉજવણીની મંજૂરી આપવાનો ઔપચારિક નિર્દેશ આપ્યો હતો. આ બાબતે ફરિયાદીએ હાઈકોર્ટ (Gujarat High Court)ને કહ્યું કે, “આ કોર્ટનો તિરસ્કાર છે.” 

કોર્ટ (Gujarat High Court) દ્વારા પૂછવામાં આવતા ફરિયાદીએ જણાવ્યું હતું કે રિવરફ્રન્ટ ખાતે મધરાત બાદ પણ ગરબા (Navratri 2023)નો કાર્યક્રમ ચાલુ રહ્યો હતો. CJ સુનીતા અગ્રવાલે તેમને ઉલ્લંઘન કરનારાઓ વિરુદ્ધ પોલીસ ફરિયાદ નોંધાવવાની સૂચના આપી હતી. CJએ ફરિયાદીને કહ્યું, “મધરાત પછી લાઉડ મ્યુઝિક ચાલુ ન રાખવાની સૂચના છે. ઉલ્લંઘન કરનારા સામાન્ય લોકો છે. તમે સતર્ક છો. જાઓ અને ફરિયાદ કરો. પોલીસ કન્ટ્રોલ રૂમને 100 નંબર પર ફોન કરો અને ફરિયાદ નોંધાવો.” 

ફરિયાદીએ ન્યાયાધીશોનું ધ્યાન કોર્ટરૂમમાં લખેલી એક કહેવત તરફ દોર્યું અને તેને મોટેથી વાંચ્યું હતું, “કાયદો રાજાઓનો રાજા છે. કાયદાથી વધુ શક્તિશાળી બીજું કંઈ નથી જેની મદદથી નબળાઓ પણ મજબૂત પર કાબુ મેળવી શકે છે.”

CJએ જવાબ આપ્યો, “તેથી તમે પોલીસને ફોન કરીને સક્ષમ લોકોને હરાવી શકો છો. આ અંગે પહેલાથી જ આદેશો છે. પોલીસ અધિકારીઓએ તેનો અમલ કરવો જોઈએ. જો કોઈ ઉલ્લંઘન હોય, તો તેની જાણ કરો. પોલીસ તેની નોંધ લેશે.” 

વધુ વાંચો: રાજવી પેલેસમાં ક્ષત્રિયાણીઓના તલવાર રાસ, જીપ રાસ, બુલેટ રાસ બન્યા આકર્ષણનું કેન્દ્ર

CJએ વધુમાં કહ્યું કે, “દરેક કેસમાં કોર્ટે (Gujarat High Court) દખલ ન કરવી જોઈએ. નહીં તો અમે પણ પોલીસ બની જઈશું. અમે પોલીસ અધિકારી નથી.” જસ્ટિસ અનિરુદ્ધ માઈએ ફરિયાદીને જણાવ્યું હતું કે કોર્ટના ઓર્ડરનો ભંગ થાય તો પોલીસનું તેના તરફ ધ્યાન દોરો. આ એકમાત્ર ઉપાય છે. કોર્ટ દ્વારા આપવામાં આવેલા આદેશોનો જ્યાં સુધી યોગ્ય રીતે અમલ કરવામાં ન આવે ત્યાં સુધી તેનો કોઈ અર્થ રહેશે નહીં. સુપ્રીમ કોર્ટના આદેશો તેમને લાગુ કરવાના છે અને ઉલ્લંઘન ફક્ત તેમના ધ્યાન પર લાવવાનું છે. મધરાત પછી ગરબા (Navratri 2023) ચાલુ રાખીને સુપ્રીમ કોર્ટના આદેશનો ભંગ થતો હોય તો FIR ફાઈલ કરો.”

Tags :

Related News

Recent News

×