Janbhawna TimesBharatvarshSaurashtra KutchSalaam TeluguThe India Daily Live

બેંગલુરુમાં લાગ્યો લાંબો ટ્રાફિક જામ, શાળાના બાળકો રાત્રે 9 વાગ્યા સુધી અટવાયા

બેંગલુરુમાં ટેક કોરિડોર, આઉટર રિંગ રોડ (ORR) પર 27 સપ્ટેમ્બરના રોજ લાંબો ટ્રાફિક જામ જોવા મળ્યો હતો. પરિસ્થિતિ એટલી ગંભીર હતી કે શાળાના બાળકો રાત્રે 9 વાગ્યા સુધી ભારે ટ્રાફિક જામને ઘરે પહોંચી શક્યા ન હતા. લોકોને માત્ર 1 કિમીનું અંતર કાપવા માટે 2 કલાકથી વધુ સમય લાગ્યો હતો. બેંગલુરુના આઉટર રિંગ રોડ પર ભારે […]

Admin
  • Last Updated : 28 September 2023, 11:57 AM IST

Share:

બેંગલુરુમાં ટેક કોરિડોર, આઉટર રિંગ રોડ (ORR) પર 27 સપ્ટેમ્બરના રોજ લાંબો ટ્રાફિક જામ જોવા મળ્યો હતો. પરિસ્થિતિ એટલી ગંભીર હતી કે શાળાના બાળકો રાત્રે 9 વાગ્યા સુધી ભારે ટ્રાફિક જામને ઘરે પહોંચી શક્યા ન હતા. લોકોને માત્ર 1 કિમીનું અંતર કાપવા માટે 2 કલાકથી વધુ સમય લાગ્યો હતો. બેંગલુરુના આઉટર રિંગ રોડ પર ભારે ટ્રાફિક જામને લઈને ટ્રાફિક પોલીસે આઈટી કંપનીઓ માટે એડવાઈઝરી પણ જાહેર કરી હતી.

કાવેરી જળ વિવાદને કારણે ટ્રાફિક જામ સર્જાયો!

બેંગલુરુના આઉટર રિંગ રોડ પર ભારે ટ્રાફિક જામના કારણે વાહનોમાં લોકો 5 કલાકથી વધુ સમય સુધી લોકો ફસાયેલા રહ્યા હતા. આ જામ ખેડૂતો અને કન્નડ સંગઠનોની ‘કર્ણાટક જળ સંરક્ષણ સમિતિ’ દ્વારા બોલાવવામાં આવેલા બેંગલુરુ બંધના એક દિવસ બાદ થયો હતો. કાવેરી નદીનું પાણી તમિલનાડુને છોડવાના વિરોધમાં આ બંધનું એલાન કરવામાં આવ્યું હતું.

ગઈકાલે બેંગલુરુમાં ભારે ટ્રાફિક જામના કારણે કોમેડિયન ટ્રેવર નોઆએ પોતાનો શો રદ્દ કરી દીધો હતો. આ શો આઉટર રિંગ રોડ વિસ્તારમાં થવાનો હતો. 

લોન્ગ વીકેન્ડ આવતો હોવાથી બેંગલુરુ ટ્રાફિકમય બન્યું

બેંગલુરુ ટ્રાફિક કમિશનરે જણાવ્યું કે તેઓ તેમની ટીમ સાથે આઉટર રિંગ રોડ (ORR) પર હતા. તેમણે જણાવ્યું કે ટ્રાફિક સામાન્ય કરતા બમણો હતો. સામાન્ય રીતે બુધવારે વાહનોની સંખ્યા 1.5 થી 2 લાખ હોય છે. પરંતુ, સાંજે 7:30 સુધીમાં આ સંખ્યા 3.5 લાખ સુધી પહોંચી ગઈ હતી. આવું એટલા માટે થયું કારણ કે 28 સપ્ટેમ્બરથી 5 દિવસની લાંબી રજા મળવાની છે. આવી સ્થિતિમાં લોકો રજાઓ ગાળવા બેંગલુરુથી બહાર આવ્યા હતા. ઘણી જગ્યાએ ભારે વરસાદને કારણે પાણી ભરાઈ જવાના કારણે ટ્રાફિક જામ પણ થયો હતો.

ઘણા લોકો અવિરતપણે ટ્રાફિકમાં અટવાયા હોવાથી સોશિયલ મીડિયા X પર ફોટો અને વીડિયો શેર કર્યા હતા. રિતેશ બાંગ્લાનીએ X પર લખ્યું, “સરકારનું આ એક શરમજનક નિવેદન છે. બહાનું બનાવવાને બદલે સ્વીકારો કે બેંગલુરુમાં જાહેર પરિવહન, ભયંકર ડ્રેનેજ, ખરાબ રીતે જાળવણી કરાયેલા રસ્તાઓ અને શહેરનું નબળું આયોજન છે. મારા બાળકો રાત્રે 9 વાગ્યે શાળાએથી પાછા ફર્યા, અને આ લોકો નાગરિકોને દોષી ઠેરવે છે.”

રિતેશ બાંગ્લાનીની પોસ્ટ પર એક વ્યક્તિએ કમેન્ટ કરી, “પરિસ્થિતિ ગમે તે હોય અને જે કોઈ પણ જવાબદાર હોય, શાળાના બાળકો માટે રાત્રે 9 વાગ્યે ઘરે પહોંચવું બિલકુલ ઠીક નથી.”

અન્ય એક વ્યક્તિએ કમેન્ટમાં લખ્યું, “ટ્રાફિક પોલીસને નુકસાન થાય છે કારણ કે તેઓ આ અરાજકતાનો ચહેરો બની જાય છે,  BBMP આ ગડબડની માલિકી ધરાવે છે, અને મને તેમના તરફથી કોઈ નિવેદન નથી મળી રહ્યું. ટ્રાફિક પોલીસ ખાડા ભરી રહ્યા છે.”

Tags :

Related News

Recent News

×