વિપક્ષી ગઠબંધન ઈન્ડિયાએ મણિપુરની 2 દિવસની મુલાકાતે

મણિપુરમાં લગભગ ત્રણ મહિનાથી સતત ચાલી રહેલી વંશીય હિંસા વચ્ચે, 21 સભ્યોનું વિપક્ષી ગઠબંધન ઈન્ડિયા, જેમાં અગ્રણી નેતાઓ જેવા કે કોંગ્રેસના અધીર રંજન ચૌધરી અને ગૌરવ ગોગોઈ, તૃણમૂલના સુષ્મિતા દેવ, ડીએમકેના કનિમોઝી, આરજેડીના મનોજ કુમાર ઝા અને જેડીયુના પ્રમુખ જે.ડી. રાજીવ રંજન (લાલન) સિંહ, પરિસ્થિતિનું મૂલ્યાંકન કરવાની ટીમમાં સામેલ છે. વિપક્ષી ગઠબંધન ઈન્ડિયાની રચના બાદ […]

મણિપુરમાં લગભગ ત્રણ મહિનાથી સતત ચાલી રહેલી વંશીય હિંસા વચ્ચે, 21 સભ્યોનું વિપક્ષી ગઠબંધન ઈન્ડિયા, જેમાં અગ્રણી નેતાઓ જેવા કે કોંગ્રેસના અધીર રંજન ચૌધરી અને ગૌરવ ગોગોઈ, તૃણમૂલના સુષ્મિતા દેવ, ડીએમકેના કનિમોઝી, આરજેડીના મનોજ કુમાર ઝા અને જેડીયુના પ્રમુખ જે.ડી. રાજીવ રંજન (લાલન) સિંહ, પરિસ્થિતિનું મૂલ્યાંકન કરવાની ટીમમાં સામેલ છે. વિપક્ષી ગઠબંધન ઈન્ડિયાની રચના બાદ મણિપુરની આ તેમની પ્રથમ મુલાકાત છે.

સૂત્રોના જણાવ્યા અનુસાર, વિપક્ષના નેતાઓ બે દિવસની મુલાકાતે મણિપુરમાં રોકાશે. શનિવારે બપોરે ઈન્ડિયાના નેતાઓ ઈમ્ફાલમાં ઉતર્યા અને પછી હેલિકોપ્ટરમાં ચુરાચંદપુર ગયા. ત્યાં તેઓ કુકી જનજાતિના નેતાઓ, નાગરિક સમાજ અને મહિલા જૂથોને મળશે.

વિપક્ષી ગઠબંધન ‘ઈન્ડિયા’ પીડિતોની રાહત શિબિરની મુલાકાત કરશે

આ પ્રતિનિધિમંડળ રાહત શિબિરોની પણ મુલાકાત લેશે અને ઈમ્ફાલ પાછા ફરતા પહેલા હિંસા પીડિતોને મળશે જ્યાં તેઓ મેઈતેઈ સમુદાયના સભ્યોને મળશે.

આ મુલાકાત બદલ ભાજપે વિપક્ષના સાંસદોની ટીકા કરી છે અને રાજસ્થાન અને પશ્ચિમ બંગાળમાં મહિલાઓ સામેના કથિત અપરાધોનો પુનરોચ્ચાર કર્યો છે. કેન્દ્રીય મંત્રી અનુરાગ ઠાકુરે કહ્યું, “તે માત્ર એક દેખાડો છે. જ્યારે આ ઈન્ડિયા ગઠબંધન મણિપુરથી પરત ફરશે, ત્યારે હું અધીર રંજન ચૌધરીને પૂછવા માગીશ કે શું તેઓ તેમના રાજ્ય પશ્ચિમ બંગાળમાં મહિલાઓ વિરુદ્ધના ગુનાઓને સમર્થન આપે છે. શું ઈન્ડિયા ગઠબંધનના આ 21 સાંસદો રાજસ્થાનના અને પશ્ચિમ બંગાળ પર રિપોર્ટ કરશે?

વિપક્ષે કહ્યું- મણિપુરના સત્યને સંસદમાં ઉજાગર કરીશું

કોંગ્રેસના ગૌરવ ગોગોઈએ કહ્યું કે, “તેઓ મણિપુર જશે અને સત્ય શું છે તે શોધી કાઢશે અને તે સત્ય સંસદમાં રજૂ કરશે. તૃણમૂલના સુષ્મિતા દેવે કહ્યું, “સરકાર નિષ્ફળ ગઈ છે, તેથી અમે ત્યાં જઈને જોવા માંગીએ છીએ કે શું કોઈ ઉકેલ લાવી શકાય છે.” આરજેડીના મનોજ ઝાએ કહ્યું, “મણિપુરને સાંભળવાની જરૂર છે” અને તેઓ “મણિપુરના લોકોને સાંભળવાનો અને તેમની સ્થિતિ સમજવાનો પ્રયાસ કરી રહ્યા છે.”

આ મહિને બોલાવવામાં આવેલા ચોમાસું સત્રથી મણિપુરના મુદ્દાને કારણે સંસદમાં વિવાદ સર્જાયો છે, વિપક્ષી સાંસદોએ તેના પર લાંબી ચર્ચા તેમજ સંસદમાં વડાપ્રધાનના નિવેદનની માગણી કરી હતી, પરંતુ કેન્દ્રનો આગ્રહ છે કે ગૃહમંત્રી અમિત શાહ વિપક્ષને જવાબ આપે.

વિપક્ષે સંસદમાં અવિશ્વાસ પ્રસ્તાવ મુક્યો

સરકાર સંસદમાં કોંગ્રેસ દ્વારા લાવવામાં આવેલા અવિશ્વાસ પ્રસ્તાવનો પણ સામનો કરવાની તૈયારીમાં છે. લોકસભા સ્પીકરે પ્રસ્તાવ સ્વીકારી લીધો છે પરંતુ અવિશ્વાસ મત માટેની તારીખ નક્કી કરવાની બાકી છે.

વિપક્ષી પ્રતિનિધિમંડળની મણિપુરની મુલાકાત કોંગ્રેસના નેતા રાહુલ ગાંધીની 29-30 જૂનના રોજ રાજ્યની મુલાકાતના બરાબર એક મહિના પછી લેવામાં આવી છે. તેમની મુલાકાતના પ્રથમ દિવસે, તેમના કાફલાને અટકાવવામાં આવ્યો હતો અને તેઓ મણિપુરની રાજધાની ઈમ્ફાલથી હિંસાગ્રસ્ત ચુરાચંદપુર જિલ્લામાં હેલિકોપ્ટરમાં ગયા હતા.

મુખ્યમંત્રી એન બિરેન સિંહની સરકારે, જેમણે અત્યાર સુધી રાજીનામાની માંગણીઓ સ્વીકારવાનો ઈનકાર કર્યો છે, તેમણે આ મહિનાના અંતમાં અથવા ઓગસ્ટની શરૂઆતમાં વિધાનસભા સત્ર બોલાવવાનું નક્કી કર્યું છે.

3 મેના રોજ હિંસા ફાટી નીકળી ત્યારથી મણિપુરમાં ઓછામાં ઓછા 180 લોકોના મોત થયા છે અને હજારો લોકો વિસ્થાપિત થયા છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India