ચંદ્રયાન 3 મિશનનું નેતૃત્વ કરતી લખનૌની ‘રોકેટ વુમન’ની પ્રેરણાદાયી વાતો જાણો

આજે બપોરે 2:35 વાગ્યે, ISRO ચંદ્રયાન 3 મિશન લોન્ચ કરશે. આ ઘટના વિજ્ઞાન, રાજકારણ અને વ્યૂહરચનાનાં દૃષ્ટિકોણથી મહત્ત્વપૂર્ણ છે. જો તે સફળ થશે તો ભારત ચંદ્ર પર પહોંચેલા દેશોમાં સામેલ થશે. ચંદ્રયાન 3 લેન્ડર, રોવર અને પ્રોપલ્શન મોડ્યુલ સહિત છ મહત્વપૂર્ણ ઘટકોને વહન કરશે. આ મહત્વપૂર્ણ મિશનનું નેતૃત્વ રિતુ કરિધલ શ્રીવાસ્તવ દ્વારા કરવામાં આવી રહ્યું […]

આજે બપોરે 2:35 વાગ્યે, ISRO ચંદ્રયાન 3 મિશન લોન્ચ કરશે. આ ઘટના વિજ્ઞાન, રાજકારણ અને વ્યૂહરચનાનાં દૃષ્ટિકોણથી મહત્ત્વપૂર્ણ છે. જો તે સફળ થશે તો ભારત ચંદ્ર પર પહોંચેલા દેશોમાં સામેલ થશે.

ચંદ્રયાન 3 લેન્ડર, રોવર અને પ્રોપલ્શન મોડ્યુલ સહિત છ મહત્વપૂર્ણ ઘટકોને વહન કરશે. આ મહત્વપૂર્ણ મિશનનું નેતૃત્વ રિતુ કરિધલ શ્રીવાસ્તવ દ્વારા કરવામાં આવી રહ્યું છે, જે એક પ્રતિષ્ઠિત ISROના વૈજ્ઞાનિક છે તેમજ તે ઉત્તર પ્રદેશના લખનૌના વતની છે.

રિતુ કરીધલે મંગળયાન મિશન દરમિયાન મંગળ મિશનના ડેપ્યુટી ડાયરેક્ટર તરીકે મહત્વપૂર્ણ ભૂમિકા ભજવી હતી. હવે તેઓ આ મહત્વપૂર્ણ અવકાશ મિશનની જવાબદારી સંભાળી રહ્યા છે.

રિતુ કરીધલનો જન્મ અને ઉછેર લખનૌમાં થયો હતો. તેમણે લખનૌ યુનિવર્સિટીમાંથી ભૌતિકશાસ્ત્રમાં એમએસસી પૂર્ણ કર્યું અને બાદમાં પ્રસિદ્ધ ભારતીય વિજ્ઞાન સંસ્થાન, બેંગ્લોરમાંથી આગળનો અભ્યાસ કર્યો. ત્યારબાદ, તેમણે એરોસ્પેસમાં વિશેષતા ધરાવતા ISRO સાથે તેમની કારકિર્દીની શરૂઆત કરી.

રિતુ કરિધલના યોગદાન અને કુશળતાને કારણે તેઓને ઘણીવાર “ભારતની રોકેટ વુમન” તરીકે ઓળખવામાં આવે છે. તે 1997થી ISRO સાથે જોડાયેલ છે.

રિતુ કરીધલે પોતાની સમગ્ર કારકિર્દી દરમિયાન ઘણા પુરસ્કારો મેળવ્યા છે, જેમાં યંગ સાયન્ટિસ્ટ એવોર્ડ, ISRO ટીમ એવોર્ડ, ASI ટીમ એવોર્ડ અને સોસાયટી ઓફ ઈન્ડિયા એરોસ્પેસ ટેકનોલોજી એન્ડ ઈન્ડસ્ટ્રીઝ તરફથી એરોસ્પેસ વુમન એવોર્ડનો સમાવેશ થાય છે.

અગાઉના મિશનથી વિપરીત, ચંદ્રયાન 3માં ઓર્બિટર શામેલ નહીં હોય. તેના બદલે, વૈજ્ઞાનિકો સ્થાનિક રીતે વિકસિત પ્રોપલ્શન મોડ્યુલ મોકલી રહ્યા છે.615 કરોડ રૂપિયાના બજેટ સાથે ચંદ્રયાન 3 મિશનને ચંદ્ર પરની તેની યાત્રા પૂર્ણ કરવામાં લગભગ 50 દિવસ લાગશે. તેની ઇચ્છિત લેન્ડિંગ સાઈટ ચંદ્રનો દક્ષિણ ધ્રુવ છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India