Janbhawna TimesBharatvarshSaurashtra KutchSalaam TeluguThe India Daily Live

મધ્યપ્રદેશના કુનો નેશનલ પાર્કમાં ગુમ થયેલ આફ્રિકન માદા ચિત્તા ‘નીરવા’ 22 દિવસ બાદ મળી

મધ્યપ્રદેશના શિયોપુર જિલ્લાના કુનો નેશનલ પાર્ક (KNP) માં દક્ષિણ આફ્રિકાની એક માદા ચિત્તા કે જે 21 જુલાઈના રોજ તેના રેડિયો કોલર કામ કરવાનું બંધ કરી દીધા પછી શોધી શકાતી ન હતી. 22 દિવસના સર્ચ ઓપરેશન પછી રવિવારે પકડી લેવામાં આવી હતી. નીરવા ચિત્તાને કુનો નેશનલ પાર્ક (KNP) ની ધોરેટ રેન્જમાં સવારે 10 વાગ્યે પકડવામાં આવી […]

Admin
  • Last Updated : 14 August 2023, 05:47 AM IST

Share:

મધ્યપ્રદેશના શિયોપુર જિલ્લાના કુનો નેશનલ પાર્ક (KNP) માં દક્ષિણ આફ્રિકાની એક માદા ચિત્તા કે જે 21 જુલાઈના રોજ તેના રેડિયો કોલર કામ કરવાનું બંધ કરી દીધા પછી શોધી શકાતી ન હતી. 22 દિવસના સર્ચ ઓપરેશન પછી રવિવારે પકડી લેવામાં આવી હતી. નીરવા ચિત્તાને કુનો નેશનલ પાર્ક (KNP) ની ધોરેટ રેન્જમાં સવારે 10 વાગ્યે પકડવામાં આવી હતી, ત્યારબાદ તેની આરોગ્ય તપાસ કરવામાં આવી હતી. 

કુનો નેશનલ પાર્કની નીરવાનાં રેડિયો કોલરમાં ખામી સર્જાઈ હતી 

મધ્યપ્રદેશ વન વિભાગના ચીફ વાઈલ્ડલાઈફ વોર્ડન દ્વારા જાહેર કરાયેલા એક નિવેદનમાં જણાવાયું છે કે 21 જુલાઈના રોજ તેના રેડિયો કોલર કામ કરવાનું બંધ કર્યા પછી માદા ચિત્તાની છેલ્લા 22 દિવસથી સઘન શોધ ચાલી રહી હતી.

નેશનલ પાર્કના અધિકારીઓએ જણાવ્યું હતું કે 12 ઓગસ્ટના રોજ, તેમને સેટેલાઈટ દ્વારા 11 ઓગસ્ટની સાંજ સુધી ચિત્તાનું છેલ્લું સ્થાન મળ્યું હતું.

તેમણે જણાવ્યું કે એક સર્ચ ટીમને તાત્કાલિક સ્થળ પર મોકલવામાં આવી હતી અને ડ્રોન ટીમ અને ડોગ સ્ક્વોડની મદદથી, પશુચિકિત્સકોની એક ટીમ આખરે સાંજે નીરવાને શોધી કાઢવામાં સફળ રહી હતી, પરંતુ તેને પકડી શકી ન હતી.

કુનો નેશનલ પાર્કના નિવેદનમાં જણાવ્યું હતું કે અંધારું થઈ રહ્યું હોવાથી, તેઓએ આગલી સવારે ઑપરેશન ફરી શરૂ કરવાનું નક્કી કર્યું. ડ્રોન ટીમોને આખી રાત નીરવાના લોકેશન પર નજર રાખવાનું કામ સોંપવામાં આવ્યું હતું, જે તેમણે સફળતાપૂર્વક પાર પાડ્યું હતું. આગલી સવારે (13 ઓગસ્ટ), ડ્રોન ટીમો દ્વારા આપવામાં આવેલા સ્થાન પરથી સવારે 4 વાગ્યે સર્ચ ઓપરેશન શરૂ કરવામાં આવ્યું હતું.

ચિત્તાના સર્ચ ઓપરેશન માટે 100 લોકોની ટીમ

તેમણે જણાવ્યું હતું કે અધિકારીઓ, પશુચિકિત્સકો અને ચિત્તા ટ્રેકર્સ સહિત 100થી વધુ ફિલ્ડ સ્ટાફ દિવસ-રાત સ્પોટેડ ચિત્તાની શોધ કરી રહ્યા હતા. જમીન પરની ટીમ ઉપરાંત, બે ડ્રોન ટીમ, એક ડોગ સ્ક્વોડ અને ઉપલબ્ધ હાથીઓ સર્ચ ઓપરેશનમાં તૈનાત કરવામાં આવ્યા હતા. 15-20 ચોરસ કિલોમીટરના વિસ્તારની શોધ કરવામાં આવી રહી છે.

આ ઉપરાંત, ચિત્તા વિશે ગ્રામજનોને સતર્ક કરવામાં આવ્યા હતા અને તેમની પાસેથી મળેલી કોઈપણ માહિતીની ચકાસણી કરવામાં આવી હતી. અધિકારીઓએ ઉમેર્યું હતું કે નીરવાને પકડવામાં લગભગ છ કલાકનો સમય લાગ્યો હતો.

એક વરિષ્ઠ અધિકારીએ જણાવ્યું હતું કે, નેશનલ પાર્કના વરિષ્ઠ અધિકારીઓની આગેવાની હેઠળ ડ્રોન ટીમ, ડોગ સ્ક્વોડ, હાથીઓ, ફિલ્ડ ઓફિસર્સ, સ્ટાફ અને પશુચિકિત્સકો દ્વારા સંકલિત પ્રયાસ ચિત્તાને સફળતાપૂર્વક પકડવામાં પરિણમ્યો હતો.

નીરવા સ્વસ્થ છે અને વધુ આરોગ્ય તપાસ માટે તેને બોમા (બિડાણ)ની અંદર રાખવામાં આવી છે, KNP ખાતે તમામ 15 ચિત્તાઓ (સાત નર, સાત માદા અને એક માદા બચ્ચા) હવે બોમાસમાં રાખવામાં આવ્યા છે. 

Tags :

Related News

Recent News

×